Sib Nutar

1. Ħarsa ġenerali

"Sib nutar" huwa servizz ipprovdut lill-pubbliku ġenerali mill-Kummissjoni Ewropea, il-Kunsill tan-Nutara tal-Unjoni Ewropea (CNUE asbl), u kmamar oħrajn tan-nutara parteċipanti. Il-Kummissjoni għamlet dan is-servizz disponibbli biex ikun iffaċilitat l-aċċess għall-ġustizzja f'kuntest transfruntier billi ċ-ċittadini u l-ġuristi tal-UE jkunu jistgħu jsibu nutar faċilment madwar l-UE.

2. Termini u Kundizzjonijiet

Bl-użu ta' dan is-servizz inti taqbel li tintrabat bit-termini u l-kundizzjonijiet li ġejjin.

Inti taqbel li tuża dan is-servizz esklussivament għall-fini maħsub għalih – li ssib professjonist ġuridiku (nutar) biex tfittex is-servizzi tiegħu jew biex tikkuntattja professjonist kollega. M'intix se tuża s-servizz, jew kwalunkwe dejta personali mogħtija mis-servizz, bi ħsieb jew intenzjoni oħra u b'mod partikolari fir-rigward ta' attivitajiet kummerċjali, pubbliċitarji jew ta' reklamar.

M'intix permess tikkopja b'mod awtomatizzat (harvest), u / jew tqassam id-dejta li tirċievi mis-servizz "Sib nutar" permezz ta' kull mezz ieħor. Għandek il-permess toħloq ħolqa għall-Portal Ewropew tal-e-Ġustizzja u l-paġni kollha tagħha.

Barra dawn it-Termini, it-Termini u ċ-ċaħda rigward il-privatezza applikabbli għall-Portal Ewropew tal-e-Ġustizzja. Tista' tikkonsultahom hawnhekk.

Il-Kummissjoni Ewropea tista' tirrevedi dawn it-termini f'kull mument mingħajr avviż minn qabel u għandek dejjem tirreferi għall-verżjoni kurrenti ta' dawn it-Termini kif ippubblikati f'dan is-sit.

Il-liġi applikabbli hija l-liġi Belġjana u l-qrati Belġjani huma kompetenti f'każ ta' tilwim.

3. Limitazzjoni tar-Responsabbiltà

Dan is-servizz huwa pprovdut "kif inhu" u fuq bażi tal-"aqwa tentattiv". Il-Kummissjoni Ewropea, is-CNUE u l-kmamar tan-nutara nazzjonali parteċipanti jiċħdu kull u kwalunkwe responsabbiltà, kemm espliċita u kemm implikata. B'mod partikolari ma nistgħux niggarantixxu l-istat aġġornat tad-dejta jew kemm tkun korretta, jew niżguraw id-disponibilità tas-servizz mingħajr interruzzjoni.

4. Użu ta' cookies

Nużaw cookies bl-uniku għan li nipprovdulek esperjenza pjaċevoli bħala utent. Aħna ma nżommu l-ebda dejta personali f'dawn il-cookies, u lanqas ma naqsmuhom ma' terzi.

5. Mistoqsijiet frekwenti

Mistoqsija: Minn fejn tiġi d-dejta?
Tweġiba: Id-dejta dwar in-nutara tiġi mir-reġistri tal-kmamar tan-nutara nazzjonali parteċipanti kif ipprovduti mis-CNUE u korpi kompetenti oħrajn.

Mistoqsija: It-tfittxija ssir f'ħin reali?
Tweġiba: Iva, it-tfittxija ssir f'ħin reali.

Mistoqsija: Għaliex ma nistax infittex fl-Istati Membri tal-UE kollha?
Tweġiba: F'ċerti Stati Membri tal-UE ma teżistix il-professjoni ta' nutar. Bħalissa qed naħdmu għall-interkonnessjoni tar-reġistri fir-Renju Unit u l-Irlanda fejn teżisti l-professjoni ta' nutara pubbliċi.

Mistoqsija: Qed nesperjenza diffikultà teknika / is-servizz mhux disponibbli, tistgħu tirranġawh?
Tweġiba: Ma nistgħux niżguraw id-disponibilità kull ħin u kuljum tas-servizz jew tad-disponibilità tiegħu. Jekk tesperjenza nuqqas ta' disponibilità tas-servizz sistematiku jew kwistjoni teknika oħra tista' tinnotifikana u l-Kummissjoni tagħmel l-almu tagħha biex tirrettifika l-problema malajr kemm jista' jkun.

Mistoqsija: Jiena nutar irreġistrat f'organizzazzjoni parteċipanti u s-servizz ma jagħtix riżultat b'ismi / l-informazzjoni hija żbaljata / nistieq nitneħħa. Lil min għandi nikkuntattja?
Tweġiba: Ikkuntattja lill-kamra rilevanti tiegħek tar-reġistrazzjoni. Il-Kummissjoni ma għandhiex aċċess u lanqas ma tista' timmodifika bl-ebda mod id-dejta tan-nutara. Tista' ssib l-informazzjoni ta' kuntatt hawn taħt.

Mistoqsija: Għandi mistoqsija oħra, lil min nista' nikkuntattja?
Tweġiba: Ara hawn taħt.

6. Informazzjoni ta' kuntatt

Il-Portal Ewropew tal-e-Ġustizzja u s-servizz "Sib nutar" huma ġestiti mid-Direttorat Ġenerali tal-Kummissjoni Ewropea għall-Ġustizzja, Unità B.3. Il-persuna responsabbli (kontrollur tad-dejta) hija Cristian NICOLAU, Kap tal-Unità.

Għal mistoqsijiet ġenerali, biex tirrapporta problema teknika jew tressaq idea, tista' tikkuntattja l-Kummissjoni Ewropea bil-posta jew bil-posta elettronika fl-indirizzi:

European Commission

Jekk tkun trid tressaq ilment kontra kwalunkwe att tal-ipproċessar tad-dejta mwettaq fir-responsabbiltà tal-Kummissjoni, tista' tikkuntattja lis-Superviżur Ewropew tal-Protezzjoni tad-Dejta:

Informazzjoni ta' kuntatt dwar il-fornituri tad-dejta parteċipanti jistgħu jinstabu hawn taħt. Jekk ikollok kwistjoni jew mistoqsija, rigward id-dejta mogħtija mis-servizz "Sib nutar" għandek tikkuntattja l-kamra tan-nutara responsabbli direttament. Dan japplika wkoll jekk ikollok talbiet jew tħassib partikolari rigward l-ipproċessar tad-dejta personali tiegħek.