Tiġi kkunsidrat bħala l-vittma ta’ reat, jekk tkun ġarrabt dannu, pereżempju tkun ġejt ferut jew il-proprjetà tiegħek tkun ġarrbet dannu jew tkun insterqet, b’konsegwenza ta’ azzjoni li tikkostitwixxi reat skont il-liġi nazzjonali. Bħala vittma ta’ reat, il-liġi tagħtik ċerti drittijiet individwali qabel, matul u wara l-proċedimenti. Tista’ wkoll tkun intitolat għal forom varji ta’ appoġġ u kumpens għad-dannu kkawżat mir-reat.
Il-proċedimenti kriminali fl-Iżvezja jibdew bl-investigazzjoni tar-reat, imsejħa bħala l-kumpilazzjoni. B’xi eċċezzjonijiet, jekk ikun hemm raġunijiet li jiġi preżunt li twettaq reat, huwa obbligat li tinbeda l-kumpilazzjoni. Il-kumpilazzjonijiet isiru mill-pulizija, iżda xi drabi jitmexxew minn prosekutur. Wara li titlesta l-kumpilazzjoni, il-prosekutur jista’ jiddeċiedi li jkompli l-proċedimenti billi jressaq il-każ il-qorti jew, jekk il-prosekutur ma jemminx li hemm biżżejjed evidenza, jagħlaq il-każ mingħajr ma jressqu l-qorti. Jekk il-każ jitressaq il-qorti jkun hemm proċess. Matul il-proċess, il-qorti teżamina l-evidenza kollha u tiddeċiedi jekk tikkundannax lill-akkużat tar-reat jew le. Il-qorti tindika wkoll jekk ikunx hemm il-possibilità għal appell quddiem qorti superjuri.
Bħala l-vittma tar-reat, ikollok rwol sinifikanti fil-proċedimenti u jkollok għadd ta’ drittijiet. Tista’ tipparteċipa fi proċedimenti legali mingħajr status legali speċifiku jew tista’ tieħu parti aktar attiva billi ssir parti formalment mill-proċedimenti. Tista’ tfittex għad-danni u/jew tappoġġa l-prosekuzzjoni. F’ċerti każijiet tista’ tibda prosekuzzjoni privata, fuq l-inizjattiva tiegħek stess, fil-każ li l-prosekutur jiddeċiedi li jagħmilx dan.
Ikklikkja fuq il-links ta’ hawn taħt sabiex issib it-tagħrif li teħtieġ
1 Drittijieti bħala vittma ta' reat
2 Irrappurtar ta’ reat u ddrittijiet tiegħi waqt linvestigazzjoni jew ilproċess
3 Iddrittijiet tiegħi wara lproċess
5 Iddrittijiet tiegħi f'dak li għandu x'jaqsam ma' appoġġ u assistenza