Europski portal e-pravosuđa

Spejjeż

Belgija

F’dan l-istudju tal-każ dwar il-liġi tal-familja – pensjoni tal-manteniment (pension alimentaire), l-Istati Membru ntalbu jinfurmaw lill-attur dwar l-ispejjeż tal-proċedimenti fis-sitwazzjonijiet li ġejjin: Każ A – Sitwazzjoni nazzjonali: żewġ persuni ilhom jgħixu flimkien għal numru ta’ snin mingħajr ma żżewġu. Ikollhom wild ta’ tliet snin meta jisseparaw. Qorti tagħti l-kustodja (droit de garde) tal-wild minuri lill-omm. L-uniku punt pendenti inkwistjoni huwa relatat mal-ammont ta’ pensjoni tal-manteniment dovut lill-omm mill-missier għall-manteniment u t-trobbija tal-wild minuri. L-omm tiftaħ proċedimenti legali dwar din il-kwistjoni. Każ B – Is-sitwazzjoni transfruntiera mill-perspettiva ta’ avukat li jeżerċita fl-Istat Membru A: żewġ persuni mhux miżżewġin għexu flimkien fl-Istat Membru B. Għandhom wild minuri ta’ tliet snin. Dawn jisseparaw. Qorti fl-Istat Membru B tagħti l-kustodja tal-wild lill-omm. Bi qbil mal-missier, l-omm u l-wild imorru jgħixu fl-Istat Membru A, fejn jistabbilixxu r-residenza tagħhom. Punt wieħed jibqa’ inkwistjoni. Dan huwa relatat mal-ammont ta’ pensjoni tal-manteniment dovut lill-omm mill-missier għall-manteniment u t-trobbija tal-wild minuri. L-omm tibda proċedimenti legali dwar din il-kwistjoni fl-Istat Membru A.

Kumment preliminari importanti: It-tariffi tal-avukati ma humiex irregolati fil-Belġju (dawn jiġu ddeterminati mid-diffikultà u s-sinifikat tal-każ, l-isem u r-reputazzjoni tal-avukat, l-urġenza tal-kawża, ir-riżultat tal-kawża, eċċ.). Madankollu, l-avukati fil-Belġju huma marbuta b’regoli etiċi u huma legalment obbligati li jagħtu stima ġusta u moderata tal-ispejjeż u tal-kostijiet (ara hawn fuq).

L-istima tal-ispejjeż u tal-kostijiet hija purament indikattiva.

L-ispejjeż fil-Belġju

L-ispejjeż tal-proċedimenti fil-prim’istanza u fl-appell, u s-soluzzjoni alternattiva għat-tilwim (ADR)

Studju ta’ każ	Proċedimenti fil-prim’istanza			Proċedimenti ta’ appell			Soluzzjoni Alternattiva għat-Tilwim (ADR)
	L-ispejjeż inizjali tal-proċedimenti	L-ispejjeż tat-traskrizzjoni	Spejjeż oħra	L-ispejjeż inizjali tal-proċedimenti	L-ispejjeż tat-traskrizzjoni	Spejjeż oħra	Din l-għażla hija disponibbli f’dan it-tip ta’ kawża?	Spejjeż
Każ A	EUR 27	EUR 2.85 għal kull paġna (Digriet Reġju (arrêté royal) Nru° 64 tat-30 ta’ Novembru 1939, Il-Gazzetta Uffiċjali Belġjana tal-1 ta’ Diċembru 1939)		EUR 82	EUR 2.85 għal kull paġna (Digriet Reġju Nru° 64 tat-30 ta’ Novembru 1939, Il-Gazzetta Uffiċjali Belġjana tal-1 ta’ Diċembru 1939)		le
Każ B	EUR 27	EUR 2.85 għal kull paġna (Digriet Reġju Nru° 64 tat-30 ta’ Novembru 1939, Il-Gazzetta Uffiċjali Belġjana tal-1 ta’ Diċembru 1939)		EUR 82	EUR 2.85 għal kull paġna (Digriet Reġju Nru° 64 tat-30 ta’ Novembru 1939, Il-Gazzetta Uffiċjali Belġjana tal-1 ta’ Diċembru 1939)		le

Tariffi tal-avukati, tal-uffiċjali ġudizzjarju (huissier de justice) u tax-xhieda esperti (expert)

