1 Skont il-liġi ta’ dan l-Istat Membru, ir-regoli speċjali jimponu, għal raġunijiet ekonomiċi, familjari jew soċjali, restrizzjonijiet li jikkonċernaw jew jaffettwaw is-suċċessjoni fir-rigward ta’ propjetà immobbli, ċerti intrapriżi jew kategoriji speċjali oħra li jinsabu f’dan l-Istat Membru?
Hemm restrizzjoni speċifika fl-għamla ta’ intitolament għas-sehem riżervat tal-patrimonju, li ma tikkonċernax il-wirt innifsu, iżda minflok tirrigwarda l-protezzjoni tal-werrieta leġittimi. L-intitolament għas-sehem riżervat tal-patrimonju japplika meta t-testatur ikun ħalla l-patrimonju kollu tiegħu permezz ta’ testment lil persuna li ma tkunx il-werrieta leġittima. Fil-każ ta’ hawn fuq, għal raġunijiet soċjoekonomiċi (l-esklużjoni ta’ dawk li jmisshom is-sehem riżervat u ċ-ċaħda għas-sehem riżervat), dik il-persuna titlef id-dritt tagħha għas-sehem riżervat.
Madankollu, japplikaw restrizzjonijiet meta jintirtu assi li jikkostitwixxu riżorsi strateġiċi tar-Repubblika tal-Kroazja (pereż. raba’, foresti u msaġar).
L-individwi kollha li jakkwiżixxu sjieda permezz ta’ wirt jitqiesu bħala werrieta indaqs taħt l-istess kundizzjonijiet. Bis-suppożizzjoni tar-reċiproċità, il-barranin igawdu mill-istess drittijiet ta’ wirt bħaċ-ċittadini Kroati. Ir-reċiproċità tiġi preżunta sakemm ma jiġix stabbilit mod ieħor wara li ssir talba minn parti li jkollha interess legali f’konformità mal-Artikolu 2(2) tal-Att dwar il-Wirt (Zakon o nasljeđivanju; Narodne Novine (NN; Il-Gazzetta Uffiċjali tar-Repubblika tal-Kroazja) Nri 48/03, 163/03, 35/05, 127/13, 33/15 u 14/19).
2 Skont il-liġi ta’ dan l-Istat Membru, dawn ir-regoli speċjali japplikaw għas-suċċessjoni fir-rigward tal-assi msemmija hawn fuq irrispettivament mil-liġi applikabbli għas-suċċessjoni?
Ir-regoli jiġu applikati fil-proċedimenti kollha tas-suċċessjoni.
3 Skont il-liġi ta’ dan l-Istat Membru, jeżistu regoli speċjali biex jiżguraw konformità mar-regoli speċjali msemmija hawn fuq?
Ma hemm l-ebda proċedura speċjali fis-seħħ, iżda dawn ir-regoli speċifiċi kollha huma kkunsidrati fi proċedimenti ta’ suċċessjoni unika.