Il-kontenut ipprovdut minn
Svezja
KONTENUT TAL-PAĠNA
Sib informazzjoni għal kull reġjun
X'joffri r-reġistru tal-artijiet Svediż?
Ir-Reġistru tal-Proprjetà Immobbli, li r-reġistru tal-artijiet huwa parti minnu, huwa reġistru nazzjonali b'diversi użi li jipprovdi informazzjoni dwar:
- Proprjetà immobbli u unitajiet b'koproprjetà
- Diviżjonijiet amministrattivi
- Indirizzi tal-postijiet
- Erja ġeometrika tal-proprjetajiet/mapep katastali
- Sjieda
- Ipoteki u ftehimiet ta' ipoteki
- Servitujiet u użufrutti
- Regoli tal-pjanti u l-użu tal-art
- Monumenti antiki
- Kejl tal-meded tal-art u simili
- Drittijiet fuq proprjetà mogħtija b'kiri
- Storja
- Binjiet
- Informazzjoni dwar it-taxxa fuq il-proprjetà
Ir-reġisrtu tal-artijiet huwa mmaniġġjat mill-Awtorità Svediża tal-immappjar, il-katast u r-reġistrazzjoni tal-artijiet (Lantmäteriet).
L-aċċess għar-reġistru Svediż tal-artijiet huwa b'xejn?
L-informazzjoni mogħtija waqt żjarat personali jew permezz tat-telefon tingħata bla ħlas. L-informazzjoni tista' wkoll tintalab skont il-prinċipju tal-aċċess għad-dokumenti pubbliċi. Tapplika tariffa għall-aċċess elettroniku għar-reġistru, ħlief għas-servizz Min fastighet (il-proprjetà tiegħi) li jingħata bla ħlas.
Kif tfittex fir-reġistru tal-artijiet Svediż
Għadd ta’ servizzi ta’ tiftix elettroniku huma direttament disponibbli mill-websajt tal-Awtorità jew mill-aġenti tal-Awtorità (li jinsabu elenkati fil-websajt tal-Awtorità). Ħafna mis-servizzi jirrikjedu abbonament. L-aċċess huwa permezz tas-servizzi onlajn jew mis-selezzjoni u l-ipproċessar. Il-websajt tal-Awtorità toffri is-servizz wkoll
- Min fastighet (il-proprjetà tiegħi), li fiha informazzjoni dettaljata li hija disponbbli biss għas-sid tal-proprjetà.
Huwa possibbli wkoll li jinkiseb aċċess għal informazzjoni minn pajjiżi oħrajn permezz tal-EULIS, is-Servizz Ewropew tal-Informazzjoni dwar l-Artijiet.
L-istorja tar-reġistru tal-artijiet Svediż
Il-ħolqien tar-reġistru elettroniku beda fl-1970. Il-ħżin tal-informazzjoni tlesta fl-1995. L-ambjent tekniku u l-mezzi tal-aċċess tar-Reġistru tal-Proprjetà Immobbli ġew żviluppati gradwalment. Hemm pjanijiet biex tiġi introdotta pjattafoma teknika ġdida fjamanta għar-reġistru tal-artijiet. Il-xogħol f'dan is-sens beda u ser ikompli matul is-snin li ġejjin.
Ħoloq utli
Is-Servizz Ewropew tal-Informazzjoni dwar l-Artijiet (Eulis)
L-aħħar aġġornament:
09/11/2020
Il-verzjoni bil-lingwa nazzjonali hija ġestita mill-Istat Membru rispettiv. It-traduzzjonijiet saru mis-servizz tal-Kummissjoni Ewropea. Jista' jkun hemm xi tibdil imdaħħal fl-oriġinal mill-awtorità nazzjonali kompetenti li jkun għadu ma jidhirx fit-traduzzjonijiet. Il-Kummissjoni Ewropea ma taċċettax responsabbilta jew kwalunkwe tip ta' tort fir-rigward ta' kull informazzjoni jew dejta li tinsab jew li hemm referenza għaliha f'dan id-dokument. Jekk jogħġbok irreferi għall-avviż legali sabiex tiċċekkja r-regoli dwar id-drittijiet tal-awtur għall-Istati Membri responsabbli minn din il-paġna.