Find all the information concerning fees, available means to pay, post-payment actions, etc. when using the European Payment Order procedure in each Member State.
Are you about to use the European Payment Order procedure? If so, please note the applicable court fees. You will find all the information concerning fees, available means to pay, post-payment actions, etc. by selecting the relevant national flag listed elsewhere on this page.
This page is maintained by the European Commission. The information on this page does not necessarily reflect the official position of the European Commission. The Commission accepts no responsibility or liability whatsoever with regard to any information or data contained or referred to in this document. Please refer to the legal notice with regard to copyright rules for European pages.
X’jiġri jekk ma nħallasx it-tariffi tal-qorti fil-ħin?
Kif nista’ nħallas it-tariffi tal-qorti?
X’għandi nagħmel wara li nħallas?
Dan is-suġġett huwa regolat mill-Artikoli 1017 sa 1022 tal-Kodiċi Ġudizzjarju Belġjan (Code judiciaire) u mill-Artikolu 953 ta’ dak il-Kodiċi f’dak li jikkonċerna l-ħlas tat-tariffi tax-xhieda. Huwa regolat ukoll mill-Kodiċi Belġjan tar-Reġistrazzjoni, l-Ipoteka u t-Tariffi tar-Reġistru tal-Qorti (Code des droits d'enregistrement, d'hypothèque et de greffe) u b’mod partikolari l-Artikoli 142 et seq. u 268 et seq. fir-rigward tat-tariffi ta’ reġistrazzjoni.
L-Artikolu 1018 tal-Kodiċi Ġudizzjarju Belġjan jispeċifika n-natura tal-ispejjeż:
1° Ir-reġistru tal-qorti, ir-reġistrazzjoni u tariffi oħra. It-tariffi tar-reġistru tal-Qorti jinkludu tariffi tal-elenkar, tariffi għall-abbozzar u tariffi għal kopji ċertifikati (l-Artikoli 268 et seq. tal-Kodiċi Ġudizzjarju Belġjan tar-Reġistrazzjoni, l-Ipoteka u t-Tariffi tar-Reġistru tal-Qorti). It-tariffa tal-elenkar hija ta bejn EUR 30 u Eur 100, skont liema qorti tkun. It-tariffa għall-abbozzar hija ta EUR 35.
It-tariffi għar-reġistrazzjoni jitħallsu għad-deċiżjonijiet f’każijiet fejn l-ammont prinċipali huwa aktar minn EUR 12 500 (minbarra t-tariffi tal-qorti). Dawn huma ta’ 3% ta’ dak l-ammont.
2° L-ispejjeż tal-proċedimenti l-qorti u s-salarji u l-emolumenti relatati.
3° L-ispiża ta’ kopja ċertifikata ta’ sentenza: bejn EUR 0.85 u EUR 5.75 għal kull paġna;
4° L-ispejjeż għal kull mezz ta’ għoti jew kisba ta’ provi, inkluż it-tariffi tal-esperti u xhieda oħra. Id-Digriet Irjali tas-27 ta’ Lulju 1972 kien stipula li dan l-ammont ikun ta’ BEF (frank Belġjan) 200 għal kull xhud, li issa huwa ekwivalenti għal madwar EUR 5. Minbarra dan hemm l-indennizz tal-ivvjaġġar (EUR 0.0868 għal kull kilometru).
Jekk jissejjaħ perit, dan huwa ħieles li jiddeiċiedi kemm jitlob bħala tariffi u spejjeż tiegħu. Madankollu, il-metodu ta’ kalkolazzjoni għandu jiġi indikat b’mod ċar u l-ammont jista, jekk meħtieġ (għal pereżempju, fejn saru spejjeż bla bżonn), jitnaqqsu mill-qorti fil-valutazzjoni dettaljata tat-tariffi tal-qorti.
5° L-ispejjeż tal-ivvjaġġar u s-sussistenza għall-imħallfin, skrivana u partijiet fil-kawża, fejn l-ivvjaġġar tagħhom ġie ordnat mill-qorti, u l-ispejjeż tal-atti, fejn saru biss għall-għanijiet tal-proċedimenti.
6° Tariffa għat-tħejjija tal-kawża (l-Artikolu 1022 tal-Kodiċi Ġudizzjarju Belġjan). Din titħallas mill-parti li titlef il-kawża u hija kontribuzzjoni fissa għall-ispejjeż legali u t-tariffi tal-parti r-rebbieħa. L-ammonti huma bbażati fuq l-indiċi tal-prezzijiet għall-konsumatur u jogħlew jew jonqsu b’10% jekk ll-indiċi jogħla jew jonqos b’10 punti perċentwali.
Ammont tat-talba | Ammont | Ammont | Ammont |
EUR 250.00 jew inqas | EUR 180.00 | EUR 90.00 | EUR 360.00 |
EUR 250.01 sa EUR 750.00 | EUR 240.00 | EUR 150.00 | EUR 600.00 |
EUR 750.01 sa EUR 2,500.00 | EUR 480.00 | EUR 240.00 | EUR 1,200.00 |
EUR 750.01 sa EUR 5.000,00 | EUR 785.00 | EUR 450.00 | EUR 1.800,00 |
EUR 5,000.01 sa EUR 10,000.00 | EUR 1.080,00 | EUR 600,00 | EUR 2.400,00 |
EUR 10.000,01 sa EUR 20.000,00 | EUR 1.320,00 | EUR 750,00 | EUR 3.000,00 |
EUR 20.000,01 sa EUR 40.000,00 | EUR 2.400,00 | EUR 1.200,00 | EUR 4.800,00 |
EUR 40.000,01 sa EUR 60.000,00 | EUR 3.000,00 | EUR 1.200,00 | EUR 6.000,00 |
EUR 60.000,01 sa EUR 100.000,00 | EUR 3.600,00 | EUR 1.200,00 | EUR 7.200,00 |
EUR 100.000,01 sa EUR 250.000,00 | EUR 600,00 | EUR 1.200,00 | EUR 12.000,00 |
EUR 250.000,01 sa EUR 500.000,00 | EUR 8.400,00 | EUR 1.200,00 | EUR 16.800,00 |
EUR 500.000,01 sa EUR 1.000.000,00 | EUR 12.000,00 | EUR 1.200,00 | EUR 24.000,00 |
EUR 1,000,000.01 jew iktar | EUR 18.000,00 | EUR 1.200,00 | EUR 36.000,00 |
Talbiet mhux monetarji | EUR 1.440,00 | EUR 90,00 | EUR 12.000,00 |
Tribunal industrijali (regoli speċjali)
Ammont tat-talba | Ammont | Ammont | Ammont |
EUR 250.00 jew inqas | EUR 43,75 | EUR 31,75 | EUR 55,75 |
EUR 620.00 jew inqas | EUR 87,43 | EUR 69,43 | EUR 105,43 |
EUR 2,500.00 jew inqas | EUR 131,18 | EUR 107,18 | EUR 155,18 |
EUR 2,500.01 jew iktar | EUR 262,37 | EUR 226,37 | EUR 298,37 |
Talbiet mhux monetarji | EUR 131,18 | EUR 107,18 | EUR 155,18 |
7° It-tariffi, l-emolumenti u l-ispejjeż tal-ombudsman maħtur skont l-Artikolu 1734 tal-Kodiċi Ġudizzjarju Belġjan.
Tenut kont ta’ dak li ntqal s’issa, l-ammont li jrid jitħallas jiddependi kompletament minn kull każ, skont jekk tirbaħx il-kawża jew le, jekk jiġux imsejħa l-esperti, jekk jiġux imsejħa aktar xhieda, jekk l-imħallfin kellhomx isiefru barra, jekk ġiex involut l-ombudsman, eċċ.
It-tariffi tar-reġistru tal-qorti jridu jitħallsu bil-quddiem, inkella l-kawża ma tiġix imniżżla fl-elenku.
Ix-xhieda esperti dejjem jeħtieġu ħlas bil-quddiem qabel jibdew jaħdmu.
Jekk teħtieġ seduta ta’ smigħ għal xhud, l-ewwel trid tħallas l-ammont dovut lill-iskrivan. Jekk ma tħallasx dan l-ammont, jiġi preżunt li ma għadekx teħtieġ li x-xhud jinstema.
Il-pagament jista’ jsir permezz ta’ trasferiment ta' kreditu jew ordni ta' ħlas, trasferiment elettroniku, flus kontanti jew ċekk pagabbli lir-reġistru tal-qorti (din tal-aħħar hija riservata għall-professjonisti legali u għall-bailiffs).
Il-prova tal-ħlas għandha tinżamm f’post sikur sabiex tkun tista’ tiġi prodotta immedjatament kif tintalab.
Il-verzjoni bil-lingwa nazzjonali hija ġestita mill-Istat Membru rispettiv. It-traduzzjonijiet saru mis-servizz tal-Kummissjoni Ewropea. Jista' jkun hemm xi tibdil imdaħħal fl-oriġinal mill-awtorità nazzjonali kompetenti li jkun għadu ma jidhirx fit-traduzzjonijiet. Il-Kummissjoni Ewropea ma taċċettax responsabbilta jew kwalunkwe tip ta' tort fir-rigward ta' kull informazzjoni jew dejta li tinsab jew li hemm referenza għaliha f'dan id-dokument. Jekk jogħġbok irreferi għall-avviż legali sabiex tiċċekkja r-regoli dwar id-drittijiet tal-awtur għall-Istati Membri responsabbli minn din il-paġna.
Liema tariffi huma applikabbli?
X’jiġri jekk ma nħallasx it-tariffi tal-qrati fil-ħin?
Kif nista’ nħallas it-tariffi tal-qrati?
Id-dispożizzjonijiet dwar il-ħlas tat-tariffi tal-qrati u l-ispejjeż fi proċedimenti ċivili, inkluż fil-proċedura ta’ Ordni ta’ Ħlas Ewropea, huma stabbiliti rispettivament fil-Kodiċi ta’ Proċedura Ċivili u fl-Iskeda ta’ tariffi tal-istat miġbura mill-qrati skont il-Kodiċi ta’ Proċedura Ċivili (GPK).
Kodiċi ta’ Proċedura Ċivili
“Kapitolu Tmienja. Tariffi u Spejjeż, Taqsima I — Spiża tal-kawża
Spiża tal-kawża
Artikolu 68. Il-valur monetarju tas-suġġett tal-każ għandu jkun l-ispiża tal-kawża.
Spiża tal-kawża
Artikolu 69. (1) L-ammont tal-ispiża tal-kawża għandu jkun:
1. f’kawżi li jikkonċernaw talbiet monetarji: is-somma mitluba;
Determinazzjoni tal-ispiża tal-kawża
Artikolu 70. (1) L-ispiża tal-kawża għandha tiġi speċifikata mir-rikorrent. L-ispiża tal-kawża tista’ tiġi kkontestata jew mill-konvenut jew mill-qorti, li taġixxi ex officio, mhux aktar tard mill-ewwel seduta ta’ smigħ għall-eżami tal-każ. F’każ ta’ diskrepanza bejn l-ispiża indikata u l-ispiża reali, il-qorti għandha tiddetermina l-ispiża tal-kawża.
(2) Id-deċiżjoni tal-qorti li żżid l-ispiża tal-kawża għandha tkun soġġetta għal kontestazzjoni permezz ta’ appell inċidentali.
(3) Fejn l-ispiża ta’ kawża hija diffiċli li ssir valutazzjoni tagħha fiż-żmien meta titressaq il-kawża, spiża approssimattiva ta’ kawża għandha tiġi ddeterminata mill-qorti u għandha sussegwentement tiġi imposta tariffa addizzjonali jew għandha tiġi imposta tariffa żejda li tkun tiddependi fuq l-ispiża li tiġi ddeterminata mill-qorti meta tkun qed tagħti d-deċiżjoni tagħha.
Taqsima II. Tariffi u spejjeż tal-Istat
Min hu responsabbli mill-ħlas tat-tariffi u tal-ispejjeż
Artikolu 71. (1) It-tariffi tal-Istat għall-ispejjeż tal-kawża u għall-ispejjeż legali għandhom jinġabru għall-ipproċessar tal-każ. Fejn il-kawża ma tkunx tista’ tiġi vvalutata, l-ammont tat-tariffi tal-Istat għandu jiġi ddeterminat mill-qorti.
Tariffi tal-Istat
Artikolu 73. (3) Id-drittijiet tal-Istat għandhom jinġabru, skont skeda adottata mill-Kunsill tal-Ministri, meta tiġi ppreżentata mozzjoni għal protezzjoni jew faċilitazzjoni u meta jinħareġ id-dokument li għalih titħallas tariffa.
Annessi għar-rikors
Artikolu 128. Is-segwenti għandhom jiġu ppreżentati ma’ rikors:
1. il-prokura, fejn id-dikjarazzjoni hija ppreżentata minn prokuratur;
2. dokumenti ta’ prova ta’ ħlas ta’ tariffi u spejjeż tal-Istat, fejn tali imposti u spejjeż huma dovuti;
3. kopji tar-rikors u tal-annessi tiegħu skont l-għadd ta’ imputati.
Verifika tar-rikors
Artikolu 129. (1) Il-qorti għandha tivverifika l-konformità tar-rikors.
(2) Fejn ir-rikors ma jikkonformax mar-rekwiżiti stabbiliti fl-Artikolu 127(1) u l-Artikolu 128, ir-rikorrent għandu jingħata struzzjonijiet biex jirrimedja n-nuqqasijiet ta’ konformità fi żmien ġimgħa u jkun infurmat dwar il-possibbiltà li juża l-għajnuna legali, jekk ir-rikorrent ikollu bżonn u jkun intitolat għal tali għajnuna. Meta l-indirizz tar-rikorrent ma jiġix iddikjarat u ma jkunx magħruf mill-qorti, il-komunikazzjoni għandha ssir permezz ta’ twaħħil ta’ avviż f’post magħżul għal dan il-għan mill-qorti għal ġimgħa waħda.
(3) Fejn ir-rikorrent jonqos milli jirrimedja għan-nuqqasijiet ta’ konformità, ir-rikors u l-annessi mehmuża għandhom jintbagħtu lura, u fejn l-indirizz mhux magħruf, ir-rikors għandu jibqa’ fl-uffiċċju tal-qorti għad-dispożizzjoni tar-rikorrent. Jista’ jitressaq appell inċidentali mir-ritorn tar-rikors mingħajr ma tiġi ppreżentata kopja għan-notifika.”
Skeda ta’ tariffi tal-istat miġbura mill-qrati skont il-Kodiċi tal-Proċedura Ċivili
“Taqsima I
Imposti Miġbura fi proċedimenti tal-qrati
l-Artikolu 1. Tariffa ta’ 4% tal-ispiża tal-kawża iżda ta’ mhux inqas minn BGN 50 għandha tinġabar għal rikors, replika jew rikors minn parti terza bi drittijiet indipendenti.
13. Imposti fl-ammonti li ġejjin għandhom jinġabru għall-ħruġ ta’ ċertifikat:
2. ċertifikat dwar il-ħruġ ta’ Ordni ta’ Ħlas Ewropea u dikjarazzjoni ta’ infurzabbiltà: BGN 40;”
It-tariffi legali jitħallsu biss permezz ta’ trasferiment bankarju għal kont tal-qorti.
It-tariffi tal-Istat jinġabru meta titressaq l-kawża. Ir-rikorrent irid jakkumpanja r-rikors b’evidenza dokumentata tal-ħlas ta’ kwalunkwe tariffa u spiża tal-Istat dovuti.
Għal rikors għal Ordni ta’ Ħlas Ewropea u għal dikjarazzjoni ta’ infurzabbiltà: BGN 40.
It-tariffa tal-qorti għal rikors, replika jew rikors minn parti terza bi drittijiet indipendenti fi proċedimenti ċivili standard hija 4% tal-ispiża ta’ kawża iżda mhux inqas minn BGN 50. L-ammont tal-ispiża tal-kawża f’kawżi għal talbiet monetarji huwa s-somma mitluba. Fil-każ ta’ oġġezzjoni għar-rikors għal ordni ta’ ħlas u kunsens espliċitu għal bidla għall-proċedimenti f’kawża standard, ir-rikorrent irid jikkredita l-kont tal-qorti bil-bilanċ tat-tariffa għal kawża standard.
Jekk ir-rikorrent ma jakkumpanjax ir-rikors bi prova dokumentata tal-ħlas tat-tariffi tal-istat dovuti meta titressaq l-kawża, ir-rikors jitqies bħala irregolari. F’każijiet bħal dawn, il-qorti tibgħat komunikazzjoni lir-rikorrenti li tordnalhom iħallsu t-tariffi fi żmien ġimgħa. Meta l-indirizz tar-rikorrent ma jiġix iddikjarat u ma jkunx magħruf mill-qorti, il-komunikazzjoni ssir permezz ta’ twaħħil ta’ avviż f’post magħżul għal dan il-għan mill-qorti għal ġimgħa waħda.
Fejn ir-rikorrent jonqos milli jħallas it-tariffi tal-qorti dovuti fiż-żmien stipulat ta’ ġimgħa, ir-rikors u d-dokumenti jiġu ritornati, u fejn l-indirizz mhux magħruf, ir-rikors jibqa’ fir-reġistru tal-qorti għad-dispożizzjoni tar-rikorrent. F’każijiet bħal dawn, il-każ jiġi miċħud.
It-tariffi tal-qorti jitħallsu biss permezz ta’ trasferiment bankarju għal kont tal-qorti, u d-dokument ta’ pagament irid jiġi ppreżentat lill-imħallef/lill-qorti li j/teżamina l-każ permezz tar-reġistru tal-qorti. It-tariffa legali ma tistax titħallas fi flus lill-kaxxier tal-qorti. Kull qorti jkollha kuntratt ma’ bank li jipprovdi servizzi lill-qorti. Il-kontijiet tal-bank jinsabu fuq is-sit web uffiċjali tal-qorti.
It-tariffi tal-qorti jitħallsu biss permezz ta’ trasferiment bankarju għal kont tal-qorti, u d-dokument ta’ pagament irid jiġi ppreżentat lill-imħallef/lill-qorti li j/teżamina l-każ permezz tar-reġistru tal-qorti.
Il-verzjoni bil-lingwa nazzjonali hija ġestita mill-Istat Membru rispettiv. It-traduzzjonijiet saru mis-servizz tal-Kummissjoni Ewropea. Jista' jkun hemm xi tibdil imdaħħal fl-oriġinal mill-awtorità nazzjonali kompetenti li jkun għadu ma jidhirx fit-traduzzjonijiet. Il-Kummissjoni Ewropea ma taċċettax responsabbilta jew kwalunkwe tip ta' tort fir-rigward ta' kull informazzjoni jew dejta li tinsab jew li hemm referenza għaliha f'dan id-dokument. Jekk jogħġbok irreferi għall-avviż legali sabiex tiċċekkja r-regoli dwar id-drittijiet tal-awtur għall-Istati Membri responsabbli minn din il-paġna.
X’inhuma l-konsegwenzi għal ħlas tard tat-tariffi?
Kif u fejn jitħallsu t-tariffi tal-qorti?
Xi jrid isir wara li jitħallsu t-tariffi?
