

Il-qorti toħroġ ordni ta’ ħlas jekk il-pretendent jagħmel talba fi flus jew jitlob eżekuzzjoni ta' sostituzzjoni oħra.
Ordni ta’ ħlas tista’ tinħareġ irrispettivament mill-ammont tat-talba.
Il-proċedura hi fakultattiva. Il-qorti toħroġ ordni ta’ ħlas fuq it-talba bil-miktub tal-pretendent imqajma fl-atti tat-talba.
Proċedura tal-ordni ta’ ħlas ma tistax tinfetaħ jekk l-ordni ta’ ħlas ma tkunx tista’ tiġi nnotifikata lill-konvenut fil-Polonja.
Il-proċedura tal-ordni ta’ ħlas hi soġġetta għall-ġurisdizzjoni tal-qrati distrettwali (rejonowy) u reġjonali (okręgowy).
Ma hemm ebda formola standardizzata.
Mhuwiex mandatorju li wieħed ikun rappreżentat minn avukat (przymus adwokacki) fi proċedura tal-ordni ta’ ħlas.
Jenħtieġ li l-atti tat-talba jispeċifikaw it-talba b’mod preċiż u jistabbilixxu ċ-ċirkustanzi fattwali li jiġġustifikaw it-talba.
Iċ-ċirkustanzi li jiġġustifikaw it-talba jridu jkunu murija bil-provi billi jiġu mehmuża d-dokumenti li ġejjin mal-atti tat-talba:
a) dokument uffiċjali;
b) kont aċċettat mid-debitur;
c) talba ta’ ħlas indirizzata lid-debitur u d-dikjarazzjoni miktuba ta’ konferma tad-dejn mid-debitur;
d) talba ta’ ħlas aċċettata mid-debitur, irritornata mill-bank u mhux imħallsa minħabba n-nuqqas ta’ fondi fil-kont tal-bank.
Il-qorti toħroġ ukoll ordni ta’ ħlas kontra l-obbligant permezz ta’ ċedola, ċekk, garanzija jew IOU mimlija kif xieraq, li l-awtentiċità u l-kontenut tagħhom ikunu ċerti.
Il-qorti tiċħad l-atti tat-talba:
Ara l-paragrafu 1.6.
Dikjarazzjoni miktuba ta’ oppożizzjoni għandha tiġi ppreżentata quddiem il-qorti li tkun ħarġet l-ordni ta’ ħlas. Fid-dikjarazzjoni, jenħtieġ li l-konvenut jispeċifika jekk hux qed jopponi l-ordni fis-sħuħija tagħha jew f’parti minnha u jippreżenta l-eċċezzjonijiet, li jridu jiġu ppreżentati qabel ma tibda t-tilwima li tikkonċerna s-sustanza tal-każ, u jekk ma jagħmilx hekk hu jitlef id-dritt li jqajjem dawn l-eċċezzjonijiet, kif ukoll iċ-ċirkustanzi fattwali u l-evidenza. Il-qorti tinjora dikjarazzjonijiet u evidenza ppreżentati tard, ħlief jekk il-parti turi li ma kienx it-tort tagħha li naqset milli tippreżentahom bħala parti mid-dikjarazzjoni ta’ oppożizzjoni jew li l-awtorizzazzjoni ta’ dikjarazzjonijiet u ta’ evidenza ppreżentati tard ma tkunx se tittardja s-smigħ tal-każ jew li japplikaw ċirkustanzi eċċezzjonali oħra.
Jekk dikjarazzjoni ta’ oppożizzjoni tkun ġiet ippreżentata kif suppost, l-imħallef jistabbilixxi d-data għas-smigħ u jordna li l-pretendent jiġi nnotifikat bid-dikjarazzjoni.
Ladarba tinħareġ, ordni ta’ ħlas tikkostitwixxi ordni ta’ preservazzjoni (tytuł zabezpieczenia) u tista’ tiġi eżegwita mingħajr ma jkollha bżonn tiġi ddikjarata eżegwibbli.
Wara li jiskadi t-terminu perentorju għall-preżentazzjoni ta’ dikjarazzjoni ta’ oppożizzjoni, l-ordni ta’ ħlas issir eżegwibbli mingħajr formalitajiet ulterjuri.
Ordni ta’ ħlas maħruġa skont il-proċedura tal-ordni ta’ ħlas ma tistax tiġi appellata.
Il-verzjoni bil-lingwa nazzjonali ta’ din il-paġna tinżamm mill-punt ta’ kuntatt tan-NĠE rispettiv. It-traduzzjonijiet saru mis-servizz tal-Kummissjoni Ewropea. Jista' jkun hemm xi tibdil imdaħħal fl-oriġinal mill-awtorità nazzjonali kompetenti li jkun għadu ma jidhirx fit-traduzzjonijiet. La l-NĠE u lanqas il-Kummissjoni Ewropea ma jaċċettaw ebda responsabbiltà fir-rigward ta' kwalunkwe informazzjoni jew dejta li tinsab jew li hemm referenza għaliha f'dan id-dokument. Jekk jogħġbok irreferi għall-avviż legali sabiex tiċċekkja r-regoli dwar id-drittijiet tal-awtur għall-Istati Membri responsabbli minn din il-paġna.