Informazzjoni ġenerali u termini u kundizzjonijiet

Sib Avukat

1. Ħarsa ġenerali

"Sib avukat" huwa servizz provdut lill-pubbliku ġenerali mill-Kummissjoni Ewropea u mill-assoċjazzjonijiet nazzjonali tal-avukati parteċipanti. Il-Kummissjoni għamlet dan is-servizz disponibbli biex tiffaċilita l-aċċess għall-ġustizzja f'kuntest transfruntier billi tippermetti liċ-ċittadini tal-UE u lill-prattikanti legali li jsibu avukat faċilment fl-UE kollha.

2. Termini u Kundizzjonijiet

Bl-użu ta' dan is-servizz inti taqbel li tintrabat bit-termini u l-kundizzjonijiet li ġejjin.

Inti taqbel li tuża dan is-servizz esklussivament għall-iskop maħsub tiegħu - biex issib professjonist legali (avukat) biex tfittex is-servizzi tiegħu jew tagħha jew għall-kuntatt bejn il-pari professjonali. Inti ma għandekx tuża s-servizz, jew kwalunkwe dejta personali mibgħuta lura mis-servizz, għal kwalunkwe intenzjoni jew skop ieħor, u b'mod partikolari fir-rigward tat-twettiq ta' attivitajiet ta' marketing, ta' reklamar jew kummerċjali.

Inti mintix permess li tikkopja b'mod awtomatizzat (ħsad), u/jew tqassam id-dejta riċevuta permezz tas-servizz "Sib avukat" bl-ebda mezz. Inti permess tagħmel link mal-Portal Ewropew tal-e-Ġustizzja u l-paġni tiegħu.

Minbarra dawn it-Termini, it-Termini u d-Dikjarazzjoni ta’ ċaħda ta’ responsabbiltà rigward il-privatezza applikabbli għall-Portal Ewropew tal-e-Ġustizzja japplikaw b'mod sħiħ. Tista' tikkonsultahom hawnhekk.

Il-Kummissjoni Ewropea tista' tirrevedi dawn it-Termini fi kwalunkwe ħin mingħajr avviż minn qabel u inti għandek dejjem tirreferi għall-verżjoni attwali ta' dawn it-Termini kif ippubblikata fuq din il-websajt.

Il-liġi applikabbli hija l-liġi Belġjana u l-qrati Belġjani huma kompetenti fil-każ ta' tilwim.

3. Limitazzjoni tar-responsabbiltà

Dan is-servizz huwa pprovdut "kif inhu" u fuq bażi tal-"aħjar sforz". Il-Kummissjoni Ewropea u l-kumitati nazzjonali tal-avukati parteċipanti jiċħdu kwalunkwe u kull responsabbiltà, kemm espliċita kif ukoll impliċita. B'mod partikolari aħna ma nistgħux niggarantixxu l-istat aġġornat tad-dejta, il-korrettezza tagħha jew niżguraw id-disponibbiltà mhux interrotta tas-servizz.

4. Użu ta' cookies

Aħna nużaw il-cookies bl-iskop uniku li nipprovdulek esperjenza ta' użu pjaċevoli. Aħna ma naħżnu l-ebda dejta personali f'dawn il-cookies, u lanqas ma naqsmuhom ma' partijiet terzi.

5. Mistoqsijiet frekwenti

Mistoqsija: Minn fejn tiġi d-dejta?
Tweġiba: Id-dejta fuq l-avukati tinġieb mir-reġistri tal-kumitati nazzjonali tal-avukati parteċipanti.

Mistoqsija: It-tfittxija hija fil-ħin reali?
Tweġiba: Iva, it-tfittxija hija fil-ħin reali u tingħaqad direttament mar-reġistru tal-kumitati nazzjonali tal-avukati rilevanti.