It-tariffi tal-qorti huma rregolati mill-Att Nru 549/1991 dwar it-tariffi tal-qorti. Lista tat-tariffi hija annessa mal-Att. It-tariffi jiġu allokati lill-baġit tal-Istat.
It-tariffi jitħallsu f’kont stabbilit għall-qorti ikkonċernata fil-Bank Nazzjonali Ċek. It-tariffi li ma jaqbżux il-CZK 5 000 jistgħu jitħallsu wkoll permezz ta’ bolol tat-taxxa.
Fil-proċedura tal-ordni ta' ħlas Ewropea, it-tariffi tal-qorti jridu jitħallsu skont ir-regolament ġenerali. Hawnhekk japplikaw l-istess regoli bħal fi proċeduri oħrajn tal-qorti ċivili.
Ir-rati tariffarji għall-proċeduri huma stabbiliti fil-forma ta’ ammont fiss jew perċentwali fil-każ ta’ tariffi meta l-bażi tkun espressa fil-forma ta’ ammont finanzjarju. Il-perċentwal tat-tariffa jiġi kkalkulat bħala l-prodott tal-bażi tariffarja u r-rata tariffarja. Ir-rati individwali jiġu stabbiliti fit-tariffa, li tifforma anness għall-Att Nru 549/1991 dwar it-tariffi tal-qorti.
Fit-termini tal-proċedura għal ordni ta’ ħlas Ewropea, hija rilevanti r-regola fundamentali bbażata fuq il-kriterju tal-ħlas. Għal talba biex tinbeda proċedura ta’ qorti ċivili li tikkonċerna ħlas, it-tariffa tiġi stabbilita kif ġej:
L-obbligu li titħallas it-tariffa huwa dovut mal-ftuħ ta’ kawża jew, fil-każ ta’ appell, mal-preżentazzjoni ta’ appell, kif ukoll mal-impożizzjoni ta’ obbligu ta’ ħlas minn qorti jew istituzzjoni oħra. It-tariffi jsiru dovuti ladarba jiġi impost l-obbligu ta’ ħlas.
Jekk it-tariffa ma titħallasx immedjatament mal-ftuħ tal-kawża jew mal-appell, il-qorti teħtieġ li r-rikorrent iħallas sa ċertu żmien stabbilit mill-qorti; jekk iż-żmien jgħaddi mingħajr ma titħallas it-tariffa, il-qorti tissospendi l-proċedura (ħlief fil-każ ta’ ċerti sitwazzjonijiet speċifikati fl-Att). Il-ħlas tat-tariffa wara l-iskadenza tat-terminu ma jitqiesx.
Jekk id-deċiżjoni li proċedura tiġi sospiża minħabba nuqqas ta’ ħlas issir finali, l-obbligu għall-ħlas jispiċċa.
It-tariffi jitħallsu permezz ta’ trasferiment bankarju fil-kont tal-qorti rilevanti. Id-dettalji tal-bank jinsabu fis-siti web tal-qrati individwali, li jinsabu fil-portal tal-internet https://www.justice.cz/. It-tariffi sa CZK 5 000 jistgħu jitħallsu wkoll permezz ta’ bolol tat-taxxa.
Kwistjonijiet li għandhom x’jaqsmu mat-tariffi għal proċedura jiġu deċiżi mill-qorti li jkollha ġuriżdizzjoni sostantiva u territorjali biex tisma’ u tiddeċiedi l-kawża fl-ewwel istanza. Kwistjonijiet relatati mat-tariffi għal proċedura quddiem qorti tal-appell jew quddiem qorti tal-appell finali jiġu deċiżi mill-qorti li tkun iddeċidiet il-kawża fl-ewwel istanza, sakemm ma jkunx speċifikat mod ieħor iktar ’l isfel.
Jekk persuna obbligata tħallas tariffa b’rabta ma’ appell jew deċiżjoni ta’ appell finali fuq il-merti jew b’rabta ma’ appell jew deċiżjoni ta’ appell finali li ttemm il-proċedura, il-kwistjoni tat-tariffi tal-qorti tiġi deċiża mill-qorti tal-ewwel istanza, sakemm il-qorti tal-appell jew il-qorti tal-appell finali ma tiddeċidix il-kwistjoni.
L-obbligi tal-persuna responsabbli li tħallas tariffa jintemmu ladarba tibgħat il-flus fil-kont bankarju tal-qorti kompetenti jew ladarba tgħaddi l-bolol tat-taxxa lill-qorti kompetenti. Hija ma tkun obbligata tgħaddi l-ebda dokument ieħor.
Il-verzjoni bil-lingwa nazzjonali hija ġestita mill-Istat Membru rispettiv. It-traduzzjonijiet saru mis-servizz tal-Kummissjoni Ewropea. Jista' jkun hemm xi tibdil imdaħħal fl-oriġinal mill-awtorità nazzjonali kompetenti li jkun għadu ma jidhirx fit-traduzzjonijiet. Il-Kummissjoni Ewropea ma taċċettax responsabbilta jew kwalunkwe tip ta' tort fir-rigward ta' kull informazzjoni jew dejta li tinsab jew li hemm referenza għaliha f'dan id-dokument. Jekk jogħġbok irreferi għall-avviż legali sabiex tiċċekkja r-regoli dwar id-drittijiet tal-awtur għall-Istati Membri responsabbli minn din il-paġna.
Liema tariffi huma applikabbli?
X’jiġri jekk ma nħallasx it-tariffi tal-qorti fil-ħin?
Kif nista’ nħallas it-tariffi tal-qorti?
It-tariffi tal-qorti għall-Proċedura tal-Ordni ta’ Ħlas Ewropea huma rregolati mill-“Att dwar it-Tariffi tal-Qorti” (Gerichtskostengesetz – GKG)
It-tariffi tal-qorti jistgħu jitħallsu meta jitressaq ir-rikors jew billi titħallas fattura ta’ tariffi tal-qorti. Teknikament, il-pagament isir permezz ta’ trasferiment bankarju.
L-Artikoli 12 (3) u (4) tal-Att dwar it-Tariffi tal-Qorti jipprovdi li l-Ordni ta’ Ħlas Ewropea għandha tinħareġ biss wara li titħallas it-tariffa indikata.
It-tariffi preċiżi huma speċifikati f’anness għall-Att dwar it-Tariffi tal-Qorti (Indiċi tal-ispejjeż [Kostenverzeichnis – KV-GKG)]). In-numru 1100 KV-GKG jipprovdi għal tariffa b’rata ta’ ħlas ta’ 0,5 għall-Proċedura tal-Ordni ta’ Ħlas Ewropea.
L-ammont tat-tariffa jiġi ddeterminat mill-valur tat-tilwima, li normalment ikun identiku għall-ammont tat-talba mressqa. Jekk, minbarra t-talba prinċipali, l-interessi jew l-ispejjeż huma wkoll involuti bħala talbiet anċillari, il-valur ta’ dawn it-talbiet anċillari ma jiġix ikkunsidrat.
It-tariffa tal-qorti li għandha titħallas mal-ħruġ ta’ Ordni ta’ Ħlas Ewropea hija:
Valur tat-tilwima sa massimu ta’ | Tariffa f’EUR | Valur tat-tilwima sa massimu ta’ | Tariffa f’EUR |
500 | 32.00 | 50 000 | 273.00 |
1 000 | 32.00 | 65 000 | 333.00 |
1 500 | 35.50 | 80 000 | 393.00 |
2 000 | 44.50 | 95 000 | 453.00 |
3 000 | 54.00 | 110 000 | 513.00 |
4 000 | 63.50 | 125 000 | 573.00 |
5 000 | 73.00 | 140 000 | 633.00 |
6 000 | 82.50 | 155 000 | 693.00 |
7 000 | 92.00 | 170 000 | 753.00 |
8 000 | 101.50 | 185 000 | 813.00 |
9 000 | 111.00 | 200 000 | 873.00 |
10 000 | 120.50 | 230 000 | 962.50 |
13 000 | 133.50 | 260 000 | 1 052.00 |
16 000 | 146.50 | 290 000 | 1 141.50 |
19 000 | 159.50 | 320 000 | 1 231.00 |
22 000 | 172.50 | 350 000 | 1 320.50 |
25 000 | 185.50 | 380 000 | 1 410.00 |
30 000 | 203.00 | 410 000 | 1 499.50 |
35 000 | 220.50 | 440 000 | 1 589.00 |
40 000 | 238.00 | 470 000 | 1 678.50 |
45 000 | 255.50 | 500 000 | 1 768.00 |
Jekk il-pagament bil-quddiem fuq it-tariffi tal-qorti ma jsirx, il-qorti ma toħroġx ordni ta’ ħlas u l-proċedimenti ma jitkomplux.
Sabiex il-pagament ikun allokat għan-numru tal-fajl korrispondenti mill-qorti, huwa imperattiv li r-rikorrent jispeċifika wkoll in-numru tal-fajl meta jsir it-trasferiment bankarju.
Il-pagament bil-quddiem għat-tariffi tal-qorti jista’ jsir direttament meta jiġi ppreżentat ir-rikors. Jekk dan ikun għadu ma tħallasx, il-qorti tibgħat fattura bit-tariffi tal-qorti lir-rikorrent.
(a) Trasferiment bankarju
Tista’ tħallas billi tagħmel trasferiment bankarju.
(b) Karta tal-kreditu
Ma tistax tħallas b’karta tal-kreditu.
(c) Ġbir mill-kont bankarju tar-rikorrent mill-qorti
Il-pagament permezz tal-ġbir mill-kont bankarju tar-rikorrent mhuwiex possibbli.
(d) Għajnuna legali
Meta r-rikorrent ikun ingħata l-għajnuna legali, huwa mhux se jkun meħtieġ iħallas xi spejjeż legali jew jagħmel pagamenti bil-quddiem. It-talba għal għajnuna legali tista’ titressaq quddiem l-istess qorti bħar-rikors għal Ordni ta’ Ħlas Ewropea.
(e) Pagamenti oħra
Mhemmx tipi oħra ta’ pagament.
Wara pagament li jirnexxi, il-qorti tassenja l-pagament għar-rikors u tipproċessa r-rikors.
Il-verzjoni bil-lingwa nazzjonali hija ġestita mill-Istat Membru rispettiv. It-traduzzjonijiet saru mis-servizz tal-Kummissjoni Ewropea. Jista' jkun hemm xi tibdil imdaħħal fl-oriġinal mill-awtorità nazzjonali kompetenti li jkun għadu ma jidhirx fit-traduzzjonijiet. Il-Kummissjoni Ewropea ma taċċettax responsabbilta jew kwalunkwe tip ta' tort fir-rigward ta' kull informazzjoni jew dejta li tinsab jew li hemm referenza għaliha f'dan id-dokument. Jekk jogħġbok irreferi għall-avviż legali sabiex tiċċekkja r-regoli dwar id-drittijiet tal-awtur għall-Istati Membri responsabbli minn din il-paġna.
Jekk it-tariffa tal-Istat trid titħallas abbażi ta’ sentenza tal-qorti, din trid titħallas fil-kont imsemmi fis-sentenza u bl-użu tan-numru ta’ referenza indikat fis-sentenza.
Jekk tippreżenta rikors il-qorti fl-Estonja fi proċedura Ewropea għal talbiet żgħar, ikollok tħallas l-istess tariffa tal-istat daqslikieku ppreżentajt rikors nazzjonali. It-tariffi tal-Istat u spejjeż proċedurali oħrajn huma rregolati mill-Kodiċi ta’ Proċedura Ċivili u mill-Att dwar it-Tariffi tal-Istat. It-tariffi tal-Istat u l-ispejjeż proċedurali li jridu jitħallsu lill-qorti jistgħu jitħallsu biss bi trasferiment bankarju.
Meta tippreżenta r-rikors tiegħek, ikollok tħallas tariffa tal-istat biex tkopri l-ispejjeż tal-proċedimenti. Matul il-proċedimenti jistgħu jinqalgħu wkoll spejjeż proċedurali oħrajn, bħall-ispejjeż tan-notifika tal-atti proċedurali u l-ispejjeż tal-interpretazzjoni jew tat-traduzzjoni.
Jekk tippreżenta rikors il-qorti fl-Estonja fil-proċedura Ewropea għal talbiet żgħar, it-tariffa tal-istat li jkollok tħallas tkun l-istess daqslikieku ppreżentajt rikors nazzjonali. L-ammont tat-tariffa tal-istat jiddependi mill-ammont ta’ flus li tkun qed titlob. Pereżempju, ikollok tħallas tariffa tal-istat ta’ EUR 140 għal pretensjoni ta’ EUR 500, tariffa tal-istat ta’ EUR 245 għal pretensjoni ta’ EUR 1 000, tariffa tal-istat ta’ EUR 280 għal pretensjoni ta’ EUR 1 500, u tariffa tal-istat ta’ EUR 315 għal pretensjoni ta’ EUR 2 000.
Trid tħallas it-tariffa tal-istat minn qabel meta tippreżenta rikors. Jekk ma tkunx ħallast it-tariffa tal-istat, il-qorti tagħtik l-opportunità li tħallasha sa data stabbilita mill-qorti. Jekk ma tħallasx it-tariffa tal-istat sa dakinhar, il-qorti tiċħad ir-rikors tiegħek.
It-tariffi tal-Istat jistgħu jitħallsu biss permezz ta’ trasferiment bankarju. Karti ta’ kreditu mhumiex aċċettati. Għall-ħlasijiet kollha maħsuba li jsiru lill-qrati, il-benefiċjarju huwa l-Ministeru tal-Finanzi.
Jekk tħallas it-tariffa tal-Istat bil-quddiem, trid tuża l-kaxxa ta’ komunikazzjoni tal-ordni ta’ pagament biex tindika bl-iktar mod preċiż possibbli l-proċedura li qed tħallas it-tariffa tal-Istat għaliha. Jekk tippreżenta rikors permezz tal-e-File pubbliku, tista’ tħallas it-tariffa tal-istat fl-istess ambjent billi tuża l-link bankarja online. Jekk it-tariffa tal-Istat trid titħallas abbażi ta’ sentenza tal-qorti, din trid titħallas fil-kont imsemmi fis-sentenza u bl-użu tan-numru ta’ referenza indikat fis-sentenza.
Tista’ ssib aktar informazzjoni dwar il-kontijiet tat-tariffi tal-istat u n-numri ta’ referenza tal-qrati fis-sit web tal-Qrati Estonjani.
Lill-qorti trid tipprovdilha l-informazzjoni li tikkonferma l-ħlas tat-tariffa tal-Istat, sabiex hija tkun tista’ tivverifika li tkun irċeviet it-tariffa tal-istat. Din l-informazzjoni hija kif ġej: isem il-persuna li tħallas it-tariffa tal-istat, id-dettalji dwar il-bank u l-kont li t-tariffa tal-istat tħallset fih, l-ammont imħallas, u d-data tal-ħlas. Il-Qorti tista’ tivverifika li tkun irċeviet il-ħlas b’mod elettroniku, jiġifieri m’għandekx għalfejn tippreżenta l-ordni tal-ħlas li jikkonferma l-ħlas tat-tariffa tal-Istat. Madankollu, il-qorti tista’ titlobha, jekk ikun hemm bżonn.
Il-verzjoni bil-lingwa nazzjonali hija ġestita mill-Istat Membru rispettiv. It-traduzzjonijiet saru mis-servizz tal-Kummissjoni Ewropea. Jista' jkun hemm xi tibdil imdaħħal fl-oriġinal mill-awtorità nazzjonali kompetenti li jkun għadu ma jidhirx fit-traduzzjonijiet. Il-Kummissjoni Ewropea ma taċċettax responsabbilta jew kwalunkwe tip ta' tort fir-rigward ta' kull informazzjoni jew dejta li tinsab jew li hemm referenza għaliha f'dan id-dokument. Jekk jogħġbok irreferi għall-avviż legali sabiex tiċċekkja r-regoli dwar id-drittijiet tal-awtur għall-Istati Membri responsabbli minn din il-paġna.
Ir-Regolamenti Nazzjonali għall-ħlas tat-tariffi tal-qorti huma:
Bħalissa, l-ordnijiet tat-tariffi tal-qorti Irlandiża ma jispeċifikaw l-ebda tariffa għal talbiet għal Ordnijiet ta’ Ħlas Ewropej. Għalhekk għandek tibgħat it-talba tiegħek mingħajr ebda tariffa marbuta magħha.
Il-verzjoni bil-lingwa nazzjonali hija ġestita mill-Istat Membru rispettiv. It-traduzzjonijiet saru mis-servizz tal-Kummissjoni Ewropea. Jista' jkun hemm xi tibdil imdaħħal fl-oriġinal mill-awtorità nazzjonali kompetenti li jkun għadu ma jidhirx fit-traduzzjonijiet. Il-Kummissjoni Ewropea ma taċċettax responsabbilta jew kwalunkwe tip ta' tort fir-rigward ta' kull informazzjoni jew dejta li tinsab jew li hemm referenza għaliha f'dan id-dokument. Jekk jogħġbok irreferi għall-avviż legali sabiex tiċċekkja r-regoli dwar id-drittijiet tal-awtur għall-Istati Membri responsabbli minn din il-paġna.
Jekk inti individwu privat u inti, jew jekk għandek avukat li jaġixxi għalik, ippreżenta rikors quddiem qorti li jitlob ordni ta’ ħlas Ewropea (formola A tar-Regolament (KE) Nru 1896/2006), u trid tħallas l-ispejjeż xierqa tal-qorti kif previst fil-liġi nazzjonali. Jekk tippreżenta r-rikors personalment, mingħajr avukat, tkun eżentat milli tagħmel ħlas bil-quddiem fuq it-tariffi tal-avukati (ara l-premessa 26 tar-Regolament). Jekk ir-rikors tiegħek jiġi aċċettat u tinħareġ l-ordni Ewropea għall-ħlas (formola E tar-Regolament), u sussegwentement ma titressaq l-ebda oġġezzjoni u l-ordni tiġi ddikjarata bħala eżekutorja (il-formola G), tirċievi titolu eżekuttiv, u jkollok tħallas tariffa għal kopja awtentikata (télos apográfou) skont it-tip ta’ talba (f’konformità mal-Kodiċi dwar it-Taxxa tal-Boll (Kódika Telón Chartosímou)).
Meta tibgħat il-formola A, trid tħallas taxxa tal-boll (télos chartosímou — il-boll jitwaħħal fuq ir-rikors, ara l-Kodiċi dwar it-Taxxa tal-Boll) u taxxa tal-boll ġudizzjarja (télos dikastikoú ensímou — trid tixtri boll ġudizzjarju jew tibgħat irċevuta tat-tip B minn uffiċċju tat-taxxa (DOY)) — minħabba li hija verżjoni elettronika —, li trid tiġi inkluża fl-atti tal-kawża, ara l-Liġi 3978/1912, kif emendata bl-Artikolu 63(IC1) tal-Liġi 4093/2012: tmienja minn kull elf tal-ammont pretiż flimkien mal-imposti parafiskali, kull meta l-ammont mitlub jaqbeż il-EUR 200. Barra minn hekk, isiru ħlasijiet lill-korpi nazzjonali li jiġu kkalkulati abbażi tal-ammont tal-pretensjoni.
