Il-kontenut ipprovdut minn
Awstrija
KONTENUT TAL-PAĠNA
Sib informazzjoni għal kull reġjun
Id-drittijiet tal-imputati fi proċedimenti kriminali
Dawn l-iskedi informattivi jispjegaw x’jiġri meta xi ħadd ikun suspettat jew akkużat b’delitt li jinstema’ permezz ta’ proċess quddiem il-qorti.
Skont il-liġi Awstrijaka, tkun wettaqt reat biss meta tkun ksirt dispożizzjoni legali speċifika fis-seħħ fil-mument meta tkun wettaqt l-att. Id-dritt ta’ prosekuzzjoni huwa dritt tal-Istat. L-awtoritajiet tal-prosekuzzjoni u, taħt id-direzzjoni tagħhom, id-dipartiment tal-investigazzjoni kriminali, kif ukoll il-qrati, iridu jiddeterminaw il-fatti u jiċċaraw iċ-ċirkostanzi kollha li huma ta’ importanza meta jiġu vvalutati l-fatti.
Fl-iskedi informattivi li ġejjin, se ssir taf dwar drittijietek bħala imputat jekk jitressqu proċedimenti kriminali kontrik fl-Awstrija. Għandek drittijiet differenti matul l-istadji differenti tal-proċedimenti. L-aktar stadji importanti fil-proċedimenti se jiġu spjegati f’forma mqassra sabiex tkun tista’ taċċessa malajr l-informazzjoni li teħtieġ.
Sommarju tal-proċedimenti kriminali
Fil-prinċipju, il-proċedimenti kriminali fl-Awstrija jikkonsistu fi tliet stadji:
- L-investigazzjoni
- L-istadju tal-proċess
- L-Appell
Tista’ ssib id-dettalji dwar dawn l-istadji kollha fil-proċess u dwar drittijietek fl-iskedi informattivi. Din l-informazzjoni mhijiex qiegħda biex tieħu post il-konsulenza legali u hija maħsuba biss bħala gwida.
Jekk inti vittma ta’ xi delitt, tista’ ssib l-informazzjoni kollha dwar drittijietek hawnhekk.
Ikklikkja fuq il-links ta’ hawn taħt biex issib l-informazzjoni li teħtieġ
Id-drittijiet tiegħi matul l-investigazzjoni
L-aħħar aġġornament:
01/06/2023
Il-verzjoni bil-lingwa nazzjonali hija ġestita mill-Istat Membru rispettiv. It-traduzzjonijiet saru mis-servizz tal-Kummissjoni Ewropea. Jista' jkun hemm xi tibdil imdaħħal fl-oriġinal mill-awtorità nazzjonali kompetenti li jkun għadu ma jidhirx fit-traduzzjonijiet. Il-Kummissjoni Ewropea ma taċċettax responsabbilta jew kwalunkwe tip ta' tort fir-rigward ta' kull informazzjoni jew dejta li tinsab jew li hemm referenza għaliha f'dan id-dokument. Jekk jogħġbok irreferi għall-avviż legali sabiex tiċċekkja r-regoli dwar id-drittijiet tal-awtur għall-Istati Membri responsabbli minn din il-paġna.