L-Artikolu 2(1) - Awtoritajiet li jistgħu jitqiesu bħala qrati
Xejn.
L-Artikolu 3(2) - Qrati rikjesti
Il-qrati ordinarji (tribunali ordinari) u l-maġistrati (giudici di pace), f’konformità mal-kriterju tal-ġuriżdizzjoni ratione materiae stabbilit fl-Artikolu 7 tal-Kodiċi tal-Proċedura Ċivili (Codice di Procedura Civile) (Ġuriżdizzjoni tal-Qrati tal-Maġistrati)
Il-qrati tal-maġistrati għandhom ġuriżdizzjoni f’kawżi li jikkonċernaw proprjetà mobbli ta’ valur li ma jaqbiżx l-EUR 10 000, fejn il-liġi ma tagħtix ġuriżdizzjoni lil qorti oħra.
Il-kawżi għad-danni marbuta ma’ inċidenti tat-traffiku tal-vetturi u tal-ilma jinstemgħu wkoll mill-qrati tal-maġistrati, sakemm il-valur involut ma jaqbiżx l-EUR 25 000.
Irrispettivament mill-valur involut, il-qrati tal-maġistrati jisimgħu l-kawżi kollha li jinvolvu:
(1) il-kawżi dwar l-istabbiliment ta’ konfini u l-osservazzjoni tad-distanzi għat-tħawwil tas-siġar u l-ħitan tal-ħaxix kif stabbilit bil-liġi, bir-regolamenti jew bl-użu;
(2) il-kawżi dwar l-ambitu u l-użu tas-servizzi tal-kondominju fl-appartamenti;
(3) il-kawżi dwar ir-relazzjonijiet bejn is-sidien jew l-okkupanti ta’ abitazzjonijiet rigward ħruġ ta’ dħaħen, sħana, storbju, theżżiżiet u disturbi simili li jaqbżu l-livelli normali;
(3a) il-kawżi dwar l-interessi jew aċċessorji ta’ pagament ta’ benefiċċji tas-sigurtà soċjali jew tal-pensjoni li sar tard.
L-Artikolu 4 - Korp ċentrali
IL-MINISTERU TAL-ĠUSTIZZJA (Ministero della Giustizia)
Id-Dipartiment tal-Affarijiet Ġudizzjarji (Dipartimento Affari di Giustizia)
Id-Direttorat Ġenerali għall-Affarijiet Internazzjonali u għall-Kooperazzjoni Ġudizzjarja (Direzione Generale degli Affari Internazionali e della Cooperazione Giudiziaria)
Uffiċċju I – Kooperazzjoni Ġudizzjarja Internazzjonali (Ufficio I – Cooperazione Giudiziaria Internazionale)
Tel.: +39 06.6885.2264
Email: cooperation.dginternazionale.dag@giustizia.it
Via Arenula, 70 - 00186 Rome
L-Artikolu 6 - Lingwi aċċettati biex jimtlew il-formoli
It-Taljan jew il-lingwa tal-Istat rikjedenti, jekk akkumpanjata minn traduzzjoni bit-Taljan iċċertifikata minn awtorità pubblika jew minn traduttur.
L-Artikolu 7 - Mezzi aċċettati għat-trażmissjoni ta’ talbiet u komunikazzjonijiet oħra
Posta ordinarja.
Meta l-avukat rikjedenti jiddaħħal fir-Reġistru tal-Indirizzi Elettroniċi (Registro degli Indirizzi Elettronici – RegIndE), huwa jrid jibgħat it-talba għall-kumpilazzjoni ta’ xhieda f’forma elettronika biss permezz tal-portal tas-servizzi online (portale dei servizi telematici – PST)
L-Artikolu 19 - Korp ċentrali jew awtorità/awtoritajiet kompetenti responsabbli għal deċiżjonijiet dwar talbiet għal kumpilazzjoni ta’ xhieda diretta
IL-MINISTERU TAL-ĠUSTIZZJA
Id-Dipartiment tal-Affarijiet Ġudizzjarji
Id-Direttorat għall-Affarijiet Internazzjonali u għall-Kooperazzjoni Ġudizzjarja
Uffiċċju I – Kooperazzjoni Ġudizzjarja Internazzjonali
Tel.: +39 06.6885.2264
Email: cooperation.dginternazionale.dag@giustizia.it
Via Arenula, 70 - 00186 Rome
L-Artikolu 29 - Ftehimiet jew arranġamenti li għalihom l-Istati Membri huma partijiet u li jikkonformaw mal-kundizzjonijiet fl-Artikolu 29(2)
L-Italja mhux biħsiebha tuża din l-għażla, peress li tqis li d-dispożizzjonijiet tar-Regolament (UE) 2020/1783 huma xierqa u biżżejjed.
L-Artikolu 31(4) - Notifika dwar l-użu bikri tas-sistema tal-IT deċentralizzata
Xejn bħalissa.