L-ammont tal-ispejjeż tal-qorti jiġi kkalkulat abbażi tas-somma li l-ordni tintalab għaliha skont il-leġiżlazzjoni msemmija hawn fuq.
Il-qorti ma tiħux konjizzjoni tar-rikors tiegħek għal ordni ta’ ħlas Ewropea jew għall-eżekuzzjoni ta’ ordni ta’ ħlas Ewropea li tkun ġiet iddikjarata eżekutorja.
Personalment biss lill-qorti li tiġi ppreżentata bil-formola A jew li ssirilha talba għal titolu eżekuttiv abbażi tal-formola G. Bħalissa, l-ebda ħlas elettroniku tal-ispejjeż tal-qorti ma huwa previst.
Trid tressaq ir-rikors quddiem il-qorti.
Il-verzjoni bil-lingwa nazzjonali hija ġestita mill-Istat Membru rispettiv. It-traduzzjonijiet saru mis-servizz tal-Kummissjoni Ewropea. Jista' jkun hemm xi tibdil imdaħħal fl-oriġinal mill-awtorità nazzjonali kompetenti li jkun għadu ma jidhirx fit-traduzzjonijiet. Il-Kummissjoni Ewropea ma taċċettax responsabbilta jew kwalunkwe tip ta' tort fir-rigward ta' kull informazzjoni jew dejta li tinsab jew li hemm referenza għaliha f'dan id-dokument. Jekk jogħġbok irreferi għall-avviż legali sabiex tiċċekkja r-regoli dwar id-drittijiet tal-awtur għall-Istati Membri responsabbli minn din il-paġna.
X'jiġri jekk ma nħallasx it-tariffi ġudizzjarji fil-ħin?
Xi rrid nagħmel wara li nħallas?
It-tariffa tal-qorti f'kawżi ċivili, li jinkludu l-proċedura tal-ordni ta' ħlas Ewropea, hija taxxa Statali li titħallas mal-ftuħ ta' proċediment wara l-preżentata minn parti. It-tariffa hija rregolata mil-Liġi 10/2012 tal-20 ta' Novembru 2012 li tikkonċerna ċerti tariffi fil-qasam tal-amministrazzjoni tal-ġustizzja u l-Istitut Nazzjonali tat-Tossikoloġija u x-Xjenza Forensika (Ley 10/2012, de 20 de noviembre, por la que se regulan determinadas tasas en el ámbito de la Administración de Justicia y del Instituto Nacional de Toxicología y Ciencias Forenses), emendata b'Digriet Liġi Rjali 3/2013 tat-22 ta' Frar 2013 u bl-Ordni HAP/2662/2012 tat-13 ta' Diċembru 2012 (emendata bl-Ordni HAP/490/2013 tas-27 ta' Marzu 2013).
Hija rregolata wkoll mid-Digriet Liġi Rjali 1/2015 tas-27 ta' Frar 2015 dwar il-mekkaniżmi tat-tieni opportunità, it-tnaqqis tal-piż finanzjarju u miżuri oħrajn tas-sigurtà soċjali (Real Decreto Ley 1/2015 de 27 de febrero, de mecanismos de segunda oportunidad, reducción de carga financiera y otras medidas de orden social) li emenda ulterjorment il-Liġi 10/2012 imsemmija fuq.
It-tariffa għandha titħallas permezz tal-Aġenzija tat-Taxxi (Agencia Tributaria) b'formola li titniżżel onlajn li trid timtela kif ġej (agħfas hawn) jew permezz ta' applikazzjoni li tiġi ġġenerata ladarba tiddaħħal id-dejta (agħfas hawn) u li tippermetti l-ħlas onlajn (bħalissa din il-possibbiltà hija miftuħa biss għal impriżi kbar).
Il-ħlas għandu jsir wara li tiġi ppreżentata l-formola ta' applikazzjoni A. Il-ħlas jista' jsir mir-rappreżentant legali jew l-avukat f'isem il-persuna taxxabbli, b'mod partikolari jekk din ma tkunx residenti Spanja. Persuna mhux residenti ma hemmx għalfejn tikseb numru ta' identifikazzjoni tat-taxxa qabel l-awtovalutazzjoni. Ir-rappreżentant legali jew l-avukat ma għandux obbligazzjoni ta’ taxxa għal dan il-ħlas.
Fil-proċedura tal-ordni ta' ħlas Ewropea, il-persuna li tinstiga l-attività ġudizzjarja li tipproduċi fatt taxxabbli tkun responsabbli għall-ħlas tat-tariffa, jiġifieri il-persuna li tippreżenta talba jew kontrotalba permezz tal-Formola A, meta t-talba tkun ibbażata fuq dokument li jikkostitwixxi strument eżekutorju ekstraġudizzjarju skont l-Artikolu 517 tal-Liġi 1/2000 tas-7 ta' Jannar 2000 dwar il-proċedura ċivili (Ley 1/2000, de 7 de enero, de Enjuiciamiento Civil) u li tkun taqbeż l-EUR 2 2000. Jekk ikun strument proċedurali eżekutorju, ikun eżenti mill-ħlas. Bl-istess mod, il-persuni fiżiċi u l-entitajiet ġuridiċi kollha li jkunu intitolati għall-għajnuna legali huma eżentati sakemm ikunu jistgħu juru li jissodisfaw il-kundizzjonijiet għall-għajnuna legali stipulati fil-leġiżlazzjoni applikabbli.
Fil-proċedura tal-ordni ta' ħlas Ewropea, għandu jitħallas ammont fiss ta' EUR 100 flimkien ma' ammont varjabbli li jiddependi mill-ammont pretiż u li jinkiseb bl-applikazzjoni tar-rata applikabbli mal-bażi tat-taxxa skont it-tabella li ġejja:
Bażi tat-taxxa | Persuna taxxabbli | Rata tat-taxxa | Ammont varjabbli massimu tar-rata |
Minn €0 sa €1 000 000 | Entità ġuridika | 0,50 % | |
Minn €1 000 000 | Entità ġuridika | 0,25 % | €10 000 |
L-ammont taxxabbli huwa l-ammont tal-proċedura ġudizzjarja. Għall-proċedura tal-ordni ta' ħlas Ewropea, l-ammont tal-proċedura ġudizzjarja huwa l-ammont tat-talba prinċipali flimkien mal-imgħax u l-penali kuntrattwali.
Għal proċedura tal-ordni ta' ħlas Ewropea ta' EUR 9 000 li tinvolvi entità ġuridika, it-tariffa tkun EUR 100 + EUR 9 000 x 0,50 % = EUR 145.
Jekk ma tiġix ipprovduta prova tal-ħlas mill-bidu nett, l-avukat tal-ġudikatura (Letrado de la Administración de Justicia) jitlob lill-kontribwent jipprovdi dik il-prova u ma jipproċessax il-formola tat-talba qabel ma jirċeviha. In-nuqqas mill-preżentazzjoni tal-prova tal-ħlas ma jipprevjenix l-applikazzjoni tal-limiti taż-żmien stipulati fil-leġiżlazzjoni proċedurali, jiġifieri jekk il-ħlas jibqa' ma jsirx wara t-talba mill-avukat, l-att proċedurali ma jitħalliex jipproċedi u l-proċedimenti jitkomplew jew jingħalqu, skont kif ikun applikabbli.
Il-ħlas irid isir permezz tal-proċedura ta' awtovalutazzjoni qabel il-preżentata tal-att proċedurali mill-parti rilevanti. Il-ħlas għandu jsir permezz tal-formola uffiċjali 696 għall-awtovalutazzjoni tat-tariffa għall-eżerċizzju tas-setgħa ġudizzjarja, li trid timtela kif ġej (agħfas hawn), jew permezz ta' applikazzjoni li tiġi ġġenerata ladarba tiddaħħal id-dejta (agħfas hawn). Il-ħlas jista' jsir personalment f'kull waħda mill-aġenziji għall-ħlas. Il-formola hija bl-Ispanjol jew bl-Ingliż.
Għalissa, il-ħlas onlajn jista' jsir biss minn impriżi kbar, permezz ta' trasferiment bankarju, karta ta’ kreditu, ħlas mill-kont bankarju, eċċ., peress li l-leġiżlazzjoni dwar it-tariffi ġiet emendata reċentement u għad ma hemmx soluzzjoni teknika fis-seħħ.
It-tariffi tal-qorti huma inklużi fl-għajnuna legali, li hija rregolata fil-Liġi 1/1996 tal-10 ta' Jannar 1996 dwar l-għajnuna legali (Ley 1/1996, de 10 de enero, de asistencia jurídica gratuita), partikolarment fl-Artikoli 1-8 u 46-51.
L-informazzjoni rilevanti tinstab fis-sit https://www.abogacia.es/servicios/ciudadanos/servicios-de-orientacion-juridica-gratuita, fejn tista' tapplika għall-għajnuna legali. Agħżel il-Kamra tal-Avukati (Colegio de Abogados) li tinsab fil-post fejn hemm il-qorti li tittratta l-kwistjoni.
Il-Formola A trid tkun akkumpanjata bi prova tal-ħlas tat-tariffa skont il-formola uffiċjali (fuq karta jew elettronika), ivvalidata kif suppost.
Għalissa għadu mhux possibbli fi Spanja li tibgħat formoli tal-ordni ta' ħlas Ewropea elettronikament. Prova ta' ħlas (sew jekk fuq karta u sew jekk elettronika) għandha tintbagħat fuq karta flimkien mad-dokumentazzjoni meħtieġa l-oħra.
Ladarba jkun hemm il-possibbiltà ta' preżentata elettronika, ikun hemm tnaqqis ta’ 10 % tat-tariffa meta tintuża din il-possibbiltà. Il-liġi tistipula rimborż ta' 60 % tat-tariffa fil-każ ta' ftehim jew aċċettazzjoni tat-talba li ttemm it-tilwima.
Il-verzjoni bil-lingwa nazzjonali hija ġestita mill-Istat Membru rispettiv. It-traduzzjonijiet saru mis-servizz tal-Kummissjoni Ewropea. Jista' jkun hemm xi tibdil imdaħħal fl-oriġinal mill-awtorità nazzjonali kompetenti li jkun għadu ma jidhirx fit-traduzzjonijiet. Il-Kummissjoni Ewropea ma taċċettax responsabbilta jew kwalunkwe tip ta' tort fir-rigward ta' kull informazzjoni jew dejta li tinsab jew li hemm referenza għaliha f'dan id-dokument. Jekk jogħġbok irreferi għall-avviż legali sabiex tiċċekkja r-regoli dwar id-drittijiet tal-awtur għall-Istati Membri responsabbli minn din il-paġna.
X'jiġri jekk ma nħallasx it-tariffi tal-qorti fil-ħin?
Kif nista' nħallas it-tariffi tal-qorti?
It-tariffi tal-qorti fir-Repubblika tal-Kroazja huma regolati mill-Att dwar it-Tariffi tal-Qorti (Zakon o sudskim pristojbama) (Narodne novine (NN; Gazzetta Uffiċjali tar-Repubblika tal-Kroazja, Nru 118/18)) u mid-Digriet dwar it-Tariffi tal-Qorti stipulati mill-Gvern tar-Repubblika tal-Kroazja.
Skont l-Artikolu 5 tal-Att dwar it-Tariffi tal-Qorti, it-tariffi stipulati għandhom jitħallsu b’pagament mhux fi flus kontanti, bi flus kontanti, b’timbri tal-qligħ maħruġa mir-Repubblika tal-Kroazja jew elettronikament.
Għal petizzjonijiet li jiġu ppreżentati elettronikament, skont regolamenti speċjali bis-sistema ta’ informazzjoni li tintuża għall-iskopijiet tal-qorti, trid titħallas tariffa malli jiġu ppreżentati. L-ammont li jrid jitħallas huwa ugwali għal nofs l-ammont stipulat tat-tariffa stabbilita.
Rigward deċiżjonijiet li jiġu nnotifikati mill-qorti b’mod elettroniku, skont ir-regolamenti speċjali bis-sistema ta’ informazzjoni li tintuża għall-iskopijiet tal-qorti, nofs l-ammont stipulat stabbilit tat-tariffa għandu jitħallas jekk jitħallas fi żmien tliet ijiem mid-data tal-preżentata elettronika.
It-tariffi tal-qorti jitħallsu fil-proċedimenti ċivili u kummerċjali kollha tal-qorti. Skont l-Artikolu 11 tal-Att dwar it-Tariffi tal-Qorti, dawn li ġejjin huma eżenti:
Stat barrani huwa eżenti mill-ħlas tat-tariffi, jekk ikun hemm provvediment f'dan is-sens permezz ta' trattat internazzjonali jew skont ir-reċiproċità.
F'każ ta' dubju dwar il-kundizzjonijiet ta’ reċiproċità, il-qorti titlob għal spjegazzjoni mill-Ministeru għall-Ġustizzja.
L-eżenzjoni mill-punt 10 tapplika għal dawk l-organizzazzjonijiet umanitarji li għalihom il-Ministru għall-affarijiet soċjali joħroġ deċiżjoni xierqa.
L-eżenzjoni mill-ħlas tat-tariffi tal-qorti ma tapplikax għall-korpi tal-muniċipalitajiet u l-ibliet, ħlief fejn skont liġi speċjali l-eżerċizzju tal-awtorità pubblika ġiet trasferita lilhom.
Fil-proċeduri tal-ordni ta' ħlas Ewropea jitħallsu t-tariffi li ġejjin:
jekk il-proċedura tkompli l-qorti
I. Għal talba, kontrotalba, sentenza u oġġezzjoni għal ordni ta’ ħlas, għandha titħallas tariffa tal-qorti xierqa għall-ammont kontestat (ikkalkulata biss għall-ammont tar-rikors prinċipali mingħajr interessi u spejjeż) kif ġej: | ||
aktar minn | sa HRK | HRK |
0.00 | 3,000.00 | 100.00 |
3,001.00 | 6,000.00 | 200.00 |
6,001.00 | 9,000.00 | 300.00 |
9,001.00 | 12,000.00 | 400.00 |
12,001.00 | 15,000.00 | 500.00 |
Hija pagabbli tariffa ta' HRK 500.00 għal ammonti li jaqbżu HRK 15 000.00 flimkien ma 1% fuq id-differenza li taqbeż HRK 15 000.00 iżda mhux aktar minn HRK 5 000.00. |
II. Nofs it-tariffa msemmija taħt il-punt I titħallas għal proposta ta' ordni ta' ħlas Ewropea, għal deċiżjoni ta' ordni ta' ħlas Ewropea u għal risposta għal appell jew ritrattazzjoni.
III. Għall-appell jew ritrattazzjoni ta' sentenza jitħallas id-doppju tat-tariffi tal-qorti msemmija fil-punt I.
IV. Ma titħallasx tariffa tal-qorti fejn jintlaħaq ftehim bil-qorti matul il-proċedimenti quddiemha stess.
Jekk il-parti ma tħallasx it-tariffa fl-iskadenza jew tonqos milli tinforma lill-qorti dwar dan mingħajr dewmien, fi żmien skadenza ulterjuri ta’ 15-il ġurnata, il-qorti tehmeż ċertifikat ta’ eżekuzzjoni mad-deċiżjoni dwar it-tariffa jew id-deċiżjoni ta’ lment u tissottometti kollox lill-Aġenzija Finanzjarja għall-ħlas bilfors mill-fondi tal-parti skont id-dispożizzjonijiet tal-liġi li jirregolaw l-eżekuzzjoni tas-sentenzi dwar assi monetarji.
Skont l-Artikolu 28 tal-Att dwar it-Tariffi tal-Qorti, il-qorti l-ewwel trid twissi lill-parti fil-proċedimenti bl-obbligu li tħallas it-tariffa, u fejn il-parti ma tħallasx immedjatament u ma tagħtix każ it-twissija, il-qorti trid twissiha biex tħallasha fi żmien tliet ijiem. Jekk il-parti ma tagħtix każ it-twissija jew ma tkunx preżenti għall-proċediment fejn hija dovuta t-tariffa, u ma tħallashiex, il-qorti tagħti deċiżjoni fuq it-tariffa li magħha trid titħallas somma addizzjonali ta’ HRK 100.
It-tariffi tal-qorti jitħallsu bi ħlas mhux bi flus kontanti, bi flus kontanti, b’timbri tal-qligħ maħruġa mir-Repubblika tal-Kroazja jew elettronikament.
It-tariffa bi flus kontanti tista’ titħallas ukoll fil-kont tal-qorti, f’liema każ il-qorti għandha l-obbligu tħallas dawk il-flus fid-dħul tal-baġit mit-tariffi tal-qorti fi żmien ħames ijiem mid-data tal-ġbir.
It-tariffi jistgħu jitħallsu b’timbri tal-qligħ jekk it-tariffa tkun inqas minn HRK 100.
L-informazzjoni dwar il-metodu ta’ ħlas tat-tariffa hija disponibbli fuq is-sit elettroniku tal-Bord tal-Bulettin elettroniku, is-sit elettroniku tal-qrati u fir-reġistri tal-qrati.
It-tariffi tal-qrati jistgħu jitħallsu minn kull fergħa tal-bank jew tal-posta fil-Baġit tal-Istat tar-Repubblika tal-Kroazja.
Sabiex it-tariffi tal-qorti jitħallsu minn barra l-Kroazja trid tiġi inkluża l-informazzjoni li ġejja:
SWIFT: NBHRHR2X
IBAN: HR1210010051863000160
Giro account (CC):1001005-1863000160
Model: HR64
Numru ta’ referenza: 5045-20735-PIN (jew numru ta' identifikazzjoni ieħor għal min se jħallas)
Benefiċjarju: Il-Ministeru tal-Finanzi tar-Repubblika tal-Kroazja, f'isem il-Qorti Kummerċjali f'Zagreb
Id-deskrizzjoni tal-ħlas għandha tinkludi t-tariffa għall-każ ________ (numru tal-fajl tal-każ, u deskrizzjoni tal-ħlas, pereżempju t-tariffa tal-qorti għal proposta biex jinħareg ordni ta' ħlas Ewropea )
Kif isir il-ħlas, trid tintbagħat prova ta' dan il-ħlas lill-qorti li tkun qed tisma' l-kawża li għaliha qed titħallas it-tariffa, inkluż referenza għan-numru tal-każ li qed jinstema' (jekk ikun magħruf) jew fejn għadha kif tressqet applikazzjoni għall-ħruġ ta' ordni ta' ħlas Ewropea, il-prova tal-ħlas bil-bank għandha tiġi mehmuża mal-applikazzjoni.
Il-partijiet għandhom jissottomettu d-dokumenti lill-qorti b’mod regolari bil-posta (irreġistrata jew normali) jew b’mod elettroniku, skont ir-regolamenti speċjali permezz tas-sistema ta’ informazzjoni li tintuża għall-iskopijiet tal-qorti.
