Artikolu 18 (a)(i) - l-awtoritajiet li huma kompetenti biex jordnaw miżuri ta’ protezzjoni u joħorgu ċ-ċertifikat f’konformità mal-Artikolu 5
L-awtoritajiet li huma kompetenti biex jordnaw miżuri protettivi:
Il-prosekutur pubbliku (Procureur d’Etat), skont il-Liġi emendata dwar il-Vjolenza Domestika tat-8 ta’ Settembru 2003, u l-imħallef għall-affarijiet tal-familja (Tribunal d’Arrondissement), skont l-Artikoli 1017-1 sa 1017-12 tal-Kodiċi tal-Proċedura Ċivili l-ġdid.
L-awtoritajiet li huma kompetenti biex joħorġu ċertifikati:
Il-prosekutur pubbliku (Procureur d’Etat), skont il-Liġi emendata dwar il-Vjolenza Domestika tat-8 ta’ Settembru 2003, u l-l-imħallef għall-affarijiet tal-familja, skont l-Artikoli 1017-1 sa 1017-12 tal-Kodiċi tal-Proċedura Ċivili l-ġdid.
Artikolu 18 (a)(ii) - l-awtoritajiet li quddiemhom għandha tiġi invokata miżura ta’ protezzjoni ordnata fi Stati Membruieħor u/jew li huma kompetenti biex jeżegwixxu tali miżura
L-awtoritajiet li quddiemhom għandha tiġi invokata miżura protettiva ordnata fi Stat Membru ieħor:
Il-prosekutur pubbliku u għal pagamenti ta’ penali, il-President tal-qorti distrettwali.
L-awtoritajiet kompetenti biex jinfurzaw tali miżura:
Il-prosekutur pubbliku u għal pagamenti ta’ penali, il-President tal-qorti distrettwali.
Artikolu 18 (a)(iii) - l-awtoritajiet li huma kompetenti sabiex jagħmlu l-aġġustament tal-miżuri ta’ protezzjoni f’konformità mal-Artikolu 11(1)
L-awtoritajiet li huma kompetenti biex jiġi effettwat l-aġġustament tal-miżuri protettivi skont l-Artikolu 11(1):
Il-President tal-qorti distrettwali fi proċedimenti urġenti.
Artikolu 18 (a)(iv) - il-qrati li lilhom ir-rikors għal rifjut tar-rikonoxximent u, fejn applikabbli, tal-eżekuzzjoni għandu jiġi ppreżentat f’konformità mal-Artikolu 13
Rikors għal rifjut tar-rikonoxximent irid jitressaq quddiem il-President tal-qorti distrettwali fi proċedimenti urġenti, f’konformità mal-Artikolu 13.
Rikors għal rifjut tal-eżekuzzjoni jrid jitressaq quddiem il-President tal-qorti distrettwali fi proċedimenti urġenti, f’konformità mal-Artikolu 13.
Artikolu 18 (b) - il-lingwa jew lingwi aċċettati għat-traduzzjonijiet kif imsemmi fl-Artikolu 16(1)
Il-Lussemburgu jaċċetta l-lingwa Franċiża u l-lingwa Ġermaniża.