Sistemi legali - tal-UE u nazzjonali

Is-sistema tal-qrati tal-Unjoni Ewropea (UE) hija magħmula minn tliet elementi: il-Qorti tal-Ġustizzja, il-Qorti Ġenerali u l-qrati speċjalizzati f’oqsma speċifiċi. Dawn il-qrati tal-UE jiżguraw li l-interpretazzjoni u l-applikazzjoni tad-dritt tal-UE jkunu osservati.

Is-sistemi ġudizzjarji tal-Istati Membri huma ferm differenti u jirriflettu d-differenzi fit-tradizzjonijiet ġudizzjarji nazzjonali.

Il-qrati ordinarji huma l-qalba tas-sistemi ġudizzjarji fl-Istati Membri. Huma jittrattaw il-parti l-kbira tal-proċedimenti ġudizzjarji. L-ambitu tal-ġurisdizzjoni tagħhom ivarja ħafna. Hawnhekk tista’ ssib informazzjoni dwar il-qrati ordinarji u l-ġurisdizzjoni tagħhom f’kull Stat Membru.

F’diversi Stati Membri hemm qrati speċjalizzati li jittrattaw kwistjonijiet speċifiċi. Ta’ spiss qrati bħal dawn jittrattaw tilwim li jikkonċerna kwistjonijiet amministrattivi jew f’xi każijiet tilwim bejn persuni privati jew negozji.