Il-verzjoni bil-lingwa nazzjonali hija ġestita mill-Istat Membru rispettiv. It-traduzzjonijiet saru mis-servizz tal-Kummissjoni Ewropea. Jista' jkun hemm xi tibdil imdaħħal fl-oriġinal mill-awtorità nazzjonali kompetenti li jkun għadu ma jidhirx fit-traduzzjonijiet. Il-Kummissjoni Ewropea ma taċċettax responsabbilta jew kwalunkwe tip ta' tort fir-rigward ta' kull informazzjoni jew dejta li tinsab jew li hemm referenza għaliha f'dan id-dokument. Jekk jogħġbok irreferi għall-avviż legali sabiex tiċċekkja r-regoli dwar id-drittijiet tal-awtur għall-Istati Membri responsabbli minn din il-paġna.
X’jiġri jekk ma nħallasx l-ispejjeż ġudizzjarji fil-ħin?
Ir-regoli dwar l-ispejjeż proċedurali jinsabu fit-Test Ikkonsolidat tad-dispożizzjoni leġiżlattivi u regolamentari relatati mal-ispejjeż ġudizzjarji (Testo Unico delle disposizioni legislative e regolamentari in materia di spese di giustizia) imsemmija fid-Digriet Presidenzjali (Decreto del Presidente della Repubblica)
tat-30 ta’ Mejju 2002, Nru 115.
Fil-proċedimenti ċivili, kull parti tħallas l-ispejjeż tal-atti li twettaq u l-ispejjeż tal-atti meħtieġa għall-proċess meta l-liġi jew il-maġistrat jikkonferixxu r-responsabbiltà tal-ħlas fuq dik il-parti (l-Artikolu 8 tat-Test Ikkonsolidat dwar l-Ispejjeż Ġudizzjarji, Digriet Presidenzjali Nru 115/2002).
L-ispejjeż tal-proċediment ċivili huma:
L-ammonti li jridu jitħallsu huma stabbiliti fl-Artikolu 13 u fl-Artikolu 30 tad-Digriet Presidenzjali Nru 115/2002 rigward, rispettivament, il-ħlas standard u l-ħlas bil-quddiem għan-notifiki fuq talba tal-qorti.
Id-drittijiet tal-ikkupjar huma rregolati mill-Artikoli 267 et seq tad-Digriet Presidenzjali Nru 115/2002 u jinsabu elenkati fit-Tabelli 6, 7 u 8 annessi mal-istess Digriet Presidenzjali.
Skont l-Artikolu 46 tal-Liġi 374/1991, li tistabbilixxi l-Uffiċċju tal-Kummissarju tal-Ġustizzja, għal atti u deċiżjonijiet sa massimu ta’ 1 033 euro jitħallas biss il-ħlas standard.
Fil-każ ta’ nuqqas ta’ ħlas, il-qorti jew il-kumpanija inkarigata mill-ġbir tal-ħlas (ftehim mal-kumpanija Equitalia Giustizia s.p.a) tinnotifika stedina għall-ħlas li jkun fiha l-indikazzjonijiet meħtieġa għar-regolarizzazzjoni tal-versament tal-ħlas standard (l-Artikolu 248 tad-Digriet Presidenzjali 115/2002).
F’każ li l-versament tad-drittijiet tal-ikkupjar u tal-ammont previst mill-Artikolu 30 tad-Digriet Presidenzjali 115/2002 ma jsirx, il-qorti tista’ tirrifjuta li tirċievi l-atti (l-Artikolu 285 tad-Digriet Presidenzjali 115/2002).
Jekk il-ħlas isir fl-Italja, permezz ta’ kont postali, il-Formola F23 jew bolol mixtrija mingħand ħanut tat-tabakk u ħwienet awtorizzati.
Għall-ħlas minn barra l-pajjiż permezz ta’ trasferiment bankarju fil-kont ta’ hawn taħt;
KODIĊI BIC: BITAITRRENT
IBAN: IT 04 O 01000 03245 350008332100
Wara li jkun sar il-ħlas, l-uffiċċju ġudizzjarju jrid jingħata prova li l-ħlas ikun sar billi tintwera l-irċevuta.
Il-verzjoni bil-lingwa nazzjonali hija ġestita mill-Istat Membru rispettiv. It-traduzzjonijiet saru mis-servizz tal-Kummissjoni Ewropea. Jista' jkun hemm xi tibdil imdaħħal fl-oriġinal mill-awtorità nazzjonali kompetenti li jkun għadu ma jidhirx fit-traduzzjonijiet. Il-Kummissjoni Ewropea ma taċċettax responsabbilta jew kwalunkwe tip ta' tort fir-rigward ta' kull informazzjoni jew dejta li tinsab jew li hemm referenza għaliha f'dan id-dokument. Jekk jogħġbok irreferi għall-avviż legali sabiex tiċċekkja r-regoli dwar id-drittijiet tal-awtur għall-Istati Membri responsabbli minn din il-paġna.
X’jiġri jekk ma nħallasx it-tariffi tal-qorti fil-ħin?
Kif nista’ nħallas it-tariffi tal-qorti?
X’għandi nagħmel wara l-pagament?
Ir-regolament proċedurali li jirregola l-applikazzjoni tal-proċedura ta’ Ordni ta’ Ħlas Ewropea f’Ċipru huwa r-Regolament Proċedurali tal-2008 dwar il-Proċedura tal-Ordni ta’ Ħlas Ewropea (7/2008), li daħal fis-seħħ fit-12 ta’ Ġunju 2008.
L-Artikolu 25 tar-Regolament Proċedurali ta’ hawn fuq jipprovdi li t-tariffi tal-qorti dovuti ma għandhomx jaqbżu t-tariffi tal-qorti mitluba għall-proċedimenti ċivili ordinarji, skont l-iskala rilevanti, kif stabbilit fil-Formola H tal-Anness VIII (ipprovduta hawn taħt).
Ara t-tweġiba għad-domanda 2 aktar ’il fuq.
Ir-rikors tiegħek għal Ordni ta’ Ħlas Ewropea mhux se jinstema’ sakemm it-tariffi tal-qorti ma jkunux tħallsu.
It-tariffi tal-qorti jistgħu jitħallsu permezz tal-Bank Ċentrali ta’ Ċipru.
Ladarba l-Bank Ċentrali jkun ikkonferma lill-Qorti Distrettwali li jkun irċieva t-trasferiment b’nota ta’ kreditu, il-fajl jiġi riferut lill-imħallef kompetenti li, jekk jintlaħqu l-kundizzjonijiet, jordna l-eżekuzzjoni tal-Ordni ta’ Ħlas Ewropea.
TARIFFI TAL-QORTI Formola H | Ir-Regolament 25(2) tar- Regolament Proċedurali tal-2008 dwar il-Proċedura tal-Ordni ta’ Ħlas Ewropea | |
Partita | Taxxa tal-bolla (EUR) | |
(a) Fejn l-ammont mitlub jew il-valur tal-kwistjoni soġġetta għal litigazzjoni jaqbeż EUR 100 iżda mhux EUR 500 | 17.00 | |
(b) Fejn l-ammont mitlub jew il-valur tal-kwistjoni soġġetta għal litigazzjoni jaqbeż EUR 500 iżda mhux EUR 2 000 | 31.00 | |
(c) Fejn l-ammont mitlub jew il-valur tal-kwistjoni soġġetta għal litigazzjoni jaqbeż EUR 2 000 iżda mhux EUR 10 000 | 48.00 | |
(d) Fejn l-ammont mitlub jew il-valur tal-kwistjoni soġġetta għal litigazzjoni jaqbeż EUR 10 000 iżda mhux EUR 50 000 | 94.00 | |
(e) Fejn l-ammont mitlub jew il-valur tal-kwistjoni soġġetta għal litigazzjoni jaqbeż EUR 50 000 iżda mhux EUR 100 000 | 154.00 | |
(f) Fejn l-ammont mitlub jew il-valur tal-kwistjoni soġġetta għal litigazzjoni jaqbeż EUR 100 000 iżda mhux EUR 500 000 | 256.00 | |
(g) Fejn l-ammont mitlub jew il-valur tal-kwistjoni soġġetta għal litigazzjoni jaqbeż EUR 500 000 iżda mhux EUR 2 000 000 | 342.00 | |
(h) Fejn l-ammont mitlub jew il-valur tal-kwistjoni soġġetta għal litigazzjoni jaqbeż EUR 2 000 000 | 427.00 |
Jekk l-ammont mitlub mir-rikorrent jiżdied wara li tkun ġiet ippreżentata l-kawża, għandha titħallas id-differenza fit-tariffi tal-qorti.
Jekk il-valur tal-kwistjoni soġġetta għal litigazzjoni jiżdied minħabba li tiġi ppreżentata kontrotalba, id-differenza fit-tariffi tal-qorti għandha titħallas mill-konvenut.
Il-verzjoni bil-lingwa nazzjonali hija ġestita mill-Istat Membru rispettiv. It-traduzzjonijiet saru mis-servizz tal-Kummissjoni Ewropea. Jista' jkun hemm xi tibdil imdaħħal fl-oriġinal mill-awtorità nazzjonali kompetenti li jkun għadu ma jidhirx fit-traduzzjonijiet. Il-Kummissjoni Ewropea ma taċċettax responsabbilta jew kwalunkwe tip ta' tort fir-rigward ta' kull informazzjoni jew dejta li tinsab jew li hemm referenza għaliha f'dan id-dokument. Jekk jogħġbok irreferi għall-avviż legali sabiex tiċċekkja r-regoli dwar id-drittijiet tal-awtur għall-Istati Membri responsabbli minn din il-paġna.
Skont l-Artikolu 33 tal-Liġi dwar il-Proċedura Ċivili (Civilprocesa likums) l-ispejjeż legali (tiesāšanās izdevumi) jinkludu
(1) it-tariffi tal-qorti;
(2) id-depożiti;
(3) l-ispejjeż relatati mat-trattament tal-proċedimenti.
Trid titħallas tariffa tal-Istat għal rikors għal ordni ta’ ħlas Ewropea skont ir-Regolament (KE) Nru 1896/2006 tal-Parlament Ewropew u tal-Kunsill li joħloq proċedura għal ordni ta’ ħlas Ewropea.
Matul il-proċedimenti, il-parti jista’ jkollha tħallas ukoll spejjeż relatati mal-eżami tal-kawża lit-Teżor tal-Istat (pereżempju l-ispejjeż li jkunu saru għat-tfittxija tal-intimat fuq talba tar-rikorrent, jew spejjeż għall-konsenja, il-ħruġ u t-traduzzjoni taċ-ċitazzjonijiet u ta’ dokumenti tal-qorti oħra).
Skont l-Artikolu 34(1)(9) tal-Liġi tal-Proċedura Ċivili għal rikors għall-ordni ta’ ħlas Ewropea skont ir-Regolament (KE) Nru 1896/2006 tal-Parlament Ewropew u tal-Kunsill tat-12 ta’ Diċembru 2006 li joħloq proċedura Ewropea għal ordni ta’ ħlas, it-tariffa tal-Istat hija 2% tas-somma tad-dejn, iżda ma tistax taqbeż EUR 500.
L-ammont tal-ispejjeż marbuta mal-eżami ta’ kawża jista’ jvarja skont għadd ta’ fatturi (eż. il-mod tal-kunsinna tad-dokumenti, bil-posta jew bil-posta elettronika).
Jekk rikors ma jkunx akkumpanjat mid-dokumenti li jikkonfermaw il-ħlas tat-tariffi tal-Istat u spejjeż tal-qorti oħra skont il-proċedura u skont l-ammont previst mil-liġi, il-qorti, skont l-Artikolu 133 tal-Liġi dwar il-Proċedura Ċivili, ma tkomplix tikkunsidra r-rikors, u tiffissa terminu għar-rikorrent biex jelimina n-nuqqasijiet.
Jekk ir-rikorrent jelimina n-nuqqasijiet fit-terminu stabbilit, ir-rikors jitqies li ġie ppreżentat fil-jum li fih ġie ppreżentat l-ewwel darba lill-qorti.
Jekk ir-rikorrent ma jeliminax in-nuqqasijiet fit-terminu stabbilit, ir-rikors jitqies li ma ġiex ippreżentat u jintbagħat lura lir-rikorrent.
Jekk rikors jintbagħat lura lir-rikorrent, dan ma jfissirx li r-rikorrent ma jistax jerġa’ jippreżentah lill-qorti, skont il-proċeduri ordinarji stabbiliti fil-Liġi.
Jekk iridu jitħallsu l-ispejjeż tal-qorti għan-notifika tad-dokumenti, il-qorti ma tinnotifikax id-dokumenti qabel ma titħallas it-tariffa rilevanti. Madankollu, jekk l-ispejjeż għall-eżami ta’ kawża ma jitħallsux b’mod volontarju lit-Teżor tal-Istat qabel l-eżami tal-kawża, dawn jiġu rkuprati f'konformità mar-regoli ġenerali tal-eżekuzzjoni tas-sentenzi.
Tariffi tal-Istat u kontijiet tal-qorti (Valsts nodevas un tiesu konti).
It-tariffa tal-Istat tista’ titħallas fil-kont tat-Teżor tal-Istat (Valsts kase). It-tariffa tal-Istat (l-Artikolu 34 tal-Liġi dwar il-Proċedura Ċivili, ħlief is-sitt Paragrafu) għandha titħallas kif ġej:
Benefiċjarju: Teżor tal-Istat
Numru tar-reġistrazzjoni: 90000050138
IBAN: LV55TREL1060190911200
Bank tal-benefiċjarju: Teżor tal-Istat
Kodiċi BIC: TRELLV22
Għan tal-ħlas: Indika d-data li tidentifika l-persuna jew il-kawża: in-numru tal-kawża (jekk ikun magħruf); għall-persuni fiżiċi, l-isem, il-kunjom, u n-numru tal-karta tal-identità personali; għall-persuni ġuridiċi, l-isem u n-numru tar-reġistrazzjoni. Jekk il-ħlas ta’ tariffa tal-Istat isir f’isem persuna oħra, trid tingħata informazzjoni li tidentifika lil dik il-persuna: in-numru tal-kawża (jekk ikun magħruf); għall-persuni fiżiċi, l-isem, il-kunjom, u n-numru tal-karta tal-identità personali; għall-persuni ġuridiċi, l-isem u n-numru tar-reġistrazzjoni.
It-tariffa tal-Istat għas-sottomissjoni għall-eżekuzzjoni ta’ mandat ta’ eżekuzzjoni jew dokument ieħor ta’ eżekuzzjoni tista’ titħallas lill-kont tat-Teżor tal-Istat. It-tariffa tal-Istat għas-sottomissjoni għall-eżekuzzjoni ta’ mandat ta’ eżekuzzjoni jew ta’ dokument ieħor ta’ eżekuzzjoni (l-Artikolu 34 tal-Liġi dwar il-Proċedura Ċivili, is-sitt Paragrafu) għandha titħallas kif ġej:
Benefiċjarju: Teżor tal-Istat
Numru tar-reġistrazzjoni: 90000050138
IBAN: LV71TREL1060190911300
Bank tal-benefiċjarju: Teżor tal-Istat
Kodiċi BIC: TRELLV22
Għan tal-ħlas: Indika d-data li tidentifika l-persuna jew il-kawża: in-numru tal-kawża (jekk ikun magħruf); għall-persuni fiżiċi, l-isem, il-kunjom, u n-numru tal-karta tal-identità personali; għall-persuni ġuridiċi, l-isem u n-numru tar-reġistrazzjoni. Jekk il-ħlas ta’ tariffa tal-Istat isir f’isem persuna oħra, trid tingħata informazzjoni li tidentifika lil dik il-persuna: in-numru tal-kawża (jekk ikun magħruf); għall-persuni fiżiċi, l-isem, il-kunjom, u n-numru tal-karta tal-identità personali; għall-persuni ġuridiċi, l-isem u n-numru tar-reġistrazzjoni.
L-ispejjeż relatati mal-eżami ta’ kawża u l-ispejjeż marbuta mal-eżekuzzjoni ta’ obbligi wara n-notifika jistgħu jitħallsu fil-kont tal-Amministrazzjoni tal-Qrati (Tiesu administrācija). Spejjeż relatati mal-eżami ta’ kawża (l-Artikolu 39 tal-Liġi tal-Proċedura Ċivili) u spejjeż relatati mal-eżekuzzjoni tal-obbligi wara notifika (l-Artikolu 406.3 tal-Liġi dwar il-Proċedura Ċivili):
Il-qrati tad-distrett (tal-belt) u l-qrati reġjonali:
Benefiċjarju: Amministrazzjoni tal-Qrati
Numru tar-reġistrazzjoni: 90001672316
IBAN: LV51TREL2190458019000
Bank tal-benefiċjarju: Teżor tal-Istat
Kodiċi BIC: TRELLV22
Għan tal-ħlas: “21499”, u agħti d-dettalji li jidentifikaw il-persuna jew il-kawża: in-numru tal-kawża (jekk ikun magħruf); għall-persuni fiżiċi, l-isem, il-kunjom, u n-numru tal-karta tal-identità personali; għall-persuni ġuridiċi, l-isem u n-numru tar-reġistrazzjoni. Jekk il-ħlas tal-ispejjeż relatati mal-eżami ta’ kawża jsir f’isem persuna oħra, trid tingħata informazzjoni li tidentifika lil dik il-persuna: in-numru tal-kawża (jekk ikun magħruf); għall-persuni fiżiċi, l-isem, il-kunjom, u n-numru tal-karta tal-identità personali; għall-persuni ġuridiċi, l-isem u n-numru tar-reġistrazzjoni.
Meta tippreżenta rikors lill-qorti, inti trid tehmeż id-dokumenti li jikkonfermaw il-ħlas tat-tariffi tal-Istat u ta’ spejjeż oħra tal-qorti skont il-proċedura u fl-ammont preskritt mil-liġi. Trid tħallas kwalunkwe spiża relatata mal-eżami tal-kawża qabel l-eżami tal-kawża.
Il-verzjoni bil-lingwa nazzjonali hija ġestita mill-Istat Membru rispettiv. It-traduzzjonijiet saru mis-servizz tal-Kummissjoni Ewropea. Jista' jkun hemm xi tibdil imdaħħal fl-oriġinal mill-awtorità nazzjonali kompetenti li jkun għadu ma jidhirx fit-traduzzjonijiet. Il-Kummissjoni Ewropea ma taċċettax responsabbilta jew kwalunkwe tip ta' tort fir-rigward ta' kull informazzjoni jew dejta li tinsab jew li hemm referenza għaliha f'dan id-dokument. Jekk jogħġbok irreferi għall-avviż legali sabiex tiċċekkja r-regoli dwar id-drittijiet tal-awtur għall-Istati Membri responsabbli minn din il-paġna.
F’każijiet li jirrigwardaw l-Ordni ta’ Ħlas Ewropea huma applikabbli r-regoli dwar il-kalkolu u l-ħlas tat-taxxa tal-boll stipulati fil-paragrafi 1-3 tal-Artikolu ... tal-Kodiċi tal-Proċedura Ċivili tar-Repubblika tal-Litwanja.
Skont ir-Riżoluzzjoni Nru 1240 tal-Gvern tar-Repubblika tal-Litwanja tas-27 ta’ Ottubru 2011 li tapprova r-Regoli tal-kalkolu, il-ħlas, it-tpaċija u l-ħlas lura tad-dazju, dan id-dazju jista’ jitħallas b’mezzi elettroniċi wkoll.
