Dwar dan is-servizz
Tista’ ssib l-informazzjoni dwar is-sidien benefiċjarji ta’ kumpaniji, entitajiet legali, trusts jew arranġamenti legali reġistrati fir-reġistri nazzjonali tal-pajjiżi tal-UE, tal-Iżlanda, tal-Liechtenstein jew tan-Norveġja billi tuża s-servizz “Sib informazzjoni dwar is-sjieda benefiċjarja”.
Huwa parti mis-Sistema ta’ Interkonnessjoni tar-Reġistri tas-Sjieda Benefiċjarja (BORIS), stabbilita f’konformità mad-Direttiva (UE) 2015/849, kif emendata bid-Direttiva (UE) 2018/843.
Sir af aktar dwar ir-reġistri nazzjonali tas-sjieda benefiċjarja u l-informazzjoni li jkun hemm fihom.
Għal kwalunkwe domanda dwar dan is-servizz, ikkuntattja lil just-boris-helpdesk@ec.europa.eu.
Kif jaħdem
Sabiex tfittex sid benefiċjarju:
- Fittex l-isem tal-entità u/jew in-numru tar-reġistrazzjoni tal-entità.
- Tara lista ta’ riżultati li jaqblu mat-tfittxija tiegħek bil-prezz u bl-informazzjoni rispettiva dwar is-sjieda benefiċjarja.
- Agħżel l-Informazzjoni dwar is-Sjieda Benefiċjarja li tixtieq u żidha fil-basket tiegħek.
- Kif tagħżel l-Informazzjoni dwar is-Sjieda Benefiċjarja li teħtieġ, mur fiċ-Check Out.
Konsenja tad-dokumenti
Id-dokumenti ta’ Informazzjoni dwar is-Sjieda Benefiċjarja jkunu disponibbli biex jitniżżlu mill-browser tiegħek.
Tiġi nnotifikat b’email dwar id-disponibbiltà tad-dokumenti malli jiġu kkonsenjati mir-reġistri nazzjonali.
Aċċess għad-dokumenti
Ladarba tkun tista’ tniżżel dokument ta’ Informazzjoni dwar is-Sjieda Benefiċjarja mill-browser tiegħek, tkun tista’ tissejvjah lokalment għall-użu personali tiegħek.
Id-dokumenti ta’ Informazzjoni dwar is-Sjieda Benefiċjarja jkunu disponibbli biex jitniżżlu għal sitt ijiem mill-ħin tal-konsenja.
Links għall-paġni web tar-reġistri nazzjonali
Protezzjoni tad-Data
Biex tkun taf kif nipproteġu d-data personali tiegħek, aqra l-avviż legali tagħna, b’mod partikolari d-dikjarazzjoni ta’ privatezza u r-regoli dwar il-protezzjoni tad-data (354Kb) . Jista’ jkun utli għalik wkoll li taqra r-regoli dwar il-protezzjoni tad-data fil-pajjiżi li qed jieħdu sehem fil-BORIS
Din il-paġna hi amministrata mill-Kummissjoni Ewropea. L-informazzjoni f’din il-paġna ma tirriflettix neċessarjament il-pożizzjoni uffiċjali tal-Kummissjoni Ewropea. Il-Kummissjoni ma taċċetta l-ebda responsabbiltà fir-rigward ta’ kwalunkwe informazzjoni jew dejta li tinsab jew li hemm referenza għaliha f'dan id-dokument. Jekk jogħġbok irreferi għall-avviż legali fir-rigward tar-regoli dwar id-drittijiet tal-awtur għall-paġni Ewropej.