Il-pubblikazzjoni ta’ avviżi uffiċjali

Fuq liema sit(i) web jiġu ppubblikati l-avviżi uffiċjali?

https://www.justiz.gv.at/

https://edikte.justiz.gv.at/

Liema tipi ta’ avviżi huma ppubblikati?

It-tipi ta’ avviżi li ġejjin jiġu ppubblikati fis-sit https://www.justiz.gv.at/:

• Rapporti
• Perizji
• Opinjonijiet
• Evalwazzjonijiet
• Ċirkulari
• Linji gwida
• Testi għal konsultazzjoni
• Statuti
• Statistika
• Manwali
• Avviżi ta’ postijiet vakanti
• Pubblikazzjoni tal-ħatriet

L-avviżi li ġejjin jiġu ppubblikati fis-sit web https://edikte.justiz.gv.at/ (Ediktsdatei – “Fajl tal-Editti”):

• Każijiet ta' insolvenza (fallimenti, riorganizzazzjonijiet, saldi ta' djun)
• Proċedura Ewropea ta’ ristrutturar
• Inabbiltà evidenti li wieħed iħallas
• Bejgħ u lokazzjonijiet fi proċedimenti ta' insolvenza
• Subbasti ordnati mill-qorti
• Proprjetà
• Beni mobbli
• Bejgħ ta’ oġġetti b’kuntratt privat skont l-Artikolu 268(2) tal-Kodiċi ta’ Eżekuzzjoni
• Riċevitura ġudizzjarja
• Irkanti volontarji
• Bini suġġett għal wegħda mhux possessorja li jinbena fuq art ta’ partijiet terzi
• Editti u avviżi fi proċedimenti kriminali
• Avviżi mill-qrati kriminali
• Proċedura ta’ rkupru kriminali
• Notifiki ta’ konsenja fi proċedimenti kriminali
• Terminazzjoni tal-investigazzjonijiet
• Avviżi pubbliċi
• Amministraturi maħtura mill-qorti u notifiki permezz ta’ avviż pubbliku
• Kanċellazzjoni ta' titoli
• Ċertifikati tal-mewt/prova ta’ kawża tal-mewt
• Editti fi proċedimenti tas-suċċessjoni
• Editti skont l-Att dwar il-Kustodja u s-Sekwestru (Verwahrungs- und Einziehungsgesetz)
• Rappreżentanza tar-residenti skont l-Artikolu 8 tal-Att dwar il-Kura Residenzjali(Heimaufenthaltsgesetz)
• L-ombudsmen tal-pazjenti skont l-Artikolu 13 tal-Att dwar ir-Reklużjoni fl-Istituzzjonijiet (Unterbringungsgesetz)
• Notifika b'avviż pubbliku lil persuni ġuridiċi
• Notifika b'avviż pubbliku mill-Qrati Kummerċjali (Firmenbuchgerichte)
• Avviżi mill-Qrati Kummerċjali
• Editti mill-Qrati tar-Reġistru tal-artijiet (Grundbuchsgerichte)
• Deċiżjonijiet tal-Qorti tal-Prattiki Restrittivi (Kartellgericht)
• Pubblikazzjonijiet tal-Ġustizzja Awstrijaka (Kundmachungen der Justiz)
• Pubblikazzjonijiet mill-kumpaniji

Minn liema organizzazzjoni(jiet) jiġu ppubblikati l-avviżi uffiċjali?

Mill-Ministeru Federali għall-Ġustizzja (Bundesministerium für Justiz)

Mill-qrati, il-prosekuturi pubbliċi, l-avukati u n-nutara

L-aċċess għall-avviżi uffiċjali hu bla ħlas?

Iva

X’tipi ta’ tiftixiet jistgħu jsiru?

Is-sit web tal-Ministeru tal-Ġustizzja (Homepage der Justiz) joffri tiftixa sempliċi bil-kliem li tiċċekkja d-dokumenti kollha fuq is-sit web.

Il-kategoriji kollha fis-sit web tal-Ediktsdatei joffru l-għażla ta’ tiftixa bil-kliem. Barra minn hekk, għal bosta kategoriji ta' avviżi, l-utenti jistgħu jfittxu skont in-numru tal-fajl. Għall-irkantijiet hemm ukoll tiftixa skont l-oġġett. Dawn huma biss xi eżempji tat-tipi ta' tiftix peress li hemm varjetà tant kbira ta' għażliet tat-tiftix fil-kategoriji differenti.

Minn liema data se jkunu disponibbli l-avviżi uffiċjali fil-format elettroniku?

Is-sit web tal-Ministeru tal-Ġustizzja (Homepage der Justiz) u s-sit web tal-Ediktsdatei ilhom online mis-sena 2000.

It-tiftixiet jistgħu jiġu ssejvjati u jistgħu jintbagħtu notifiki meta jintlaħqu l-kriterji?

Le

L-avviżi uffiċjali huma disponibbli bla ħlas bħala data miftuħa? Jekk dan hu l-każ, fejn jistgħu jinstabu r-repożitorju u/jew l-informazzjoni?

L-avviżi fis-sit web tal-Ediktsdatei huma disponibbli bla ħlas u jistgħu jiġu pproċessati sussegwentement bħala fajls HTML (ma hemm l-ebda protezzjoni mill-ikkupjar). Tista’ tinkiseb ukoll liċenzja skont l-Att tal-2022 dwar l-Użu mill Ġdid ta’ Informazzjoni Pubblika (Informationsweiterverwendungsgesetz 2022 – IWG) – link hawnhekk. Bħalissa d-data mhix disponibbli f'format ta' data miftuħa.

Il-pubblikazzjonijiet f’https://www.justiz.gv.at/ huma relatati b’mod predominanti ma’ dokumenti eżistenti f’format PDF. Hemm xi dokumenti MS Word, imma dawn rari. Il-pubblikazzjonijiet kollha huma disponibbli f’paġni HTML bla ħlas bħala parti mid-WCMS (is-sistema ta’ ġestjoni tal-kontenut tal-web). Id-dokumenti jistgħu jitniżżlu bħala annessi mill-paġni HTML.