L-ammont tat-taxxa tal-boll li jrid jitħallas huwa speċifikat fil-paragrafu li jmiss.
F’każ ta’ rikors għal ordni tal-qorti, it-taxxa tal-boll tkun daqs kwart tal-ammont pagabbli għall-proċedimenti ta’ litigazzjoni fil-qorti, iżda ma tistax tkun inqas minn għaxar ewro, ħlief meta persuna tkun eżentata mit-taxxa tal-boll għalkollox jew parzjalment bil-liġi jew permezz ta’ deċiżjoni tal-qorti jew meta l-ħlas tat-taxxa tal-boll ikun ġie differit.
Jekk, wara li l-qorti tkun ħarġet l-ordni, id-debitur joġġezzjona u l-kreditur iressaq rikors skont il-proċedura ġenerali, issir tpaċija tat-taxxa tal-boll imsemmija aktar ’il fuq mal-ammont tat-taxxa tal-boll li għandu jitħallas għar-rikors.
Jekk ir-rikors tal-kreditur jitqies li ma tressaqx fil-każ imsemmi fl-Artikolu 439(6) tal-Kodiċi tal-Proċedura Ċivili, it-taxxa tal-boll imħallsa ma terġax titħallas lir-rikorrent.
Flimkien mar-rikors irid ikun hemm id-dokumenti u evidenza oħra li sservi ta’ bażi għat-talbiet tar-rikorrent, kif ukoll ta’ evidenza li t-taxxa tal-boll tħallset.
Meta t-taxxa tal-boll ma tkunx tħallset, il-qorti toħroġ ordni li tistabbilixxi terminu adegwat għall-konformità, li ma jistax ikun iqsar minn sebat ijiem. L-ordni tintbagħat mhux aktar tard mill-jum tax-xogħol li jkun imiss wara li tinħareġ.
Jekk il-parti fil-proċedimenti li tissottometti l-att proċedurali tkun ikkonformat mal-istruzzjonijiet tal-qorti u żammet mat-terminu speċifikat, l-att proċedurali jitqies li ġie sottomess dakinhar li tressaq quddiem il-qorti. Inkella, l-att proċedurali jitqies li ma ġiex sottomess u, fi żmien mhux aktar tard minn ħamest ijiem tax-xogħol minn tmiem it-terminu għall-konformità, l-imħallef joħroġ ordni biex l-att proċedurali, flimkien ma’ kwalunkwe dokument ta' akkumpanjament, jiġu rritornati lill-persuna li tkun ressqithom.
It-taxxa tal-boll titħallas lill-kont tad-dħul baġitarju tal-Ispettorat tat-Taxxa tal-Istat taħt il-Ministeru tal-Finanzi bil-mod magħżul mill-persuna inkwistjoni (e-banking, ħlas bi flus, trasferiment bankarju, eċċ.).
L-evidenza tal-ħlas tal-pagament tat-taxxa tal-boll tingħata permezz tal-ordni ta’ ħlas jew dokument ieħor li jikkonferma l-ħlas, li jrid ikun fih dawn id-dettalji li ġejjin:
Meta taxxa tal-boll titħallas minn rappreżentant tal-partit fil-proċedimenti (avukat, assistent legali jew persuna oħra li tirrappreżenta l-interessi tal-parti), l-ordni ta’ ħlas jew xi dokument ieħor li jikkonferma l-ħlas, għandhom, apparti d-data msemmija hawn fuq, jinkludu l-isem, il-kunjom u n-numru tal-ID personali (għall-persuni ġuridiċi: l-isem u n-numru tal-ID korporattiv) tal-parti rappreżentata.
Jekk it-taxxa tal-boll titħallas permezz ta’ mezzi elettroniċi, mhu meħtieġ l-ebda dokument biex jikkonferma l-ħlas tat-taxxa tal-boll.
Il-verzjoni bil-lingwa nazzjonali hija ġestita mill-Istat Membru rispettiv. It-traduzzjonijiet saru mis-servizz tal-Kummissjoni Ewropea. Jista' jkun hemm xi tibdil imdaħħal fl-oriġinal mill-awtorità nazzjonali kompetenti li jkun għadu ma jidhirx fit-traduzzjonijiet. Il-Kummissjoni Ewropea ma taċċettax responsabbilta jew kwalunkwe tip ta' tort fir-rigward ta' kull informazzjoni jew dejta li tinsab jew li hemm referenza għaliha f'dan id-dokument. Jekk jogħġbok irreferi għall-avviż legali sabiex tiċċekkja r-regoli dwar id-drittijiet tal-awtur għall-Istati Membri responsabbli minn din il-paġna.
Il-verzjoni bil-lingwa nazzjonali hija ġestita mill-Istat Membru rispettiv. It-traduzzjonijiet saru mis-servizz tal-Kummissjoni Ewropea. Jista' jkun hemm xi tibdil imdaħħal fl-oriġinal mill-awtorità nazzjonali kompetenti li jkun għadu ma jidhirx fit-traduzzjonijiet. Il-Kummissjoni Ewropea ma taċċettax responsabbilta jew kwalunkwe tip ta' tort fir-rigward ta' kull informazzjoni jew dejta li tinsab jew li hemm referenza għaliha f'dan id-dokument. Jekk jogħġbok irreferi għall-avviż legali sabiex tiċċekkja r-regoli dwar id-drittijiet tal-awtur għall-Istati Membri responsabbli minn din il-paġna.
Liema tariffi huma applikabbli?
X’jiġri jekk ma nħallasx it-tariffi tal-qorti fil-ħin?
Kif nista’ nħallas it-tariffi tal-qorti?
Fil-proċeduri għal Ordni ta’ Ħlas Ewropea li jinbdew fl-Ungerija, trid titħallas tariffa għall-proċedura notarili sabiex pretensjoni finanzjarja mhux kontestata tiġi eżegwita skont ir-Regolament (KE) 1896/2006 tal-Parlament Ewropew u tal-Kunsill tat-12 ta’ Diċembru 2006 li joħloq proċedura għal ordni ta' ħlas Ewropea, li l-ammont tagħha huwa stabbilit bl-Att L tal-2009 dwar il-proċeduri tal-ordni ta’ ħlas u d-Digriet Nru 14/1991 tas-26 ta’ Novembru 1991 tal-Ministru għall-Ġustizzja dwar it-tariffi notarili. Skont dawn ir-regoli, trid titħallas tariffa notarili ta’ 3% tal-valur tal-pretensjoni meta tinbeda l-proċedura. Ir-rikorrent jista’ jagħżel li jħallas b’kontanti jew permezz tal-karta tal-kreditu/tad-debitu fl-uffiċċju tan-nutar, jew permezz ta’ trasferiment fil-kont bankarju tan-nutar, jew permezz ta’ ordni postali.
Meta tinbeda l-proċedura trid titħallas tariffa notarili.
L-ammont tat-tariffa notarili huwa 3% tal-ammont tal-pretensjoni finanzjarja bl-esklużjoni tal-imposti (imgħax, spejjeż); għal diversi pretensjonijiet, it-tariffa notarili hija 3% tas-somma tal-ammonti, iżda minn tal-anqas HUF 5 000 u mhux aktar minn HUF 300 000. Jekk ikunu involuti aktar minn ħames persuni fil-proċedura, it-tariffa minima hija HUF 1000 immultiplikata bl-għadd tal-partijiet. Jekk il-pretensjoni finanzjarja tkun f’denominazzjoni li mhijiex HUF, it-tariffa trid titħallas għall-ekwivalenti f’HUF tal-pretensjoni – kkalkulata abbażi tar-rata tal-kambju uffiċjali tal-bank ċentrali ta’ dakinhar li ssir it-talba.
Jekk ir-rikorrent ma jħallasx it-tariffa notarili meta tinbeda l-proċedura, in-nutar li jipproċedi jitlob lir-rikorrent iħallas it-tariffa notarili. Jekk ir-rikorrent jonqos milli jikkonforma mat-talba sal-iskadenza mogħtija, in-nutar jiċħad it-talba.
Ir-rikorrent jista’ jagħżel kwalunkwe wieħed mill-modi elenkati hawn taħt biex iħallas it-tariffi notarili:
Jekk it-tariffa tan-nutar titħallas f’kontanti jew permezz tal-karta tal-kreditu/tad-debitu fl-uffiċċju tan-nutar, ir-rikorrent mhuwiex obbligat li jipprovdi prova ta’ ħlas.
Jekk ir-rikorrent iħallas it-tariffa tan-nutar permezz ta’ ordni postali, ir-riċevuta li sservi ta’ prova tal-ħlas trid tinhemeż mat-talba għal Ordni ta' Ħlas Ewropea.
Jekk it-tariffa tan-nutar titħallas permezz ta’ trasferiment fil-kont tal-bank tan-nutar, jeħtieġ li mat-talba għal Ordni ta' Ħlas Ewropea jinhemeż rendikont tal-bank tal-ġurnata jew kopja tiegħu, li jipprova li l-ammont ikun ġie ddebitat.
Il-verzjoni bil-lingwa nazzjonali hija ġestita mill-Istat Membru rispettiv. It-traduzzjonijiet saru mis-servizz tal-Kummissjoni Ewropea. Jista' jkun hemm xi tibdil imdaħħal fl-oriġinal mill-awtorità nazzjonali kompetenti li jkun għadu ma jidhirx fit-traduzzjonijiet. Il-Kummissjoni Ewropea ma taċċettax responsabbilta jew kwalunkwe tip ta' tort fir-rigward ta' kull informazzjoni jew dejta li tinsab jew li hemm referenza għaliha f'dan id-dokument. Jekk jogħġbok irreferi għall-avviż legali sabiex tiċċekkja r-regoli dwar id-drittijiet tal-awtur għall-Istati Membri responsabbli minn din il-paġna.
It-tariffi applikabbli għal din il-proċedura huma L-Art. 1 par. 2, l-Art. 2 u l-Art. 13(1) tat-Tariffa B tal-Kap 12 tal-Liġijiet ta’ Malta, il-Kodiċi ta’ Organizzazzjoni u Proċedura Ċivili.
Il-pagament tad-dritt tar-Reġistru ma jistax isir b’mod elettroniku.
Il-pagament huwa meħtieġ in konnessjoni mas-segwenti formoli:
Formola A – Applikazzjoni għal Ordni ta’ Ħlas Ewropea
Formola D – Deċizjoni biex tiġi miċħuda applikazzjoni għal Ordni ta’ Ħlas Ewropea
Formola E – Ordni ta’ Ħlas Ewropea
Formola F – Oppozizzjoni għal Ordni ta’ Ħlas Ewropea
Formola Ġ – Dikjarazzjoni ta’ Infurzar
Formola A – Rikors għal Ordni ta’ Ħlas Ewropea: EUR 30,00 dritt tar-Reġistru u Eur 7,20 għal kull notifika lill-konvenut/i u lill-pretendent tal-Formola D jew E
Formola F – Oppozizzjoni għal Ordni ta’ Ħlas Ewropea: EUR 30,00 miżata tar-reġistru u EUR 7,20 għal kull notifika lill-pretendent
Formola Ġ – Dikjarazzjoni ta’ Infurzar: EUR 20,00 miżata tar-reġistru
Il-Formola ma tiġix ipproċessata sakemm isir il-pagament
Wieħed jista’ jħallas it-tariffi tal-Qorti fis-segwenti kont bankarju:
Isem id-Detentur tal-Kont | L-AĠENZIJA DWAR IS-SERVIZZI TAL-QRATI |
IBAN (Kont tal-Bank Internazzjonali) | MT94VALL22013000000050011428265 |
Ċavetta tal-Bank Nazzjonali | KODIĊI SORT 22013 |
Numru tal-Kont | 50011428265 |
Kodiċi BIC/SWIFT | VALLMTMT |
Isem tal-bank | BANK OF VALLETTA |
L-indirizz tal-bank | IL-FERGĦA TAL-BELT VALLETTA |
Munita tal-kont | EURO |
Għandek tipproduċi riċevuta mogħtija mill-Bank li permezz tiegħu tkun saret it-tranżazzjoni.
Il-verzjoni bil-lingwa nazzjonali hija ġestita mill-Istat Membru rispettiv. It-traduzzjonijiet saru mis-servizz tal-Kummissjoni Ewropea. Jista' jkun hemm xi tibdil imdaħħal fl-oriġinal mill-awtorità nazzjonali kompetenti li jkun għadu ma jidhirx fit-traduzzjonijiet. Il-Kummissjoni Ewropea ma taċċettax responsabbilta jew kwalunkwe tip ta' tort fir-rigward ta' kull informazzjoni jew dejta li tinsab jew li hemm referenza għaliha f'dan id-dokument. Jekk jogħġbok irreferi għall-avviż legali sabiex tiċċekkja r-regoli dwar id-drittijiet tal-awtur għall-Istati Membri responsabbli minn din il-paġna.
Liema tariffi huma applikabbli?
X’jiġri jekk ma nħallasx it-tariffi tal-qorti fil-ħin?
Kif nista’ nħallas it-tariffi tal-qorti?
Il-Proċedura tal-ordni ta’ ħlas Ewropea (ir-Regolament (KE) Nru 1896/2006, li daħal fis-seħħ fit-12 ta’ Diċembru 2008) tippermetti lill-kredituri li jirkupraw it-talbiet ċivili u kummerċjali transfruntiera mhux kontestati tagħhom skont proċedura uniformi li topera abbażi ta’ formoli standard. Il-proċedura ma tesiġix il-preżenza l-qorti tal-partijiet. Ir-Regolament japplika bejn l-Istati Membri tal-UE kollha, bl-eċċezzjoni tad-Danimarka.
Il-Kunsill għall-Ġudikatura (Raad voor de rechtspraak) innomina lill-Qorti Distrettwali ta’ The Hague (Rechtbank Den Haag) bħala l-unika qorti distrettwali kompetenti biex tittratta kawżi relatati mal-Ordni ta’ Ħlas Ewropea. Jekk titressaq dikjarazzjoni ta' oppożizzjoni, il-proċedimenti jistgħu jitkomplew skont ir-regoli ordinarji tal-ġurisdizzjoni territorjali.
Sabiex jitressaq rikors taħt il-proċedura tal-Ordni ta' Ħlas Ewropea, trid tintuża l-formola A. Din il-formola hija disponibbli bil-lingwi kollha tal-Unjoni Ewropea fuq is-sit web tal-Kummissjoni Ewropea.
Ir-rikorsi jistgħu jitressqu quddiem il-Qorti Distrettwali ta’ The Hague bl-Olandiż biss.
Ir-rikorsi taħt il-proċedura tal-Ordni ta' Ħlas Ewropea jistgħu jintbagħtu lil:
Rechtbank Den Haag
Sector civiel recht
Algemene Zaken
Postbus 20302
2500 EH Den Haag
Għal aktar informazzjoni, jekk jogħġbok ċempel lir-reġistru tal-Affarijiet Ġenerali tal-qorti (griffie Algemene Zaken). In-numru tat-telefown tar-reġistru tal-Affarijiet Ġenerali tal-qorti huwa: +31 (0)70-381 22 64.
It-tariffi jvarjaw skont l-ammont tat-talba prinċipali. Ara wkoll: Kemm se nħallas?
Ħarsa ġenerali lejn it-tariffi applikabbli għall-2019 tinsab hawn taħt.
In-natura/L-ammont tat-talba jew rikors | Tariffa tal-qorti għall-persuni mhux fiżiċi | Tariffa tal-qorti għall-persuni fiżiċi | Tariffa tal-qorti għall-persuni b’mezzi limitati |
Tariffa tal-qorti tat-tribunal li jittratta kawżi subdistrettwali | |||
Kawżi relatati ma’ talba jew rikors: Ta’ ammont indeterminat jew ammont li ma jaqbiżx EUR 500 | EUR 121 | EUR 81 | EUR 81 |
Kawżi relatati ma’ talba jew rikors ta’ ammont li jaqbeż EUR 500 iżda li ma jaqbiżx EUR 12 500 | EUR 486 | EUR 231 | EUR 81 |
Kawżi relatati ma’ talba jew rikors ta’ ammont li jaqbeż EUR 12 500 | EUR 972 | EUR 486 | EUR 81 |
Tariffa tal-qorti tat-tribunal li jittratta kawżi oħra, li mhumiex subdistrettwali | |||
Kawżi relatati ma’ talba jew rikors: - Ta’ ammont indeterminat jew | EUR 639 | EUR 297 | EUR 81 |
Kawżi relatati ma’ talba jew rikors ta’ ammont li ma jaqbiżx EUR 100 000 | EUR 1 992 | EUR 914 | EUR 81 |
Kawżi relatati ma’ talba jew rikors ta’ ammont li jaqbeż EUR 100 000 | EUR 4 030 | EUR 1 599 | EUR 81 |
Għal aktar informazzjoni, jekk jogħġbok żur is-siti web li ġejjin: Rechtspraak.nl u Raad voor Rechtsbijstand.
Jekk it-tariffi tal-qorti ma jitħallsux fil-ħin, ir-rikors ma jkunx jista’ javvanza u l-qorti tiċħad ir-rikors.
Ir-rikorrent jirċievi fattura tal-ħlas tat-tariffi tal-qorti. Il-ħlas jista’ jsir permezz ta’ trasferiment bankarju.
Wara li tħallas it-tariffi tal-qorti għandek tistenna li tasallek aktar informazzjoni mill-Qorti Distrettwali ta’ The Hague.
Ir-Regolament li joħloq proċedura tal-ordni ta' ħlas Ewropea jistipula li l-qorti toħroġ ordni ta' ħlas Ewropea mill-aktar fis u normalment fi żmien 30 jum minn meta jitressaq ir-rikors.
Il-verzjoni bil-lingwa nazzjonali hija ġestita mill-Istat Membru rispettiv. It-traduzzjonijiet saru mis-servizz tal-Kummissjoni Ewropea. Jista' jkun hemm xi tibdil imdaħħal fl-oriġinal mill-awtorità nazzjonali kompetenti li jkun għadu ma jidhirx fit-traduzzjonijiet. Il-Kummissjoni Ewropea ma taċċettax responsabbilta jew kwalunkwe tip ta' tort fir-rigward ta' kull informazzjoni jew dejta li tinsab jew li hemm referenza għaliha f'dan id-dokument. Jekk jogħġbok irreferi għall-avviż legali sabiex tiċċekkja r-regoli dwar id-drittijiet tal-awtur għall-Istati Membri responsabbli minn din il-paġna.
Din il-paġna tipprovdi informazzjoni dwar it-tariffi tal-qorti Awstrijaka.
L-Artikolu 25 tar-Regolament (KE) Nru 1896/2006 li joħloq proċedura għal ordni ta’ ħlas Ewropea jistipula li t-tariffi tal-qorti kkombinati ta’ proċedura ta’ ordni ta’ ħlas Ewropea u tal-proċedimenti ċivili ordinarji li jirriżultaw f’każ ta’ dikjarazzjoni ta’ oppożizzjoni għal ordni ta’ ħlas Ewropea fi Stat Membru m’għandhomx jaqbżu t-tariffi tal-qorti ta’ proċedimenti ċivili ordinarji mingħajr proċedura preċedenti għal ordni ta’ ħlas Ewropea f’dak l-Istat Membru. Il-proċedimenti li jirrigwarda rikorsi għal ordni ta’ ħlas Ewropea huma għalhekk suġġetti għat-tariffa fissa skont il-Punt ta’ Tariffa 1 (Tarifpost 1) tal-Att dwar it-Tariffi tal-Qorti (Gerichtsgebührengesetz (GGG)), li titħallas fil-proċeduri nazzjonali kollha għal ordni ta’ ħlas u fil-proċedimenti ċivili.
