Inti titqies bħala l-vittma ta’ reat fil-każ li tkun ġarrabt offiża ta’ kwalunkwe tip, inkluż ħsara fuq il-persuna, dannu mentali, diffikultà emozzjonali jew telf finanzjarju, b’konsegwenza ta’ inċident li jikkostitwixxi reat skont il-leġiżlazzjoni nazzjonali applikabbli. Il-membri tal-familja ta’ xi ħadd li jkun miet b’riżultat ta’ reat u li jkunu ġarrbu offiża minħabba l-mewt ta’ dik il-persuna jitqiesu wkoll bħala vittmi ta’ reat.
Bħala vittma ta’ reat, għandek ċerti drittijiet legali, qabel, matul u wara l-proċedimenti kriminali.
L-istadji tal-proċedimenti kriminali fir-Rumanija huma: il-prosekuzzjoni, l-awla preliminari, il-proċess u l-eżekuzzjoni tad-deċiżjonijiet f’materji kriminali li jkunu saru definittivi. Matul l-investigazzjoni kriminali, il-korpi tal-investigazzjoni kriminali, taħt is-superviżjoni tal-prosekutur pubbliku, jinvestigaw il-każ, u jiġbru l-evidenza sabiex isibu lit-trażgressur. Fit-tmiem tal-investigazzjoni kriminali, il-pulizija tirreferi l-każ lill-uffiċċju tal-prosekutur pubbliku, bl-informazzjoni kollha u l-evidenza miġbura fl-atti. Wara li jirċievi l-atti, il-prosekutur tal-każ jeżamina l-każ u jiddeċiedi jekk għandux jipproċedi għall-proċess jew jekk il-każ għandux jingħalaq.
Ladarba l-każ jasal quddiem il-qorti, il-bord tal-imħallfin jeżamina l-fatti u jisma’ lill-persuni involuti sabiex tiġi stabbilita l-ħtija tal-akkużat. Ladarba jiġi stabbilit li l-akkużat ikun ħati, dan jingħata s-sentenza. Fil-każ li l-qorti tikkunsidra li l-akkużat ma jkunx ħati, dan jiġi lliberat.
Ikklikkja fuq il-links ta’ hawn taħt sabiex issib l-informazzjoni li teħtieġ:
1 Iddrittijiet tiegħi bħala vittma ta’ reat
2 Irrappurtar ta’ reat u ddrittijiet tiegħi waqt linvestigazzjoni jew ilproċess
3 Iddrittijiet tiegħi wara lproċess
5 Iddrittijiet tiegħi għallappoġġ u għallassistenza