Studju ta’ każ	Avukat		Uffiċjal ġudizzjarju			Xhud espert
	Ir-rappreżentanza hija obbligatorja?	Spejjeż medji	Ir-rappreżentanza hija obbligatorja?	Spejjeż qabel is-sentenza	Spejjeż wara s-sentenza	L-involviment tagħhom huwa obbligatorju?	Spejjeż
Każ A	le	madwar EUR 1 000	le	madwar EUR 27	madwar EUR 60	le
Każ B	le	madwar EUR 1 000	le	madwar EUR 27	madwar EUR 60	le

Spejjeż relatati mal-ħlas tax-xhieda (témoin), il-ġurament (serment) jew garanzija oħra u tariffi oħra

Studju ta’ każ	Ħlas tax-xhieda		Il-ġurament jew garanzija oħra
	Ix-xhieda jitħallsu?	Spiża	Dan japplika u meta u kif jiġi implimentat?
Każ A	iva	bejn EUR 15.65 u EUR 48.24	Fil-proċedimenti ċivili, bħala regola ġenerali, jista’ jinħoloq l-obbligu li jiġi pprovdut depożitu meta jinbdew il-proċedimenti fil-każ previst fl-Artikolu 851 tal-Kodiċi Ġudizzjarju (Code judiciaire). F’dan il-każ, rikorrent li jkun ċittadin barrani jista’ jkun obbligat jipprovdi depożitu. Intimat Belġjan jista’ jitlob li r-rikorrent jew l-intervenjent barrani jipprovdi depożitu. L-Artikolu 852 jispeċifika l-forma li jista’ jieħu d- depożitu (somma flus, garanzija, eċċ.). Ara l-iskeda informattiva dwar it-trasparenza tal-ispejjeż.
Każ B	iva	BEF 200 jew EUR 4.96	Fil-proċedimenti ċivili, bħala regola ġenerali, jista’ jinħoloq l-obbligu li jiġi pprovdut depożitu meta jinbdew il-proċedimenti fil-każ previst fl-Artikolu 851 tal-Kodiċi Ġudizzjarju. F’dan il-każ, rikorrent li jkun ċittadin barrani jista’ jkun obbligat jipprovdi depożitu. Intimat Belġjan jista’ jitlob li r-rikorrent jew l-intervenjent barrani jipprovdi depożitu. L-Artikolu 852 jispeċifika l-forma li jista’ jieħu d- depożitu (somma flus, garanzija, eċċ.). Ara l-iskeda informattiva dwar it-trasparenza tal-ispejjeż.

Spejjeż tal-għajnuna legali (aide juridique) u tipi oħra ta’ ħlasijiet

Ara t-taqsima dwar l-Għajnuna legali tal-paġna dwar l-ispejjeż tal-proċedimenti.

Spejjeż għat-traduzzjoni u l-interpretazzjoni

Studju ta’ każ	Traduzzjoni		Interpretazzjoni		Spejjeż oħra relatati ma’ tilwim transfruntier?
	Meta u taħt liema kundizzjonijiet hija meħtieġa?	Spiża approssimattiva?	Meta u taħt liema kundizzjonijiet hija meħtieġa?	Spiża approssimattiva?	Deskrizzjoni	Spiża approssimattiva?
Każ A	meta d-dokumenti jkunu meħtieġa għall-proċedimenti	bejn EUR 7.57 u EUR 34.48 għal kull paġna	meta l-intimat ma jkunx jifhem il-lingwa tal-proċedimenti	bejn EUR 31.61 u EUR 54.62 fis-siegħa
Każ B	meta d-dokumenti jkunu meħtieġa għall-proċedimenti	bejn EUR 7.57 u EUR 34.48 għal kull paġna	meta l-intimat ma jkunx jifhem il-lingwa tal-proċedimenti	bejn EUR 31.61 u EUR 54.62 fis-siegħa	l-ispejjeż tad-dikjarazzjoni ta’ eżegwibbiltà (exequatur)	madwar EUR 100

L-aħħar aġġornament: 20/09/2019

Il-verzjoni bil-lingwa nazzjonali hija ġestita mill-Istat Membru rispettiv. It-traduzzjonijiet saru mis-servizz tal-Kummissjoni Ewropea. Jista' jkun hemm xi tibdil imdaħħal fl-oriġinal mill-awtorità nazzjonali kompetenti li jkun għadu ma jidhirx fit-traduzzjonijiet. Il-Kummissjoni Ewropea ma taċċettax responsabbilta jew kwalunkwe tip ta' tort fir-rigward ta' kull informazzjoni jew dejta li tinsab jew li hemm referenza għaliha f'dan id-dokument. Jekk jogħġbok irreferi għall-avviż legali sabiex tiċċekkja r-regoli dwar id-drittijiet tal-awtur għall-Istati Membri responsabbli minn din il-paġna.