Malta hija meqjusa bħala mexxejja fis-servizzi elettroniċi tal-gvern fl-Ewropa.[1] Is-sistema online tagħha tiġi aċċessata permezz ta’ kont tal-e-ID, li huwa konness mal-e-IDs tar-residenti. Skont l-awtorità kompetenti u t-tip ta’ servizz, is-servizzi jistgħu jiġu aċċessati permezz ta’ siti web differenti. Barra minn hekk, xi talbiet iridu jintbagħtu bl-email minflok b’formoli elettroniċi.
Il-kont tal-e-ID jista’ jintalab bl-email, bit-telefown jew personalment. Meta indirizz elettroniku ma jkunx ġie pprovdut mill-klijent, jew tkun meħtieġa bidla fl-email, it-talba għall-kont tal-eID u t-talba għall-bidla fl-email personali jistgħu jsiru biss personalment. Il-kont tal-eID huwa rekwiżit biex jintużaw is-Servizzi elettroniċi tal-Gvern. Iċ-ċittadini Maltin kollha u d-detenturi ta’ dokument elettroniku ta’ residenza li għandhom aktar minn 14-il sena jistgħu jirreġistraw għall-kont tal-e-ID. Aktar informazzjoni hija disponibbli hawn.
Is-sit web servizz.gov huwa gwida online għas-servizzi tal-gvern li jistgħu jiġu aċċessati kemm online kif ukoll fuq il-post.
[1] Ara l-Parametru Referenzjarju tal-Gvern Elettroniku għall-2021: https://www.gov.mt/en/Government/DOI/Press%20Releases/Pages/2021/November/12/pr212032en.aspx; u l-Parametru Referenzjarju tal-Gvern Elettroniku għall-2022: https://digital-strategy.ec.europa.eu/mt/library/egovernment-benchmark-2022
Applikazzjoni għall-għajnuna legali tista’ titnieda personalment jew online billi tiġi aċċessata din il-link.
Għal aktar informazzjoni, ikkonsulta l-Fuljett dwar l-Għajnuna Legali.
Iċ-ċittadini Maltin u tal-UE huma intitolati li jitolbu kumpens għal danni mġarrba minħabba reat kriminali sakemm dawn id-danni kienu soġġetti għal proċedimenti kriminali jew irrappurtati lill-Pulizija. Il-kumpens jista’ jintalab mill-vittma nnifisha, minn persuna dipendenti jew inkella minn kwalunkwe persuna oħra li tkun ġarrbet spejjeż bħala riżultat ta’ reat sostnut mill-vittma.
Possibbiltà li l-proċedura tiġi kkompletata kompletament online: Le. L-applikazzjoni hija disponibbli online biex tiġi stampata, u mbagħad tiġi kkompilata manwalment peress li tirrikjedi firma.
Tista’ ssib aktar informazzjoni hawn.
Skop u kamp ta’ applikazzjoni: Għadd limitat ta’ kawżi ċivili jistgħu jinfetħu online permezz tal-pjattaforma eCourts, u tista’ ssib lista tagħhom hawn. Madankollu, kawżi oħra jridu jinfetħu personalment.
Awtorità kompetenti: L-Aġenzija tas-Servizzi tal-Qorti
Kundizzjonijiet ta’ aċċess:
- Rekwiżiti tal-eliġibbiltà: MHUX APPLIKABBLI
- Rekwiżiti tal-identifikazzjoni u l-awtentikazzjoni: Il-verifika u l-illoggjar biex tinfetaħ kawża ċivili huma possibbli permezz tal-e-ID.
- Dokumenti li għandhom jiġu pprovduti: Formola online li għandha timtela. Kopja skennjata tal-applikazzjoni ffirmata trid tiġi mehmuża mal-formola elettronika. Id-dokumenti ta’ sostenn applikabbli jistgħu jiġu mehmuża.
Effetti legali ta’ dokument elettroniku: Il-kopja skennjata ppreżentata online hija meqjusa bħala d-dokument oriġinali.
Possibbiltà li l-proċedura tiġi kkompletata kompletament online: Huwa biss il-bidu tal-preżentazzjoni ta’ ċerti kawżi ċivili li jista’ jiġi kkompletat online.
Kost: Jiddependi mill-każ. L-iskeda tal-kostijiet hija annessa fil-Kodiċi ta’ Organizzazzjoni u Proċedura Ċivili, il-Kapitolu 12 tal-Liġijiet ta’ Malta.
Link: https://ecourts.gov.mt/onlineservices/JForms/Index?jFormJurisdictionId=1
Aktar informazzjoni dwar kif tibda kawża ċivili f’Malta hija disponibbli hawn.
F’Malta, id-dokumenti ma jistgħux jiġu notifikati elettronikament fi proċedimenti ċivili.
L-irkanti ġudizzjarji online attwalment mhumiex disponibbli f’Malta.
Skop u kamp ta’ applikazzjoni: Is-servizzi ta’ medjazzjoni f’Malta huma disponibbli għal dawk li jixtiequ jużawha fuq bażi volontarja. Il-medjazzjoni għal separazzjoni u/jew divorzju għandhom jiġu riferuti lill-Qorti tal-Familja, u mhux liċ-Ċentru għall-Medjazzjoni ta’ Malta.
