L-Artikolu 10 – Informazzjoni dwar il-qrati jew l-awtoritajiet kompetenti
Skond il-Kapitolu 474 tal-Liġijiet ta' Malta, l-Att dwar il-Medjazzjoni, il-partijiet jew waħda minnhom bil-kunsens espliċitu tal-parti l-oħra jistgħu jitolbu li l-kontenut ta' ftehim bil-miktub li jirriżulta minn medjazzjoni jsir eżegwibbli bla ħsara għad-disposizzjonijiet tal-Kapitolu 12 tal-Liġijiet ta' Malta - il-Kodiċi ta' Organizzazzjoni u Proċedura Ċivili. Il-kontenut tal-ftehim għandu jkun eżegwibbli sakemm, f'dak il-każ in kwistjoni, il-kontenut ma jkunx kontra l-liġi nazzjonali. Il-kontenut tal-ftehim jista' jiġi infurzat minn qorti jew awtorita' oħra kompetenti permezz ta' sentenza jew deċiżjoni jew strument awtentiku skont il-liġi ta' l-Istat Membru fejn issir it-talba. Dwar il-kompetenza tad-diversi qrati, wieħed għandu jirreferi għall-Kapitolu 12 tal-Liġijiet ta' Malta. Dwar l-Awtorita' kompetenti, din hi Ċentru ta' Medjazzjoni għal Malta, Palazzo Laparelli, South Street, Valletta, VLT1100, Malta