Fi proċedimenti relatati ma’ rikorsi għal ordni ta’ ħlas Ewropea fl-ewwel istanza, japplika l-Punt ta’ Tariffa 1 tal-Att dwar it-Tariffi tal-Qorti, f’konformità man-Nota 1 tal-Punt ta’ Tariffa 1 tal-Att dwar it-Tariffi tal-Qorti. Din it-tariffa fissa titħallas irrispettivament minn jekk ikunux intemmu l-proċedimenti. It-tnaqqis huwa disponibbli biss:
Skont is-sistema tat-tariffi tal-qorti Awstrijaka, huwa biss ir-rikors promotur (f’dan il-każ, ir-rikors għal ordni ta’ ħlas Ewropea) li jkun suġġett għal tariffa fi proċedimenti ċivili fl-ewwel istanza. Ma hemm l-ebda tariffa addizzjonali tal-qorti għal proċedimenti ulterjuri fl-ewwel istanza.
Skont l-Artikolu 2(1)(a) tal-Att dwar it-Tariffi tal-Qorti, l-obbligu li jitħallsu t-tariffi jirriżulta meta r-rikors għal ordni ta’ ħlas Ewropea tiġi ppreżentata lill-qorti. It-tariffa trid titħallas f’dan iż-żmien. L-applikazzjonijiet għall-eżenzjoni mill-ħlas tat-tariffi tal-qorti jridu jitressqu permezz tal-għajnuna legali (fl-Awstrija: Verfahrenshilfe) sa mhux aktar tard minn dan iż-żmien, dment li jkunu ssodisfati l-kundizzjonijiet.
Ir-rikors għal rieżami skont l-Artikolu 20 tar-Regolament hija mingħajr ħlas (irrispettivament minn jekk għandhiex l-għan li tikseb rimedju legali simili għal restitutio in integrum (il-paragrafu 1) jew eżami tas-sustanza (il-paragrafu 2)).
Il-kalkolu tat-tariffi tal-qorti għall-proċedimenti fl-ewwel istanza jiddependi fuq il-valur tas-suġġett tat-talba (l-ammont fit-tilwima = il-livell tat-talba asserita) u l-għadd ta’ partijiet. Bħala eżempju, ara hawn taħt it-tabella sħiħa tar-rati taħt il-Punt ta’ Tariffa 1 tal-Att dwar it-Tariffi tal-Qorti (kif kienu fl-1 ta’ Mejju 2021; ikklikkja hawnhekk għall-kliem attwali tal-Att dwar it-Tariffi tal-Qorti):
Il-Punt ta’ Tariffa 1 | Il-valur tas-suġġett tat-talba | Tariffa pagabbli | |||
ma huwiex iktar minn | EUR 150 | EUR 25 | |||
huwa iktar minn | EUR 150 iżda mhuwiex iktar minn | EUR 300 | EUR 48 | ||
huwa iktar minn | EUR 300 iżda mhuwiex iktar minn | EUR 700 | EUR 68 | ||
huwa iktar minn | EUR 700 iżda mhuwiex iktar minn | EUR 2 000 | EUR 114 | ||
huwa iktar minn | EUR 2 000 iżda mhuwiex iktar minn | EUR 3 500 | EUR 182 | ||
huwa iktar minn | EUR 3 500 iżda mhuwiex iktar minn | EUR 7 000 | EUR 335 | ||
huwa iktar minn | EUR 7 000 iżda mhuwiex iktar minn | EUR 35 000 | EUR 792 | ||
huwa iktar minn | EUR 35 000 iżda mhuwiex iktar minn | EUR 70 000 | EUR 1 556 | ||
huwa iktar minn | EUR 70 000 iżda mhuwiex iktar minn | EUR 140 000 | EUR 3 112 | ||
huwa iktar minn | EUR 140 000 iżda mhuwiex iktar minn | EUR 210 000 | EUR 4 670 | ||
huwa iktar minn | EUR 210 000 iżda mhuwiex iktar minn | EUR 280 000 | EUR 6 227 | ||
huwa iktar minn | EUR 280 000 iżda mhuwiex iktar minn | EUR 350 000 | EUR 7 783 | ||
huwa iktar minn | EUR 350 000 | 1,2 % tal-ammont tat-tilwima flimkien ma’ EUR 4 203 |
Jekk ikun hemm aktar minn żewġ partijiet, jista’ jiżdied ħlas addizzjonali għal ħafna partijiet ta’ bejn 10 % u 50 % skont l-Artikolu 19a tal-Att dwar it-Tariffi tal-Qorti.
Fil-każ ta’ dewmien fil-ħlas, ikollha titħallas penali fissa ta’ EUR 23 (mill-1 ta’ Mejju 2021) skont l-Artikolu 31 tal-Att dwar it-Tariffi tal-Qorti. Madankollu, il-ħlas tardiv tat-tariffa tal-qorti ma għandu l-ebda influwenza fuq l-eżekuzzjoni tal-proċedimenti ċivili nfushom. Il-proċedimenti tal-qorti ma jiddependux mill-ħlas tat-tariffi tal-qorti – dawn isiru b’mod kompletament indipendenti.
L-irkupru tat-tariffi tal-qorti mill-awtorità ġudizzjarja huwa rregolat mill-Att dwar l-Irkupru tal-Ħlasijiet tal-Qorti (Gerichtliches Einbringungsgesetz (GEG)). Jekk, bħala riżultat ta’ nuqqas ta’ ħlas, ikollha tinħareġ ordni ta’ ħlas (titolu eżekuttiv għall-irkupru tat-tariffi tal-qorti) mill-awtorità ġudizzjarja taħt l-Artikolu 6a tal-Att dwar l-Irkupru tal-Ħlasijiet tal-Qorti, tapplika tariffa addizzjonali ta’ EUR 8 (mill-1 ta’ Jannar 2014).
Il-metodu ta’ ħlas huwa stabbilit fl-Artikolu 4 tal-Att dwar it-Tariffi tal-Qorti. Dan jipprevedi li t-tariffi jistgħu jitħallsu b’kard tal-bank li tista’ tintuża f’ATM jew b’kard ta’ kreditu, billi l-ammont jitħallas jew jiġi ttrasferit fil-kont tal-qorti kompetenti, jew fi flus kontanti lill-qorti kompetenti. Id-dettalji tal-bank tal-qorti huma disponibbli fuq is-sit web tal-Ministeru Federali tal-Ġustizzja (http://www.justiz.gv.at/, fit-tab “Qrati” (Gerichte)).
Barra minn hekk, it-tariffi kollha jistgħu wkoll jitħallsu permezz ta’ debitu dirett jekk il-qorti (jew, b’mod ġenerali, is-sistema ġudizzjarja Awstrijaka) tkun ġiet awtorizzata tiġbor it-tariffi tal-qorti minn kont innotifikat mill-parti li għandha tħallas it-tariffi, u tiddepożitahom f’kont tal-qorti. F’dan il-każ ir-rikors (rikors għal ordni ta’ ħlas Ewropea) irid jindika l-kont minn fejn għandhom jinġabru t-tariffi u l- awtorizzazzjoni biex jinġabru, pereżempju billi tiġi inkluż r-referenza “Gebühreneinzug!” (“Ġbir ta’ tariffi”) jew “AEV!” (“Ordinanza dwar id-Debitu Dirett”). Għal awtorizzazzjoni limitata, ir-rikors jista’ jindika wkoll l-ammont massimu li għandu jiġi ddebitat (l-Artikoli 5 u 6 tal-Ordinanza dwar id-Debitu Dirett (Abbuchungs- und Einziehungs-Verordnung)).
Jekk ir-rikors għal ordni ta’ ħlas Ewropea jiġi ppreżentat permezz tas-sistema Awstrijaka tal-Ġustizzja Elettronika (Elektronischer Rechtsverkehr (ERV)), it-tariffi jridu jitħallsu permezz ta’ debitu dirett. F’dan il-każ, l-ammont massimu li jrid jiġi ddebitat ma jistax jiġi speċifikat.
Jekk l-awtoritajiet federali jkunu intitolati li jitolbu tariffi tal-qorti meta jiġi ppreżentat ir-rikors (ir-rikors għal ordni ta’ ħlas Ewropea) u ma jkun hemm l-ebda awtorizzazzjoni ta’ debitu dirett, il-prova tal-ħlas tat-tariffi (prova tat-trasferiment) trid tinhemeż mar-rikors (l-Artikolu 4 tal-Att dwar it-Tariffi tal-Qorti). Jekk il-ħlas isir permezz ta’ kard bankarja, kard ta’ kreditu, depożitu jew trasferiment fil-kont tal-qorti kompetenti, jew permezz ta’ debitu dirett mill-kont tal-parti, l-Aġenzija Federali Awstrijaka tal-Kontabilità (Buchhaltungsagentur des Bundes) tinforma lill-awtorità ġudizzjarja dwar l-ikkreditar tal-ħlasijiet lill-kont tal-qorti fi stadju aktar tard biss. Il-proċedura relatata mal-avviż tat-tariffi tal-qorti tintemm meta tingħata prova ta’ pagament (sħiħ).
Fil-każ ta’ ħlas żejjed, tista’ ssir talba għar-rimborż ta’ tariffi mħallsa żejda lill-qorti (l-Artikolu 6c(1)(1) tal-Att dwar l-Irkupru tal-Ħlasijiet tal-Qorti) fi żmien 5 snin.
Il-verzjoni bil-lingwa nazzjonali hija ġestita mill-Istat Membru rispettiv. It-traduzzjonijiet saru mis-servizz tal-Kummissjoni Ewropea. Jista' jkun hemm xi tibdil imdaħħal fl-oriġinal mill-awtorità nazzjonali kompetenti li jkun għadu ma jidhirx fit-traduzzjonijiet. Il-Kummissjoni Ewropea ma taċċettax responsabbilta jew kwalunkwe tip ta' tort fir-rigward ta' kull informazzjoni jew dejta li tinsab jew li hemm referenza għaliha f'dan id-dokument. Jekk jogħġbok irreferi għall-avviż legali sabiex tiċċekkja r-regoli dwar id-drittijiet tal-awtur għall-Istati Membri responsabbli minn din il-paġna.
Liema tip ta’ tariffi tal-qorti għandhom jitħallsu?
X’jiġri jekk ma nħallasx fil-ħin?
It-tariffi fil-proċedimenti ċivili huma regolati mill-Att dwar l-Ispejjeż tal-Qrati (Kawżi Ċivili) tat-28 ta’ Lulju 2005 (test konsolidat: Ġurnal tal-Liġijiet 2014, partita 1025). Bħala regola, trid titħallas tariffa għal kull dikjarazzjoni ta’ talba li tiġi ppreżentata, inkluż talbiet ippreżentati bħala parti mill-proċedimenti regolati mir-Regolament (KE) Nru 1896/2006 tal-Parlament Ewropew u tal-Kunsill tat-12 ta’ Diċembru 2006 li joħloq proċedura għal ordni ta’ ħlas Ewropea (l-EOP). Il-liġi Pollakka tipprovdi għall-possibiltà li ssir talba għal eżenzjoni minn dawn l-ispejjeż fl-Att li għadna kif semmejna (Titolu IV - Eżenzjoni mill-ispejjeż tal-qorti).
It-tariffa applikabbli fil-każ tal-EOP hija tariffa proporzjonali.
F’każijiet li jikkonċernaw drittijiet fuq propjetà u ammonti sa 5% tal-ammont tal-kawża titħallas tariffa proporzjonali (jiġifieri l-ammont speċifikat fid-dikjarazzjoni tat-talba); madankollu, ma tistax tkun inqas minn PLN 30 jew iktar minn PLN 100 000. F’każ ta’ talba biex tiġi miċħuda EOP, titħallas nofs it-tariffa.
Skont l-Artikolu 1262(1) tal-Kodiċi ta’ Proċedura Ċivili tas-17 ta’ Novembru 1964 (Ġurnal tal-Liġijiet Nru 43, partita 269, kif emendat), il-qorti ma tieħux miżuri b’rispons għal dokumenti proċedurali li fuqu ma tħallsitx it-tariffa. Fi kliem ieħor, it-tariffa trid titħallas meta jiġi ppreżentat id-dokumenti proċedurali (dikjarazzjoni tat-talba) mal-qorti li għandha ġuriżdizzjoni jew meta jrid jiġi ppreżentat rikors għal eżenzjoni mill-ispejjeż tal-qorti.
Il-konsegwenzi proċedurali għan-nuqqas ta’ ħlas tat-tariffi għal dokumenti proċedurali huma speċifikati, fl-Artikoli 130 u 1302 tal-Kodiċi ta’ Proċedura Ċivili, fost oħrajn.
Skont l-Artikolu 130 tal-Kodiċi ta’ Proċedura Ċivili, jekk id-dokument proċedurali (inkluż id-dikjarazzjoni tat-talba) ma jistgħux jiġu proċessati minħabba nuqqas ta’ ħlas tat-tariffa, l-imħallef presedenti jsejjaħ lill-partijiet biex iħallsu fi żmien ġimgħa, inkella fin-nuqqas jiġi mibgħut lura id-dokument. Jekk id-dokument proċedurali ġie ppreżentat minn persuna li tgħix barra l-pajjiż li ma għandha l-ebda rappreżentant fil-Polonja, l-imħallef presedenti għandu jispeċifika limitu taż-żmien għall-ħlas tat-tariffa, li ma jistax ikun iqsar minn xahar. Jekk it-tariffa ma titħallasx fil-ħin, il-dokument proċedurali jintbagħat lura lill-parti. Jekk it-tariffa titħallas fil-ħin, id-dokument proċedurali jipproduċi l-effetti legali mid-data tal-preżentata tiegħu.
Skont l-Artikolu 1302 tal-Kodiċi ta’ Proċedura Ċivili, dokument proċedurali ppreżentat minn avukat jew avukat tal-privattivi li ma tħallsitx it-tariffa tiegħu jiġi ritornat mingħajr sejħa għall-ħlas jekk it-tariffa hija fissa jew proporzjonali għall-ammont tat-tilwima kif speċifikat mill-parti. Madankollu, jekk it-tariffa għad-dokument proċedurali titħallas fi żmien ġimgħa min-notifika tad-deċiżjoni biex jiġi ritornat id-dokument, id-dokument ikollu effetti legali mid-data li fiha ġie ppreżentat.
L-arranġamenti għall-ħlas tat-tariffi tal-qorti f’kawżi ċivili huma regolati mill- Ordinanza tal-Ministru għall-Ġustizzja tal-31 ta’ Jannar 2006 li tistabbilixxi l-arranġamenti għall-ħlas tat-tariffi tal-qorti f’kawżi ċivili (Ġurnal tal-Liġijiet Nru 27, partita 199), li qiegħda timplimenta l-leġiżlazzjoni għall-imsemmi Att dwar l-Ispejjeż tal-Qorti (Kawżi Ċivili).
It-tariffi tal-qorti f’kawżi ċivili jistgħu jitħallsu f’forma mhux bi flus kontanti fil-kont kurrenti tal-qorti li għandha ġuriżdizzjoni (id-dettalji tal-kont jistgħu jinkisbu direttament mill-qorti jew minn fuq is-sit elettroniku tagħha jew dak tal-Ministeru tal-Ġustizzja), direttament fl-uffiċċju tal-kaxxier tal-qorti jew fil-forma ta’ bolol tat-tariffi tal-qorti li jistgħu jinxtraw mill-uffiċċju tal-kaxxier tal-qorti.
Hekk kif jitħallsu t-tariffi u jiġu solvuti l-irregolaritajiet, il-qorti toħroġ ordni għal ħlas Ewropea.
Il-verzjoni bil-lingwa nazzjonali hija ġestita mill-Istat Membru rispettiv. It-traduzzjonijiet saru mis-servizz tal-Kummissjoni Ewropea. Jista' jkun hemm xi tibdil imdaħħal fl-oriġinal mill-awtorità nazzjonali kompetenti li jkun għadu ma jidhirx fit-traduzzjonijiet. Il-Kummissjoni Ewropea ma taċċettax responsabbilta jew kwalunkwe tip ta' tort fir-rigward ta' kull informazzjoni jew dejta li tinsab jew li hemm referenza għaliha f'dan id-dokument. Jekk jogħġbok irreferi għall-avviż legali sabiex tiċċekkja r-regoli dwar id-drittijiet tal-awtur għall-Istati Membri responsabbli minn din il-paġna.
Skont l-Artikolu 5 tar-Regolament dwar l-Ispejjeż tal-Qorti (Regulamento das Custas Processuais), adottat bid-Digriet Liġi Nru 34/2008 tas-26 ta’ Frar 2008, it-tariffa tal-qorti (taxa de justiça) hija espressa f’unitajiet ta’ kont (unidades de conta, UC), b’unità waħda ta’ kont li bħalissa tammonta għal EUR 102. L-ammont tat-tariffa tal-qorti jiġi stabbilit skont il-valur jew il-kumplessità tal-kawża.
Ir-Regolament dwar l-Ispejjeż tal-Qorti jinkludi regoli speċifiċi relatati mar-Regolament (KE) Nru 1896/2006 tal-Parlament Ewropew u tal-Kunsill tat-12 ta’ Diċembru 2006 li joħloq proċedura għal ordni ta’ ħlas Ewropea.
Skont l-Artikolu 7(4) u t-Tabella II-A tar-Regolament dwar l-Ispejjeż tal-Qorti, għal rikorsi għal ordni ta’ ħlas:
Tista’ tintalab tariffa ogħla:
Jekk l-intimat jippreżenta dikjarazzjoni ta’ oppożizzjoni skont l-Artikolu 17(1) tar-Regolament (KE) 1896/2006 u l-proċedimenti jkomplu, l-ammont fit-tariffi tal-qorti għall-proċedura ta’ ordni ta’ ħlas Ewropea jitnaqqas, għar-rikorrent, mill-ammont dovut skont il-proċedimenti kontinwi (l-Artikolu 7(6) tar-Regolament dwar l-Ispejjeż tal-Qorti).
Ara t-tweġiba preċedenti.
Skont l-Artikolu 642 tal-Kodiċi tal-Proċedura Ċivili, tingħata struzzjonijiet mir-reġistru tal-qorti sabiex tagħmel il-ħlas li ma sarx fi żmien 10 ijiem, u tħallas multa addizzjonali ta’ ammont ugwali li jikkorrispondi għal mhux anqas minn unità ta’ kont waħda u mhux aktar minn 5 unitajiet ta’ kont. Jekk tonqos milli tagħti prova tal-ħlas tat-tariffi tal-qorti dovuti u tal-multa fi żmien 10 ijiem, il-qorti tordna l-irtirar tat-talba, tar-rikors jew tal-appell li tkun ippreżentajt.
