Sistemi nazzjonali ta' taħriġ

L-istrutturi nazzjonali tat-taħriġ huma l-fornituri ewlenin tat-taħriġ ġudizzjarju Ewropew għall-ġudikatura. L-iskejjel li jipprovdu taħriġ inizjali u kontinwu jeżistu f'17-il Stat Membru. Fi Stati Membri oħrajn, it-taħriġ jiġi organizzat mill-Ministeru tal-Ġustizzja, mill-Kunsill għall-Ġudikatura jew mis-servizzi tal-Qorti.

Il-Ministeri tal-Ġustizzja u l-qrati nazzjonali huma l-organizzaturi ewlenin tat-taħriġ tal-persunal tal-qorti fl-Istati Membri tal-UE. Fi Stati Membri oħra dan il-kompitu jitwettaq mill-akkademji ġudizzjarji jew mill-istrutturi ġudizzjarji bħall-Kunsilli u l-Uffiċċji tal-Prosekuturi.

Il-Kmamar tal-Avukati, prattiki privati jew ditti legali, dawk li jipprovdu t-taħriġ u l-universitajiet huma l-organizzaturi ewlenin tal-perjodu ta’ induzzjoni tal-avukati fl-Istati Membri tal-UE. F’xi Stati Membri, dan il-kompitu jitwettaq minn Qrati tal-Appell u mill-Ministeru tal-Ġustizzja Is-superviżjoni ta’ taħriġ kontinwu, fejn din teżisti, tiġi żgurata mill-Kamra tal-Avukati.