Il-kontenut ipprovdut minn
Polonja
KONTENUT TAL-PAĠNA
- Liema awtorità tgħinni nibgħat talba f’pajjiż ieħor tal-UE?
- X’inhu r-rwol tal-awtorità ta’ assistenza?
- Dik l-awtorità se tittraduċi d-dokumenti ta’ sostenn, jekk dan ikun meħtieġ għall-fini li l-applikazzjoni tingħadda lill-korpi li jmiss? Jekk iva, min iħallas għat-traduzzjoni?
- Hemm imposti amministrattivi jew imposti oħrajn li jridu jitħallsu meta t-talba tintbagħat pajjiż ieħor?
Sib informazzjoni għal kull reġjun
Liema awtorità tgħinni nibgħat talba f’pajjiż ieħor tal-UE?
Il-kompiti tal-awtorità ta’ assistenza huma stipulati fid-Direttiva tal-Kunsill 2004/80/KE. Jissemmew ukoll fil-Liġi dwar il-Kumpens mill-Istat għall-Vittmi ta’ Ċerti Reati tas-7 ta’ Lulju 2005 (il-Ġurnal tal-Liġijiet tal-2016, il-punt 325).
F’konformità mal-Liġi msemmija hawn fuq, l-awtorità ta’ assistenza fir-Repubblika tal-Polonja kompetenti għall-ksib ta’ kumpens għal vittma ta’ reat imwettaq fit-territorju ta’ Stat Membru ieħor tal-Unjoni Ewropea b’residenza abitwali fil-Polonja tkun il-prosekutur distrettwali li fil-ġuriżdizzjoni tiegħu l-persuna intitolata għall-kumpens ikollha r-residenza abitwali tagħha.
X’inhu r-rwol tal-awtorità ta’ assistenza?
L-awtorità ta’ assistenza tipprovdi lil min japplika għall-kumpens fi Stat Membru ieħor tal-Unjoni Ewropea l-informazzjoni meħtieġa dwar il-possibbiltajiet u l-kundizzjonijiet biex wieħed japplika għall-kumpens mogħti mill-awtoritajiet kontraenti fi Stati Membri oħra tal-Unjoni Ewropea meta r-reat ikun sar fit-territorju ta’ dawk l-Istati, tqiegħed għad-disponibbiltà l-mudell tal-formola ta’ applikazzjoni rilevanti u tipprovdi informazzjoni u assistenza ġenerali dwar kif timtela l-applikazzjoni.
L-awtorità ta’ assistenza tirċievi u tittrażmetti minnufih l-applikazzjonijiet għall-kumpens, flimkien mad-dokumentazzjoni meħtieġa, lill-awtoritajiet kontraenti fi Stati Membri oħra tal-Unjoni Ewropea, permezz tal-formola mħejjija mill-Kummissjoni Ewropea.
Dik l-awtorità se tittraduċi d-dokumenti ta’ sostenn, jekk dan ikun meħtieġ għall-fini li l-applikazzjoni tingħadda lill-korpi li jmiss? Jekk iva, min iħallas għat-traduzzjoni?
Il-kompitu ewlieni tal-awtorità ta’ assistenza huwa li tirċievi u tgħaddi l-applikazzjonijiet għall-kumpens lill-awtoritajiet kontraenti fil-pajjiżi individwali tal-UE.
L-awtorità ta’ assistenza fir-Repubblika tal-Polonja se tgħaddi lill-awtorità ta’ assistenza u lill-awtorità kontraenti fi Stat Membru ieħor tal-Unjoni Ewropea l-korrispondenza relatata mal-kumpens b’lingwa uffiċjali ta’ dak l-Istat jew b’lingwa oħra indikata minn dak l-Istat, dment li r-rapporti tas-seduti li jsiru mill-awtorità ta’ assistenza dwar il-kumpens jiġu riċevuti u trażmessi bil-lingwa uffiċjali tal-Istat li fih ikunu tfasslu.
L-ispejjeż tal-azzjonijiet li jittieħdu mill-awtoritajiet ta’ assistenza fir-Repubblika tal-Polonja, inklużi l-ispejjeż għat-traduzzjoni tad-dokumenti trażmessi lill-korpi kontraenti fi Stati Membri oħra tal-Unjoni Ewropea, għandhom jiġġarbu mit-Teżor tal-Istat. Skont l-Artikolu 11 tad-Direttiva tal-Kunsill 2004/80/KE, dawk l-ispejjeż ma għandhomx jitħallsu mill-vittma ta’ reat.
Hemm imposti amministrattivi jew imposti oħrajn li jridu jitħallsu meta t-talba tintbagħat pajjiż ieħor?
It-tweġiba ngħatat hawn fuq. Il-vittma ta’ reat ma ġġarrab l-ebda spiża.
L-aħħar aġġornament:
29/07/2024
Il-verzjoni bil-lingwa nazzjonali hija ġestita mill-Istat Membru rispettiv. It-traduzzjonijiet saru mis-servizz tal-Kummissjoni Ewropea. Jista' jkun hemm xi tibdil imdaħħal fl-oriġinal mill-awtorità nazzjonali kompetenti li jkun għadu ma jidhirx fit-traduzzjonijiet. Il-Kummissjoni Ewropea ma taċċettax responsabbilta jew kwalunkwe tip ta' tort fir-rigward ta' kull informazzjoni jew dejta li tinsab jew li hemm referenza għaliha f'dan id-dokument. Jekk jogħġbok irreferi għall-avviż legali sabiex tiċċekkja r-regoli dwar id-drittijiet tal-awtur għall-Istati Membri responsabbli minn din il-paġna.