L-Artikolu 78 (a) - l-isem u d-dettalji ta’ kuntatt tal-qrati jew l-awtoritajiet kompetenti b'ġuriżdizzjoni biex jittrattaw applikazzjonijiet għal dikjarazzjoni ta’ eżekutorjetà skont l-Artikolu 45(1) u appelli kontra deċiżjonijiet dwar tali applikazzjonijiet skont l-Artikolu 50(2)
Għal deċiżjoni fuq it-talbiet għal dikjarazzjoni ta’ eżegwibbiltà: Il-Qorti tal-Prim’Istanza
Dwar ir-rikorsi dwar id-deċiżjonijiet mogħtija għal dawn it-talbiet:
- sabiex issir oġġezzjoni: il-qorti tal-prim’istanza
- sabiex isir appell: il-Qorti tal-Appell
L-Artikolu 78 (b) - il-proċeduri ta’ biex tiġi kkontestata d-deċiżjoni mogħtija fuq appell imsemmija fl-Artikolu 51
Il-Qorti tal-Kassazzjoni tiġġudika fuq il-legalità tas-sentenzi. Hija ma tirrevedix il-fatti. Appell fil-kassazzjoni huwa proċedura speċjali. Il-Qorti tal-Kassazzjoni teżamina biss jekk sentenza jew deċiżjoni “mogħtija fl-aħħar istanza” (jiġifieri wara li jkunu ġew eżawriti r-rimedji ordinarji, b'mod partikolari l-appelli u l-oġġezzjonijiet), tikkostwixxix ksur tal-liġi jew ta' prinċipju ġenerali tal-liġi. Jekk dan ikun il-każ, il-Qorti tal-Kassazzjoni tannulla d-deċiżjoni kkontestata u tirrinvija l-kawża quddiem qorti oħra. Din il-qorti imbagħad trid tiddeċiedi għal darba oħra fuq is-sustanza tal-kawża (ir-rinviju wara l-kassazzjoni).
Il-Qorti tal-Kassazzjoni
Palais de justice
Place Poelaert 1
1000 Bruxelles
L-Artikolu 78 (c) - informazzjoni rilevanti rigward l-awtoritajiet kompetenti biex joħorġu ċ-Ċertifikat skont l-Artikolu 64
L-awtoritajiet kompetenti biex joħorġu ċ-ċertifikat skont l-Artikolu 64 huma n-nutara.
L-Artikolu 78 (d) - il-proċeduri ta’ rimedju msemmija fl-Artikolu 72
Il-liġi tat-13 ta’ Lulju 2013 waqqfet Qorti tal-Familja, li hija sezzjoni tal-qorti tal-prim’istanza. Il-liġi l-ġdida tiġġeneralizza l-ftuħ tal-proċeduri permezz ta’ rikors, għas-simplifikazzjoni u t-tnaqqis tal-ispejjeż tal-proċedimenti legali. Madankollu, f'ħafna każijiet, il-proċedimenti xorta jistgħu jiġu mibdija permezz ta' ċitazzjoni, li jippermetti lir-rikorrent sabiex ikollu aktar kontroll dwar meta l-kawża għandha titressaq quddiem il-qorti.