It-tariffi tal-qorti jridu jitħallsu permezz ta’ trasferiment bankarju.
Meta tippreżenta rikors għal ordni ta’ ħlas lill-qorti, nirrakkomandaw li tistenna l-istruzzjonijiet mir-reġistru tal-bank ċivili ċentrali fil-qorti distrettwali ta’ Porto dwar kif tagħmel il-ħlas. Għal dan il-għan, huwa rrakkomandat ħafna li tipprovdi indirizz tal-posta elettronika għar-rikorrent jew għar-rappreżentant tiegħu. Ir-reġistru tal-qorti jibgħat numru ta’ referenza (li jkun fih 12-il ċifra u li jibda b’70) li għandu jiddaħħal fil-kaxxa tal-kummenti tat-trasferiment bankarju, flimkien man-numru tal-kawża tal-proċedura sabiex il-ħlas ikun jista’ jitqabbel mal-kawża. Trid tipprovdi prova tat-trasferiment lill-qorti.
Jekk tagħżel li tħallas qabel il-bidu tal-proċedimenti fil-qorti, jiġifieri mingħajr ma tistenna l-avviż ta’ ħlas mill-qorti, id-dettalji tal-ħlas huma kif ġej (u trid tipprovdi prova tat-trasferiment lill-qorti):
Id-Detentur: Instituto de Gestão Financeira e Equipamentos da Justiça, I.P. (Istitut għall-Ġestjoni Finanzjarja u l-Infrastruttura fis-Sistema Ġudizzjarja)
l-NIF (in-numru ta' identifikazzjoni tal-kontribwent): 510 361 242
in-numru tal-kont: 1120014160
NIB (Portuguese BBAN): 078101120112001416052
IBAN: PT50078101120112001416052
L-isem tal-bank: Agência da Gestão da Dívida e do Crédito Público - IGCP, E.P.E.
il-BIC SWIFT (Kodiċi għall-Identifikazzjoni tan-Negozju): IGCPPTPL
Skont l-Artikolu 22(1) tal-Ordni ta’ Implimentazzjoni Ministerjali (Portaria) Nru 419-A/2009 tas-17 ta’ April 2009, inti trid tippreżenta dokument bħala prova ta’ ħlas jew inkella tipprovdi prova ta’ ħlas, flimkien mas-sottomissjonijiet jew it-talba korrispondenti, sakemm ma jkunx previst mod ieħor skont l-Ordni Ministerjali ta’ Implimentazzjoni Nru 280/2013 tas-26 ta’ Awwissu 2013.
Il-verzjoni bil-lingwa nazzjonali hija ġestita mill-Istat Membru rispettiv. It-traduzzjonijiet saru mis-servizz tal-Kummissjoni Ewropea. Jista' jkun hemm xi tibdil imdaħħal fl-oriġinal mill-awtorità nazzjonali kompetenti li jkun għadu ma jidhirx fit-traduzzjonijiet. Il-Kummissjoni Ewropea ma taċċettax responsabbilta jew kwalunkwe tip ta' tort fir-rigward ta' kull informazzjoni jew dejta li tinsab jew li hemm referenza għaliha f'dan id-dokument. Jekk jogħġbok irreferi għall-avviż legali sabiex tiċċekkja r-regoli dwar id-drittijiet tal-awtur għall-Istati Membri responsabbli minn din il-paġna.
X’jiġri jekk ma nħallasx it-tariffi tal-qorti fil-ħin?
Kif nista’ nħallas it-tariffi tal-qorti?
Il-Proċedura Ewropea għal Ordni ta’ Ħlas hija regolata mir- Regolament (KE) Nru 1896/2006 tal-Parlament Ewropew u tal-Kunsill tat-12 ta’ Diċembru 2006 li joħloq proċedura għal ordni ta’ ħlas Ewropea.
Fir-rigward tas-sistema tal-bolol tal-qorti, jekk jogħġbok ara li dawn huma regolati mill-Ordni ta’ Emerġenza Nru 80/2013, li ilha fis-seħħ mis-26 ta’ Ġunju 2013. Dan l-att leġiżlattiv ġie adottat wara l-emenda flil-qafas ġuridiku għat-tmexxija tal-proċedimenti ċivili bl-adozzjoni tal-Kodiċi ta’ Proċedura Ċivili u bl-eżekuzzjoni tal-istituzzjonijiet il-ġodda adottati mil-Kodiċi Ċivili.
It-tariffi għat-timbri tal-qorti għandhom jitħallsu mill-persunu fiżiċi u ġuridiċi kollha u jitħallsu għas-servizzi mogħtija mill-qrati kif ukoll mill-Ministeru tal-Ġustizzja (Ministerul Justiției) u l-Uffiċċju tal-Prosekutur mehmuż mal-Qorti Superjuri tal-Kassazzjoni u tal-Ġustizzja (Parchetul de pe lângă Înalta Curte de Casație și Justiție).
It-tariffi għat-timbri tal-qorti jistgħu jitħallsu onlajn fir-Rumanija, madankollu din is-sistema ta’ ħlas elettroniku għadha ma taħdimx fil-prattika s’issa.
It-tariffi għat-timbri tal-qorti huma dovuti kemm għall-proċedimenti fl-ewwel istanza u l-appelli skont il-liġi.
Il-persuni fiżiċi jista’ jkollhom dritt, fuq talba, għal skontijiet fuq, eżenzjonijiet minn u skemi ta’ ħlas bin-nifs għall-ħlas tat-tariffi tat-timbri tal-qorti skont l-Ordni ta’ Emerġenza tal-Gvern Nru 51/2008 dwar l-għajnuna legali pubblika f’materji ċivili, kif approvat emendat u supplimentat mil-Liġi Nru 193/2008 kif sussegwentement emendat u supplimentat. Il-persuni ġuridiċi jistgħu jingħataw faċilitajiet għall-ħlas tat-tariffi tat-timbri tal-gvern skont l-Artikolu 42(2) tal-Ordni ta’ Emerġenza tal-Gvern Nru 80/2013.
Fl-istat kurrenti tal-liġi, it-tariffa tat-timbri tal-qorti sabiex issir applikazzjoni għal Ordni ta’ Ħlas Ewropea hija stabbilita fl-Artikolu 3 tal-Ordni ta’ Emerġenza tal-Gvern Nru 80/2013, kif ġej:
Skont l-Ordni ta’ Emerġenza tal-Gvern Nru 80/2013, it-tariffa tat-timbri tal-qorti hija pagabbli bil-quddiem. Jekk ir-rikorrent ma jissodisfax l-obbligi tiegħu biex iħallas it-tariffa mal-iskadenza stabbilita mil-liġi jew mill-qorti, ir-rikors jiġi annullat għaliex mhux ittimbrat jew, fejn applikabbli, riżolti fil-limiti tat-tariffa tal-qort mħallsa legalment. Barra minn hekk, jekk ir-rikors għall-faċilitajiet għall-ħlas tat-tariffa tat-timbru tal-qorti ġie miċħud, u r-rikorrent għadu ma ħallasx it-tariffa għat-timbru tal-qorti dovuta fiż-żmien stabbilit, kif stipulat mill-qorti, u ma għandux prova li ħallas fl-atti tal-kawża, il-qorti tannulla r-rikors għaliex mhux ittimbrat.
It-tariffi għat-timbri tal-qorti jistgħu jitħallsu mill-persuna li trid tħallasha bi flus kontanti, bi trasferiment bankarju jew inlajn f’kont tad-dħul tal-baġit lokali partikolari jiġifieri “it-tariffi tat-timbri tal-Qort u tariffi oħra” tal-unità amministrattiva territorjali fejn il-persuna fiżika għandha d-domiċilju jew ir-residenza tagħha jew, fejn applikabbli, fejn għandha l-uffiċċju rreġistrat il-persuna ġuridika. L-ispejjeż assoċjati mat-trasferiment tal-ammonti dovuti bħala tariffi għat-timbri tal-qorti jitħallsu mid-debitur.
Jekk il-persuna li trid tħallas it-tariffa tat-timbru tal-qorti ma għandiex la domiċilju, la residenza u l-anqas uffiċċju rreġistrat, fejn applikabbli, fir-Rumanija, it-tariffa tat-timbru tal-qorti titħallas fil-kont tal-baġit lokali tal-unità amministrattiva territorjali li tkopri l-uffiċċju rreġistrat tal-qorti fejn tinfetaħ il-kawża jew jiġi ppreżentat ir-rikors.
It-taxxa tal-boll jitħallsu fi flus kontanti fid-direttorati tat-tariffi u tat-taxxi tal-unitajiet amministrattivi territorjali fejn il-persuna fiżika għandha d-domiċilju jew ir-residenza tagħha, jew fejn għandha l-uffiċċju rreġistrat il-persuna ġuridika.
Barra minn hekk, it-taxxa tal-boll titħallas permezz ta’ trasferiment bankjarju u onlajn.
S’issa għadha ma ġietx implimentata l-ebda sistema elettronika fir-Rumanija għall-ħlas tat-taxxa tal-boll tal-qorti għalkemm dan il-metodu huwa regolat bil-liġi.
L-irċevuta għall-ħlas tat-taxxa tal-boll, li tinħareġ għall-ħlasijiet fi flus kontanti, jew money order, tiġi ppreżentata meta tinfetaħ il-kawża.
L-irċevuti jew, fejn applikabbli, il-money orders għat-taxxa tal-boll tal-qorti ma għandhomx l-ebda format standard għaliex jinħarġu fil-format aċċettat mill-unità fejn isir il-ħlas.
Meta t-taxxa tal-boll tal-qorti titħallas wara li l-qorti tkun innotifikat lir-rikorrent f’dan ir-rigward, huwa għandu jinkludi fl-atti tal-kawża il-prova tal-ħlas tat-taxxa tal-boll fi żmien 10 ijiem min-notifika.
Il-prova tal-ħlas tat-taxxa tal-boll tista’ tiġi ppreżentata personalment fl-uffiċċju rreġistrat tal-qorti, jew b’ittra elettronika, fejn jiġi indikat in-numru tal-fajl (tal-kawża) li għalih qed isir il-ħlas, għaliex l-istess numru tal-kawża jiġi indikat fuq in-notifika li ssir mill-qorti fuq il-parti kkonċernata.
Il-verzjoni bil-lingwa nazzjonali hija ġestita mill-Istat Membru rispettiv. It-traduzzjonijiet saru mis-servizz tal-Kummissjoni Ewropea. Jista' jkun hemm xi tibdil imdaħħal fl-oriġinal mill-awtorità nazzjonali kompetenti li jkun għadu ma jidhirx fit-traduzzjonijiet. Il-Kummissjoni Ewropea ma taċċettax responsabbilta jew kwalunkwe tip ta' tort fir-rigward ta' kull informazzjoni jew dejta li tinsab jew li hemm referenza għaliha f'dan id-dokument. Jekk jogħġbok irreferi għall-avviż legali sabiex tiċċekkja r-regoli dwar id-drittijiet tal-awtur għall-Istati Membri responsabbli minn din il-paġna.
Liema tariffi huma applikabbli?
X’jiġri jekk ma nħallasx it-tariffi tal-qrati fil-ħin?
Kif nista’ nħallas it-tariffi tal-qrati?
It-tariffi tal-qorti applikabbli fil-proċedura għal ordni ta’ ħlas Ewropea huma pprovduti fl-Att dwar it-Tariffi tal-Qorti Slovena (Zakon o sodnih taksah) (Uradni list RS (Gazzetta tar-Repubblika tas-Slovenja) Nri 37/08, 97/10, 63/13, 58/14 — Deċiżjoni tal-Qorti Kostituzzjonali, 19/15 — Deċiżjoni tal-Qorti Kostituzzjonali, 30/16 u 10/17-ZPP-E (Att li Jemenda l-Att dwar il-Proċedura Ċivili); minn hawn ’il quddiem imsejjaħ: iż-ZST-1), il-liġi ġenerali dwar it-tariffi tal-qrati.
Iz-ZST-1 (Artikolu 6) jipprovdi bażi legali għall-ħlas ta’ tariffi tal-qorti bl-użu ta’ flus kontanti, flus elettroniċi u mezzi oħra validi ta’ ħlas, li japplika wkoll għall-ħlas ta’ tariffi skont il-proċedura għal ordni ta’ ħlas Ewropea. Fil-prattika, it-tariffi tal-qorti jistgħu jitħallsu elettronikament permezz tas-servizzi ta’ ħlas bl-internet ta’ banek individwali.
Skont il-proċedura tal-ordni ta’ ħlas Ewropea, tariffa ta’ darba tal-qorti tapplika għall-proċedimenti kollha. Il-persuna responsabbli għall-ħlas tat-tariffa tal-qrati huwa r-rikorrent, u l-ħlas għandu jsir fil-ħin tal-preżentazzjoni tar-rikors dwar l-ordni ta’ ħlas Ewropea lill-qorti.
L-ammont tat-tariffa tal-qrati skont il-proċedura tal-ordni ta’ ħlas Ewropea li r-rikorrent irid iħallas meta jippreżenta rikors lill-qorti jiddependi fuq il-valur tat-talba.
Il-kwozjent hija 1,2 (l-intestatura tariffarja 1301 tat-tariffa tal-miżata skont iz-ZST-1), u t-tariffa tiġi kkalkulata skont it-tabella pprovduta fl-Artikolu 16 taz-ZST-1. Peress li hemm ħafna klassijiet ta’ valur, dawn kollha ma jistgħux jiġu elenkati hawnhekk fid-dettall.
Jekk ir-rikorrent jonqos milli jħallas it-tariffa tal-qrati fil-ħin, il-qorti xorta waħda twettaq il-proċedimenti, u t-tariffa tal-qrati mbagħad tiġi infurzata fejn meħtieġ.
Iz-ZST-1 (Artikolu 6) jipprovdi bażi legali għall-ħlas ta’ tariffi tal-qorti bl-użu ta’ flus kontanti, flus elettroniċi u mezzi oħra validi ta’ ħlas, li japplika wkoll għall-ħlas ta’ tariffi skont il-proċedura għal ordni ta’ ħlas Ewropea.
Fil-prattika, it-tariffi tal-qrati jistgħu jitħallsu elettronikament permezz tas-servizzi ta’ ħlas bl-internet ta’ banek individwali, jew jistgħu jitħallsu direttament permezz tal-fornitur tas-servizzi tal-ħlas jew tal-kaxxier tal-qorti (bl-użu ta’ flus kontanti jew terminal POS).
Kull bank għandu s-servizz ta’ pagament tal-web tiegħu stess biex isiru l-pagamenti elettroniċi.
Il-persuna responsabbli tista’ tħallas it-tariffa tal-qrati minn qabel, jiġifieri mal-preżentata tar-rikors għall-ftuħ ta’ proċedimenti fil-qorti, jew tista’ tippreżenta r-rikors lill-qorti u tistenna li l-qorti tibgħatlu avviż ta’ ħlas bl-ammont applikabbli u d-data l-oħra kollha meħtieġa biex tagħmel il-pagament.
Jekk titħallas it-tariffa tal-qrati billi jiġi indikat in-numru ta’ referenza xieraq (ikkomunikat lill-persuna responsabbli mill-avviż dwar il-ħlas), il-persuna responsabbli ma tkunx meħtieġa tipprovdi lill-qorti bi kwalunkwe evidenza ta’ ħlas. F’każijiet bħal dawn, il-qorti tiġi nnotifikata dwar il-pagament permezz ta’ sistema bankarja elettronika speċjali (UJPnet), fejn in-numru ta’ referenza korrett huwa deċiżiv fir-rikonoxximent ta’ pagamenti individwali.
Madankollu, jekk it-tariffa tal-qrati titħallas mingħajr ma jiġi indikat in-numru ta’ referenza xieraq, il-persuna responsabbli trid tissottometti ċertifikat ta’ ħlas lill-qorti. Ma hemmx kundizzjonijiet formali speċjali dwar il-validità ta’ dan iċ-ċertifikat. Abbażi ta’ tali ċertifikat, il-qorti, jekk ikun meħtieġ, tivverifika l-ħlas tat-tariffa tal-qrati fuq il-pjattaforma UJPnet (b’mod partikolari meta t-tariffa tal-qrati ma titħallasx permezz tal-kaxxier tal-qorti).
Il-verzjoni bil-lingwa nazzjonali hija ġestita mill-Istat Membru rispettiv. It-traduzzjonijiet saru mis-servizz tal-Kummissjoni Ewropea. Jista' jkun hemm xi tibdil imdaħħal fl-oriġinal mill-awtorità nazzjonali kompetenti li jkun għadu ma jidhirx fit-traduzzjonijiet. Il-Kummissjoni Ewropea ma taċċettax responsabbilta jew kwalunkwe tip ta' tort fir-rigward ta' kull informazzjoni jew dejta li tinsab jew li hemm referenza għaliha f'dan id-dokument. Jekk jogħġbok irreferi għall-avviż legali sabiex tiċċekkja r-regoli dwar id-drittijiet tal-awtur għall-Istati Membri responsabbli minn din il-paġna.
X’jiġri jekk ma nħallasx it-tariffi tal-qorti fil-ħin?
Kif nista’ nħallas it-tariffi tal-qorti?
L-Att Nru 71/1992 dwar it-tariffi tal-qorti u t-tariffi għal siltiet mir-reġistru kriminali, kif emendat.
It-tariffi tal-qorti jistgħu jitħallsu b’karta ta’ debitu jew ta’ kreditu, permezz ta’ trasferiment bankarju jew f’fergħa ta’ bank barrani.
It-tariffi tal-qorti jiġu imposti skont l-Artikolu 1 tal-Att Nru 71/1992 dwar it-tariffi tal-qorti u t-tariffi għal siltiet mir-reġistru kriminali, kif emendati, għal atti individwali jew proċedimenti tal-qorti meta jitwettqu fuq proposta u bħala atti tal-awtoritajiet tal-amministrazzjoni pubblika u l-prosekuturi elenkati fl-iskeda tat-tariffi tal-qorti u t-tariffi għal siltiet mir-reġistru kriminali, li huwa anness mal-att inkwistjoni.
It-tariffi huma wkoll pagabbli għal proċedimenti u atti mwettqa mingħajr proposta għall-benefiċċju ta’ min iħallas it-tariffi jekk ikunu espressament elenkati fl-iskeda.
Ir-rata tariffarja hija elenkata fl-iskeda bħala perċentwal tal-bażi tariffarja jew bħala somma fissa. Jekk tiġi stabbilita rata tariffarja għal proċedura, din tkun tfisser proċedura f’istanza waħda. Għandha titħallas ukoll tariffa tal-istess rata fi proċedura ta’ appell fl-istess kawża.
Għal talab għall-bidu ta’ proċedura għal ordni ta’ ħlas Ewropea, sakemm ma tiġix stabbilita rata speċjali, tkun ta’ 6 % tal-ispiża (ħlas) tas-suġġett tal-proċedura jew tal-valur tal-oġġett tal-litiġju, għalkemm mhux inqas minn EUR 16,50. L-istess japplika fil-każ tal-preżentata ta’ eċċezzjoni.