Awtorità kompetenti: Ċentru għall-Medjazzjoni ta’ Malta
Kundizzjonijiet ta’ aċċess:
- Rekwiżiti tal-eliġibbiltà: Il-medjazzjoni tista’ tintuża f’tilwim li jinvolvi kwistjonijiet ċivili, tal-familja (eż. tilwim dwar wirt jew tilwim li jirriżulta minn negozji tal-familja), soċjali, kummerċjali jew industrijali.
- Rekwiżiti tal-identifikazzjoni u l-awtentikazzjoni: Il-verifika u l-illoggjar biex tintalab medjazzjoni huma possibbli permezz tal-e-ID.
- Dokumenti li għandhom jiġu pprovduti: Trid tiġi ppreżentata formola online.
Effetti legali ta’ dokument elettroniku: MHUX APPLIKABBLI
Possibbiltà li l-proċedura tiġi kkompletata kompletament online: Iva.
Kost: Jiddependi mit-tip ta’ medjazzjoni:
- Tilwim dwar il-medjazzjoni tal-familja - EUR 35
- Medjazzjoni li tinvolvi Organizzazzjonijiet Volontarji kif definit fl-Att dwar l-Organizzazzjoni Volontarja (Art. 3) - EUR 35
- Medjazzjoni li tinvolvi kwalunkwe Awtorità oħra stabbilita bil-liġi - EUR 50
- Tilwim li ma jinvolvix valur monetarju - EUR 70
- Għat-tilwim l-ieħor kollu - EUR 120
Aktar informazzjoni dwar kif taċċessa l-medjazzjoni f’Malta hija disponibbli hawn.
Skop u kamp ta’ applikazzjoni: Ir-Reġistru dwar in-Negozju ta’ Malta (Malta Business Registry) għandu sistema online li tippermetti lill-utenti jirreġistraw kumpanija u jippreżentaw formoli użati b’mod komuni. Is-sistema tippermetti li l-ismijiet tal-kumpaniji jiġu riżervati online. Barra minn hekk, il-formoli u l-avviżi statutorji kollha huma disponibbli fuq is-sit web. Ir-Reġistru dwar in-Negozju ta’ Malta jippermetti wkoll it-tfittxija għal kumpanija. Dan huwa disponibbli mingħajr ma wieħed jilloggja fil-pjattaforma.
Awtorità kompetenti: Ir-Reġistru dwar in-Negozju ta’ Malta
Kundizzjonijiet ta’ aċċess:
- Rekwiżiti tal-eliġibbiltà: MHUX APPLIKABBLI
- Rekwiżiti tal-identifikazzjoni u l-awtentikazzjoni: Is-sit web jirrikjedi reġistrazzjoni li għaliha huma meħtieġa dettalji personali. Is-servizzi online huma disponibbli wara li wieħed jilloggja fil-pjattaforma.
- Dokumenti li għandhom jiġu pprovduti: MHUX APPLIKABBLI
Effetti legali ta’ dokument elettroniku: MHUX APPLIKABBLI
Possibbiltà li l-proċedura tiġi kkompletata kompletament online: Iva.
Kost: Biex taċċessa l-istruttura tat-tariffi relattiva għar-reġistrazzjoni ta’ kumpanija, segwi din il-link.
Link: https://registry.mbr.mt/ROC/
Aktar informazzjoni dwar kif tirreġistra kumpanija f’Malta hija disponibbli hawn u hawn.
Skop u kamp ta’ applikazzjoni: L-Uffiċċju tal-Avukat tal-Istat, flimkien mal-Aġenzija tat-Teknoloġija tal-Informazzjoni ta’ Malta (MITA) u l-Università ta’ Malta (UoM), nedew il-Pjattaforma Nazzjonali tat-Teknoloġija tal-Lingwi (National Language Technology Platform, NLTP) imsejħa “Traduzzjoni.mt” li tipprovdi traduzzjoni awtomatika ta’ kwalità għolja tat-test lejn u mill-24 lingwa uffiċjali tal-UE. Il-pjattaforma hija partikolarment ta’ għajnuna għat-traduzzjoni ta’ test legali u test relatat mas-settur tas-saħħa pubblika.
Awtorità kompetenti: Il-Ministeru għall-Wirt Nazzjonali, l-Arti u l-Gvern Lokali
Kundizzjonijiet ta’ aċċess:
- Rekwiżiti tal-eliġibbiltà: L-NLTP hija aċċessibbli liberament għall-utenti kollha
- Rekwiżiti tal-identifikazzjoni u l-awtentikazzjoni: Minbarra l-aċċess bla ħlas, il-pjattaforma toffri wkoll l-għodda CAT li tippermetti lill-utenti jirreġistraw bil-kont CORP tagħhom (jekk ikunu impjegati tal-Gvern ta’ Malta) jew bl-E-ID. Din il-karatteristika tippermetti lill-utenti li jkunu qed jittraduċu dokumenti sħaħ jissejvjaw xogħolhom u jirritornaw għalih aktar tard.
- Dokumenti li għandhom jiġu pprovduti: MHUX APPLIKABBLI
Effetti legali ta’ dokument elettroniku: MHUX APPLIKABBLI
Possibbiltà li l-proċedura tiġi kkompletata kompletament online: Iva.
Kost: Mingħajr ħlas
Link: https://traduzzjoni.mt
Aktar informazzjoni dwar il-proġett NLTP tista’ tiġi aċċessata hawn.