Il-Pjattaforma Ewropea għat-Taħriġ (ETP) hija għodda ta’ tiftix għall-użu ta’ prattikanti legali u professjonisti tal-ġustizzja li jixtiequ jitħarrġu dwar kwalunkwe qasam ta’ prattika tal-liġi tal-UE jew kwistjonijiet relatati. Il-prattikanti legali u l-professjonisti tal-ġustizzja għandhom għad-dispożizzjoni tagħhom materjal ta’ awtotagħlim dwar varjetà sħiħa ta’ suġġetti.
Il-fornituri tat-taħriġ jipprovdu informazzjoni dwar l-attivitajiet ta’ taħriġ li jorganizzaw fl-UE u b’lingwi differenti. Il-Kummissjoni Ewropea tikkontribwixxi għall-pjattaforma b’materjali ta’ taħriġ lesti għall-użu jew manwali prodotti b’mod partikolari bis-saħħa tal-appoġġ finanzjarju tal-UE.
Prattikanti legali u professjonisti tal-ġustizzja
Se ssib ħafna opportunitajiet ta’ taħriġ dwar il-liġi tal-UE u kwistjonijiet relatati rreklamati fuq il-Pjattaforma Ewropea għat-Taħriġ kif ukoll riżorsi ta’ taħriġ għall-awtotagħlim.
Żur is-sit web tal-Pjattaforma Ewropea għat-Taħriġ
Fornituri tat-taħriġ
Il-fornituri tat-taħriġ u s-sħab rikonoxxuti jinfurmaw lit-trainees potenzjali dwar l-attivitajiet ta’ taħriġ tagħhom u jikkondividu materjali ta’ awtotagħlim ta’ kwalità għolja dwar l-ETP.
Tista’ ssib lista ta’ fornituri tat-taħriġ rikonoxxuti hawnhekk: Fornituri tat-Taħriġ | Pjattaforma Ewropea għat-Taħriġ