L-Artikolu 78 (a) - l-isem u d-dettalji ta’ kuntatt tal-qrati jew l-awtoritajiet kompetenti b'ġuriżdizzjoni biex jittrattaw applikazzjonijiet għal dikjarazzjoni ta’ eżekutorjetà skont l-Artikolu 45(1) u appelli kontra deċiżjonijiet dwar tali applikazzjonijiet skont l-Artikolu 50(2)
L-awtoritajiet b’kompetenza li jittrattaw rikorsi għal dikjarazzjoni ta’ eżegwibbiltà f’konformità mal-Artikolu 45(1) huma l-Qrati Distrettwali (okresné súdy), il-Qorti Muniċipali ta’ Bratislava IV (Mestský súd Bratislava IV) u l-Qorti Muniċipali ta’ Košice (Mestský súd Košice).
Skont l-Artikolu 50(2), l-awtoritajiet kompetenti b’ġuriżdizzjoni biex biex jittrattaw appelli minn deċiżjonijiet dwar rikorsi għal dikjarazzjoni ta’ eżegwibbiltà skont l-Artikolu 45(1) huma l-Qrati Reġjonali (krajské súdy). L-appelli jridu jitressqu quddiem il-qorti distrettwali li d-deċiżjoni tagħha tkun qed tiġi appellata.
L-Artikolu 78 (b) - il-proċeduri ta’ biex tiġi kkontestata d-deċiżjoni mogħtija fuq appell imsemmija fl-Artikolu 51
Id-deċiżjonijiet mogħtija fl-appell taħt l-Artikolu 51 jridu jiġu kontestati b’appell straordinarju (dovolanie). L-appelli straordinarji (dovolanie) jinstemgħu mill-Qorti Suprema tar-Repubblika Slovakka (Najvyšší súd Slovenskej republiky) u jitressqu quddiem il-qorti distrettwali (okresný súd) li tat is-sentenza fil-prim’istanza. Appell straordinarju (dovolanie) mhux neċessarjament jikkonċerna biss difetti fid-dritt fid-deċiżjoni ta’ qorti tal-appell.
L-Artikolu 78 (c) - informazzjoni rilevanti rigward l-awtoritajiet kompetenti biex joħorġu ċ-Ċertifikat skont l-Artikolu 64
L-awtoritajiet b’kompetenza biex joħorġu ċertifikat taħt l-Artikolu 64 huma dawn li ġejjin:
- nutar maħtur mill-qorti (notár poverený súdom) - jekk il-proċedimenti ta’ suċċessjoni ma jkunux wasslu għal konklużjoni finali u anke wara l-konklużjoni finali ta’ proċedimenti ta’ suċċessjoni.
L-Artikolu 78 (d) - il-proċeduri ta’ rimedju msemmija fl-Artikolu 72
Il-proċeduri ta’ rimedju skont l-Artikolu 72:
- appelli jridu jitressqu mhux aktar tard minn 15-il jum wara d-data ta’ konsenja ta’ Ċertifikat Ewropew tas-Suċċessjoni quddiem il-qorti distrettwali li ħatret in-nutar bħala kummissarju għall-proċedimenti ta’ suċċessjoni. L-appelli għandhom effett sospensiv. L-appelli kontra ċ-Ċertifikat Ewropew tas-Suċċessjoni jinstemgħu mill-qrati distrettwali jew mill-qrati muniċipali.
L-Artikolu 79 - Stabbiliment u emendar sussegwenti tal-list li fiha l-informazzjoni msemmija fl-Artikolu 3(2)
- awtoritajiet u professjonisti legali oħra skont l-Artikolu 3(2) ma jeżistux fir-Repubblika Slovakka