Mistoqsija: Għaliex ma nistax infittex fl-Istati Membri kollha tal-UE?
Tweġiba: Għalissa, mhux il-kumitati nazzjonali tal-avukati kollha fl-Istati Membri jipparteċipaw. Il-Kummissjoni Ewropea qed taħdem kontinwament biex finalment testendi l-kopertura tas-servizz għall-Istati Membri u l-kumitati nazzjonali tal-avukati kollha tal-UE.

Mistoqsija: Għaliex mhux il-kriterji kollha tat-tiftix huma disponibbli għall-pajjiż X?
Tweġiba: Minħabba limitazzjonijiet legali u tekniċi, mhux ir-reġistri tal-kumitati nazzjonali tal-avukati kollha jippermettu tfittxija bbażata fuq il-kriterji kollha tat-tiftix. Dan jista' jinbidel fil-futur.

Mistoqsija: Jien qed nesperjenza diffikultà teknika/is-servizz mhux disponibbli, tistgħu jekk jogħġobkom tirranġawh?
Tweġiba: Aħna ma nistgħux niżguraw id-disponibbiltà 24/7 tas-servizz jew id-disponibbiltà ta' kwalunkwe reġistru ta' kumitat nazzjonali tal-avukati f'punt partikolari fil-ħin. Jekk tesperjenza indisponibbiltà sistematika tas-servizz jew kwistjoni teknika oħra, inti tista' tinnotifikana u l-Kummissjoni tagħmel ħilitha biex tirrettifika l-problema mill-aktar fis possibbli.

Mistoqsija: Jien avukat irreġistrat f'kumitati nazzjonali tal-avukati parteċipanti u s-servizz ma jirritornax riżultat fuqi/l-informazzjoni hija żbaljata/irrid nitneħħa. Lil min għandi nikkuntattja?
Tweġiba: Jekk jogħġbok ikkuntattja l-kumitat nazzjonali tal-avukati ta' reġistrazzjoni rilevanti tiegħek. Il-Kummissjoni la għandha aċċess għad-dejta tal-kumitati nazzjonali tal-avukati u lanqas tista' timmodifikaha bl-ebda mod. Għandek issib informazzjoni ta' kuntatt hawn taħt.

Mistoqsija: Għandi mistoqsija oħra, lil min nista' nikkuntattja?
Tweġiba: Jekk jogħġbok ara hawn taħt.

6. Informazzjoni tal-kuntatt

Il-Portal Ewropew tal-e-Ġustizzja u s-servizz "Sib avukat" huma ġestiti mid-Direttorat Ġenerali tal-Kummissjoni Ewropea għall-Ġustizzja, Unità B.3. Il-persuna responsabbli (il-kontrollur tad-dejta) hija Cristian NICOLAU, Kap tal-Unità.

Għal mistoqsijiet ġenerali, biex tirrapporta problema teknika jew tipprovdi idea, inti tista' tikkuntattja l-Kummissjoni Ewropea permezz tal-posta jew bil-posta elettronika fuq:

European Commission

DG JUSTUnit B3B-1049 BrusselsBelgium
JUST-E-JUSTICE@ec.europa.eu

 

Jekk trid tressaq ilment kontra kwalunkwe att tal-ipproċessar tad-dejta mwettaq taħt ir-responsabbiltà tal-Kummissjoni, tista' tikkuntattja l-Kontrollur Ewropew għall-Protezzjoni tad-Dejta:

European Data Protection Supervisor (EDPS)60 Rue Wiertz (MO 63)B-1047 BrusselsBelgiumtelefown: +32 2 283 19 00faks: +32 2 283 19 50

L-informazzjoni ta' kuntatt fuq il-fornituri tad-dejta li jipparteċipaw tinstab hawn taħt. Jekk għandek kwistjoni jew mistoqsijiet, rigward id-dejta mibgħuta lura mis-servizz "Sib avukat" għandek tikkuntattja l-kumitat nazzjonali tal-avukati responsabbli direttament. Dan japplika wkoll jekk għandek talbiet jew tħassib partikolari rigward l-ipproċessar tagħhom tad-dejta personali tiegħek.