Il-kontenut ipprovdut minn
Polonja
KONTENUT TAL-PAĠNA
Sib informazzjoni għal kull reġjun
Kif issib medjatur fil-Polonja
Il-listi jew ir-reġistri ta’ istituzzjonijiet u persuni awtorizzati biex imexxu proċedimenti ta’ medjazzjoni jinżammu mill-qrati reġjonali u jistgħu jinstabu fuq is-siti web tagħhom. Il-medjaturi, inklużi l-persuni mil-listi mħejjija minn organizzazzjonijiet mhux governattivi (f’konformità mal-kompiti statutorji tagħhom) u stabbilimenti edukattivi, jiġu miżjuda fil-listi u jitneħħew minnhom mill-president tal-qorti distrettwali inkwistjoni.
Bħala regola, il-medjaturi jispeċjalizzaw f’tipi speċifiċi ta’ medjazzjoni: medjazzjoni ċivili (medjazzjoni kummerċjali, medjazzjoni tal-familja, liġi dwar l-impjiegi, eċċ.), medjazzjoni f’materji kriminali jew f’kawżi li jinvolvu lill-minorenni.
Fost il-medjaturi f’materji ċivili hemm medjaturi permanenti li ġew miżjuda fil-lista miżmuma mill-president tal-qorti reġjonali li għandha ġuriżdizzjoni.
Minħabba l-arranġamenti legali stabbiliti, ma hemm l-ebda reġistru ċentrali uniku tal-medjaturi.
Informazzjoni bażika dwar ir-regoli, il-proċeduri u l-aspetti prattiċi tal-arranġamenti tal-medjazzjoni fil-Polonja tinsab fuq il-Paġna tal-medjazzjoni tas-sit web tal-Ministeru għall-Ġustizzja.
L-aċċess għal-listi tal-medjaturi huwa mingħajr ħlas?
Iva, l-aċċess għal-listi tal-medjaturi huwa mingħajr ħlas.
Kif issib medjatur fil-Polonja
Għandek tuża l-listi ta’ medjaturi mħejjija mill-presidenti tal-qrati reġjonali, jew tuża s-servizzi taċ-ċentri tal-medjazzjoni jew ta’ medjaturi individwali. L-informazzjoni u d-dettalji ta’ kuntatt normalment jinstabu fuq is-sit web tal-qrati li jkollhom ġuriżdizzjoni, taċ-ċentri jew tal-medjaturi inkwistjoni.
L-aħħar aġġornament:
10/12/2021
Il-verzjoni bil-lingwa nazzjonali hija ġestita mill-Istat Membru rispettiv. It-traduzzjonijiet saru mis-servizz tal-Kummissjoni Ewropea. Jista' jkun hemm xi tibdil imdaħħal fl-oriġinal mill-awtorità nazzjonali kompetenti li jkun għadu ma jidhirx fit-traduzzjonijiet. Il-Kummissjoni Ewropea ma taċċettax responsabbilta jew kwalunkwe tip ta' tort fir-rigward ta' kull informazzjoni jew dejta li tinsab jew li hemm referenza għaliha f'dan id-dokument. Jekk jogħġbok irreferi għall-avviż legali sabiex tiċċekkja r-regoli dwar id-drittijiet tal-awtur għall-Istati Membri responsabbli minn din il-paġna.