L-Artikolu 78 (a) - l-isem u d-dettalji ta’ kuntatt tal-qrati jew l-awtoritajiet kompetenti b'ġuriżdizzjoni biex jittrattaw applikazzjonijiet għal dikjarazzjoni ta’ eżekutorjetà skont l-Artikolu 45(1) u appelli kontra deċiżjonijiet dwar tali applikazzjonijiet skont l-Artikolu 50(2)
Il-Qorti b'ġurisdizzjoni biex tittratta applikazzjoni għal dikjarazzjoni ta' eżekutorjeta' hija l-Prim'Awla tal-Qorti Ċivili. Appell kontra tali deċiżjoni jsir quddiem il-Qorti ta' l-Appell.
L-Artikolu 78 (b) - il-proċeduri ta’ biex tiġi kkontestata d-deċiżjoni mogħtija fuq appell imsemmija fl-Artikolu 51
Ara d-dispożizzjonijiet tat-Titolu IV tat-Tielet Ktieb tal-Kodiċi ta' Organizzazzjoni u Proċedura Ċivili (Kapitolu 12 tal-Liġijiet ta' Malta) dwar ritrattazzjoni
L-Artikolu 78 (c) - informazzjoni rilevanti rigward l-awtoritajiet kompetenti biex joħorġu ċ-Ċertifikat skont l-Artikolu 64
L-awtoritajiet kompetenti biex joħorġu ċertifikat skond l-Artikolu 64 hija l-Qorti Ċivili (Sezzjoni ta' Ġurisdizzjoni Volontarja) u n-Nutara li jkollhom warrant skond l-Att dwar il-Professjoni Notarili u l-Arkivji Notarili.
L-Artikolu 78 (d) - il-proċeduri ta’ rimedju msemmija fl-Artikolu 72
Il-kontestazzjoni għandha tiġi ppreżentata permezz ta' rikors ġuramentat fil-Prim'Awla tal-Qorti Ċivili skond il-Kodiċi ta' Organizzazzjoni u Proċedura Ċivili (Kap 12 tal-Liġijiet ta' Malta. Appell minn deċiżjoni tal-Prim'Awla tal-Qorti Ċivili għandu jsir fil-Qorti ta' l-Appell.