Jekk it-tariffa pagabbli mal-preżentata ta’ talba, rikors għall-ftuħ ta’ proċedura, appell jew appell fil-kassazzjoni ma tkunx tħallset, il-qorti għandha titlob lill-min suppost iħallas it-tariffa biex iħallasha fi żmien li tistabbilixxi hi, ġeneralment fi żmien għaxart ijiem minn meta jirċievi l-istedina biex iħallas; jekk it-tariffa ma titħallasx fil-ħin, minkejja l-istedina mill-qorti, il-qorti tissospendi l-proċedura. Min suppost iħallas irid ikun avżat bil-konsegwenzi tan-nuqqas ta’ ħlas tat-tariffa.
Il-qorti ma għandhiex tissospendi l-proċedura minħabba n-nuqqas ta’ ħlas tat-tariffa jekk
It-tariffi li jridu jitħallsu mill-qrati, l-awtoritajiet tal-amministrazzjoni pubblika u l-prosekuturi jistgħu jitħallsu fi flus kontanti, permezz ta’ karta ta’ debitu jew ta’ kreditu, money order jew trasferiment bankarju jew f’fergħa ta’ bank barrani. It-tariffi jitħallsu fi flus kontanti, permezz ta’ karta ta’ debitu jew ta’ kreditu jew bi trasferiment bankarju jew fil-fergħa ta’ bank barrani bl-użu tat-tagħmir tekniku ta’ entità ġuridika bi sjieda 100 % tal-Istat li tkun operatur tas-sistema, jekk il-korp kompetenti jkun issodisfa r-rekwiżiti għal dan. It-tariffi jistgħu jitħallsu fi flus kontanti jekk il-qrati, l-awtoritajiet tal-amministrazzjoni pubblika tal-qrati u l-prosekuturi jkunu stabbilew il-kundizzjonijiet biex dan isir, u dment li t-tariffa għal kull kawża ma taqbiżx it-EUR 300, bl-eċċezzjoni tat-tariffa fil-punt 17 (fi kwistjonijiet tar-reġistru kummerċjali), li tista’ titħallas fi flus kontanti, anki jekk taqbeż it-EUR 300. Jekk il-qorti, l-awtorità tal-amministrazzjoni pubblika tal-qorti u l-prosekutur ikunu integrati fis-sistema ċentrali tar-reġistri tat-tariffi, it-tariffi mħallsa b’money order, permezz ta’ karta ta’ debitu jew ta’ kreditu, bi trasferiment bankarju jew f’fergħa ta’ bank barrani jitħallsu fil-kont tal-operatur tas-sistema.
Il-prova tal-ħlas tista’ tingħata permezz ta’ dokumenti ta’ ħlas standard użati fi tranżazzjonijiet normali, skont il-metodu ta’ ħlas, jiġifieri rċevuta ta’ flus, il-karta tal-money order, ir-rendikont tal-kont bankarju, eċċ.
Il-verzjoni bil-lingwa nazzjonali hija ġestita mill-Istat Membru rispettiv. It-traduzzjonijiet saru mis-servizz tal-Kummissjoni Ewropea. Jista' jkun hemm xi tibdil imdaħħal fl-oriġinal mill-awtorità nazzjonali kompetenti li jkun għadu ma jidhirx fit-traduzzjonijiet. Il-Kummissjoni Ewropea ma taċċettax responsabbilta jew kwalunkwe tip ta' tort fir-rigward ta' kull informazzjoni jew dejta li tinsab jew li hemm referenza għaliha f'dan id-dokument. Jekk jogħġbok irreferi għall-avviż legali sabiex tiċċekkja r-regoli dwar id-drittijiet tal-awtur għall-Istati Membri responsabbli minn din il-paġna.
Ir-regoli applikabbli fl-Iżvezja dwar it-tariffa tal-applikazzjoni għal ordni ta’ ħlas Ewropea jikkonsistu f’dawn:
L-Att (2008:879) dwar ordni ta’ ħlas Ewropea (Lag (2008:879) om europeiskt betalningsföreläggande) 5 § Applikant għal ordni Ewropea jeħtieġlu jħallas tariffa tal-applikazzjoni. Il-Gvern jista’ joħroġ regolamenti fuq l-ammont tat-tariffa.
It-tariffa tal-applikazzjoni trid titħallas bil-quddiem.
Jekk l-applikant jonqos milli jikkonforma ma’ ordni sabiex iħallas it-tariffa tal-applikazzjoni, l-applikazzjoni tiġi miċħuda.
Ir-Regolament (2008:892) dwar ordni ta’ ħlas Ewropea (Förordning (2008:892) om europeiskt betalningsföreläggande) 3 § Meta jħallas it-tariffa tal-applikazzjoni, l-applikant jeħtieġlu jindika n-numru tal-identità personali tal-intimat jew in-numru tar-reġistrazzjoni tal-organizzazzjoni.
Jekk qed titlob ordni ta’ ħlas Ewropea fl-Iżvezja, jeħtieġlek tħallas tariffa tal-applikazzjoni. It-tariffa tal-applikazzjoni trid titħallas bil-quddiem. Dan ifisser li t-tariffa tal-applikazzjoni trid tkun tħallset sabiex l-Awtorità tal-Eżekuzzjoni Żvediża (Kronofogdemyndigheten) tibda tipproċessa l-applikazzjoni għal ordni ta’ ħlas Ewropea. Meta tissottometti l-applikazzjoni, tirċievi ordni mill-Awtorità tal-Eżekuzzjoni Żvediża li jkun fiha informazzjoni dwar kif għandek tħallas it-tariffa tal-applikazzjoni.
Bħalissa, jeħtieġlek tħallas tariffa ta’ SEK 300 għall-applikazzjoni.
Jekk it-tariffa tal-applikazzjoni ma titħallasx fil-ħin, l-applikazzjoni tiġi miċħuda qabel ma jibda l-ipproċessar tal-applikazzjoni.
Tħallasx it-tariffa tal-applikazzjoni minn qabel. Stenna sakemm tirċievi ittra mingħand l-Awtorità tal-Eżekuzzjoni Żvediża li tagħtik id-dettalji kollha dwar kif għandek tħallas.
M’għandek bżonn tagħmel xejn wara li tkun ħallast it-tariffa tal-applikazzjoni fil-ħin. L-Awtorità tal-Eżekuzzjoni Żvediża tissorvelja r-riċevuta tal-pagament mill-awtorità. Imbagħad, ladarba l-ħlas ikun iddaħħal fil-kotba finanzjarji, l-Awtorità tal-Eżekuzzjoni Żvediża tibda tipproċessa l-applikazzjoni tiegħek għal ordni ta’ ħlas Ewropea.
Il-verzjoni bil-lingwa nazzjonali hija ġestita mill-Istat Membru rispettiv. It-traduzzjonijiet saru mis-servizz tal-Kummissjoni Ewropea. Jista' jkun hemm xi tibdil imdaħħal fl-oriġinal mill-awtorità nazzjonali kompetenti li jkun għadu ma jidhirx fit-traduzzjonijiet. Il-Kummissjoni Ewropea ma taċċettax responsabbilta jew kwalunkwe tip ta' tort fir-rigward ta' kull informazzjoni jew dejta li tinsab jew li hemm referenza għaliha f'dan id-dokument. Jekk jogħġbok irreferi għall-avviż legali sabiex tiċċekkja r-regoli dwar id-drittijiet tal-awtur għall-Istati Membri responsabbli minn din il-paġna.
Liema tariffi huma applikabbli?
X’jiġri jekk ma nħallasx it-tariffi tal-qorti fil-ħin?
Kif nista’ nħallas it-tariffi tal-qorti?
L-Ordni ta’ Ħlas Ewropea hija proċedura simplifikata biex jinkisbu sentenzi dwar pretensjonijiet mhux kontestati f’kawżi ċivili u kummerċjali transfruntiera. Kawża transfruntiera hija meta jkun hemm tal-anqas waħda mill-partijiet li jkollha d-domiċilju jew ir-residenza abitwali tagħha fi Stat Membru li ma jkunx dak tal-qorti fejn titressaq il-kawża.
Huwa meħtieġ il-ħlas tat-tariffi tal-qorti sabiex jitressaq rikors għal Ordni ta’ Ħlas Ewropea. Jekk tixtieq tħallas b’karta tal-kreditu/tad-debitu, id-dettalji rilevanti tal-kard għandhom jiġu provduti fl-Appendiċi tar-“Rikors għal Ordni ta’ Ħlas Ewropea, il-Formola A”.
Jekk ikun hemm bżonn li pretensjoni tiġi eżegwita, ikun hemm bżonn ta’ tariffa oħra tal-qorti. Aktar dettalji dwar it-tipi ta’ proċeduri disponibbli jinsabu fil-paġni dwar l-eżekuzzjoni għall-Ingilterra u Wales.
It-tariffi tal-qorti fl-Ingilterra u Wales jinsabu fil-fuljett EX50 - Civil and Family Court Fees
It-tariffa li trid titħallas hija bbażata fuq il-valur tal-pretensjoni.
Biex tiġi ffaċilitata r-referenza, it-tariffi fit-tabella ta’ hawn taħt huma korretti mis-17 ta’ Novembru 2016. It-tariffi tal-qorti jistgħu jinbidlu, għalhekk għandek dejjem tivverifika mal-qorti, mar-rappreżentant legali tiegħek u ma’ xi individwi jew organizzazzjonijiet oħra involuti li ammont partikolari jkun għadu t-tariffa fis-seħħ. Dawn it-tariffi huma f’Lira Sterlina (GBP) – biex jiġi kkalkulat l-ekwivalenti f’euro, trid tiġi applikata konverżjoni dakinhar li tkun tixtieq tressaq ir-rikors.
1.1 Biex jinbdew il-proċedimenti (inklużi l-proċedimenti li jinbdew wara li tingħata l-awtorizzazzjoni biex jintalab il-bidu tagħhom) għall-irkuprar tas-somma ta’ flus, meta l-ammont li jrid jiġi rkuprat: | Tariffa pagabbli (£) |
(a) Ma jaqbiżx £300 | £35 |
(b) Jaqbeż £300 iżda ma jaqbiżx £500 | £50 |
(c) Jaqbeż £500 iżda ma jaqbiżx £1 000 | £70 |
(d) Jaqbeż £1,000 iżda ma jaqbiżx £1 500 | £80 |
(e) Jaqbeż £1,500 iżda ma jaqbiżx £3 000 | £115 |
(f) Jaqbeż £3,000 iżda ma jaqbiżx £5 000 | £205 |
(g) Jaqbeż £5,000 iżda ma jaqbiżx £10 000 | £455 |
(h) Jaqbeż £10,000 iżda ma jaqbiżx £200 000 | 5 % tal-valur tal-pretensjoni |
(i) Jaqbeż £200 000 | £10 000 |
Jekk tixtieq li ssir eżekuzzjoni tal-pretensjoni, trid titħallas tariffa ulterjuri.
Trid tħallas tariffa tal-qorti biex tressaq rikors quddiem il-qorti u trid tħallas tariffi oħra tal-qorti fi stadji differenti tal-każ il-qorti. Inti tista’ tikkwalifika għal “remissjoni tat-tariffi” (skont iċ-ċirkostanzi personali tiegħek) li jfisser li ma jkollokx għalfejn tħallas it-tariffi tal-qorti, jew inkella jkollok tħallas biss parti minnhom. Madankollu, trid tressaq rikors għal remissjoni separata għal kull tariffa li trid titħallas matul il-proċess ġudizzjarju. Għalhekk, pereżempju, meta tressaq rikors għar-remissjoni meta ssir l-ewwel applikazzjoni, din tagħtik biss ir-remissjoni għal dik l-ewwel tariffa “ta’ reġistrazzjoni”. Dan għaliex iċ-ċirkostanzi personali tiegħek jistgħu jinbidlu matul il-kawża l-qorti, u tista’ ma tibqax eliġibbli aktar għal remissjoni fi stadji ulterjuri tal-kawża. Inkella, inti tista’ ssir eliġibbli għar-remissjoni tat-tariffi waqt il-kawża.
Jekk ir-rikorrent jonqos milli jimla b’mod korrett id-dettalji rilevanti tal-karta tal-kreditu jew għal xi raġuni l-ħlas ma jgħaddix, il-qorti li tieħu ħsieb, tibgħat il-Formola B “Talba lir-rikorrent biex jimla u/jew jirrettifika r-rikors għal Ordni ta’ Ħlas Ewropea” lir-rikorrent u titlob li jingħataw id-dettalji ta’ karta ta’ kreditu valida sabiex ikun jista’ jsir il-ħlas tat-tariffi tal-qorti. Jekk ma jiġix riċevut il-ħlas ġust, ir-rikors jieqaf f’dak l-istadju.
Il-ħlas tat-tariffa tal-qorti jsir billi jingħataw id-dettalji tajbin tal-ħlas lill-qorti. Dan għandu l-ewwel isir billi jingħataw id-dettalji rilevanti fir-“Rikors għal Ordni ta’ Ħlas Ewropea, il-Formola A”.
Il-ħlas normalment isir permezz ta’ karta tal-kreditu/tad-debitu. Jista’ jkun li mhux il-metodi kollha ta’ ħlas fil-Formola A jkunu disponibbli fil-qorti li quddiemha jitressaq ir-rikors. Ir-rikorrent għandu jikkuntattja lill-qorti u jivverifika liema metodu ta’ ħlas jista’ jintuża.
Jista’ wkoll ikun possibbli li wieħed iħallas permezz tal-karta ta’ kreditu bit-telefown. Diversi qrati għandhom il-faċilitajiet biex jaċċettaw ħlasijiet bil-kard b’dan il-mod, iżda għandha l-ewwel tiġi kkuntattjata l-qorti rilevanti biex tikkonferma li l-ħlas jista’ jsir b’dan il-mod.
Il-ħlas elettroniku jista’ jsir biss minn dawk li għandhom indirizz fir-Renju Unit.
Jekk ir-rikors ikun tressaq kif suppost, il-qorti toħroġ l-Ordni ta' Ħlas Ewropea (il-Formola E) lill-konvenut. Fl-istess waqt tintbagħat notifika ta’ ħruġ lir-rikorrent, flimkien mar-riċevuta tat-tranżazzjoni tal-ħlas.
Normalment, ir-riċevuta jkollha d-daqs ta’ 8 x 12cm u fuq nett ikollha l-isem tal-qorti u l-indirizz postali tagħha, u l-ammont imħallas bid-data u l-ħin tal-ħlas fil-qiegħ.
Għal aktar informazzjoni ara l-pretensjonijiet transfruntiera tal-Unjoni Ewropea
Il-verzjoni bil-lingwa nazzjonali hija ġestita mill-Istat Membru rispettiv. It-traduzzjonijiet saru mis-servizz tal-Kummissjoni Ewropea. Jista' jkun hemm xi tibdil imdaħħal fl-oriġinal mill-awtorità nazzjonali kompetenti li jkun għadu ma jidhirx fit-traduzzjonijiet. Il-Kummissjoni Ewropea ma taċċettax responsabbilta jew kwalunkwe tip ta' tort fir-rigward ta' kull informazzjoni jew dejta li tinsab jew li hemm referenza għaliha f'dan id-dokument. Jekk jogħġbok irreferi għall-avviż legali sabiex tiċċekkja r-regoli dwar id-drittijiet tal-awtur għall-Istati Membri responsabbli minn din il-paġna.
Ma hemm ebda tariffa applikabbli bħalissa.
Il-verzjoni bil-lingwa nazzjonali hija ġestita mill-Istat Membru rispettiv. It-traduzzjonijiet saru mis-servizz tal-Kummissjoni Ewropea. Jista' jkun hemm xi tibdil imdaħħal fl-oriġinal mill-awtorità nazzjonali kompetenti li jkun għadu ma jidhirx fit-traduzzjonijiet. Il-Kummissjoni Ewropea ma taċċettax responsabbilta jew kwalunkwe tip ta' tort fir-rigward ta' kull informazzjoni jew dejta li tinsab jew li hemm referenza għaliha f'dan id-dokument. Jekk jogħġbok irreferi għall-avviż legali sabiex tiċċekkja r-regoli dwar id-drittijiet tal-awtur għall-Istati Membri responsabbli minn din il-paġna.
X’jiġri jekk ma nħallasx it-tariffi tal-qorti fil-ħin?
Kif nista’ nħallas it-tariffi tal-qorti?
Fl-Iskozja, it-tariffi tal-qorti għal Ordnijiet ta’ Ħlas Ewropej huma rregolati minn:
L-Iskeda 2, il-Parti II, il-paragrafu 6 japplika għall-Ordnijiet ta’ Ħlas Ewropej mill-1 ta’ April 2019.
L-Iskeda 3, il-Parti II, il-paragrafu 6 japplika għall-Ordnijiet ta’ Ħlas Ewropej mill-1 ta’ April 2020.
Il-ħlas elettroniku tat-tariffi mhux possibbli.
Il-preżentazzjoni ta’ Ordni ta' Ħlas Ewropea fil-Formola A tar-RegolamentUE1896/2006 fil-qorti jirrikjedi l-ħlas ta’ tariffa waħda li tkopri l-proċeduri kollha tal-qorti.
Ir-rappreżentanza minn avukat ma tkunx normalment meħtieġa u t-tariffa tal-qorti ma tinkludix id-drittijiet tal-avukati, jew l-ispiża tan-notifika tad-dokumenti lill-konvenut.
Ma hemm l-ebda tariffa għall-preżentazzjoni ta’ dikjarazzjoni ta’ oppożizzjoni fil-Formola F.
It-tariffa biex tiġi ppreżentata Ordni ta’ Ħlas Ewropea fil-qorti hija ta’ £GBP 129.
Skont it-termini tal-Artikolu 8 tal-Ordni tal-2018 dwar it-Tariffi tal-Qorti tax-Sheriff, l-Istrument Statutorju Skoċċiż 2018/481 kif emendat, parti tista’ tkun intitolata għal eżenzjoni mit-tariffa, pereżempju jekk tkun intitolata għal ċerti benefiċċji pubbliċi, jew tkun intitolata għal għajnuna legali ċivili.
Il-qorti ma taċċettax ir-rikors, u ma tkun meħtieġa tagħmel xejn jekk ma titħallasx it-tariffa, skont it-termini tal-paragrafu 3 tal-Ordni tal-2018 dwar it-Tariffi tal-Qorti tax-Sheriff, tal-Istrument Statutorju Skoċċiż 2018/481, kif emendat.
It-tariffi tal-qorti jistgħu jitħallsu permezz ta’:
Il-qorti taċċetta l-preżentazzjoni tad-dokumenti tat-talba fil-Formola A tar-Regolament tal-UE 1896/2006 mal-ħlas. Id-dokumenti u l-ħlas għandhom jinġiebu jew jintbagħtu lill-qorti fl-istess ħin. Imbagħad, il-qorti tagħti jew tibgħat il-Formola B, C, D jew E bħala l-pass li jmiss fil-proċess. Ma hija meħtieġa l-ebda prova tal-ħlas.
Il-verzjoni bil-lingwa nazzjonali hija ġestita mill-Istat Membru rispettiv. It-traduzzjonijiet saru mis-servizz tal-Kummissjoni Ewropea. Jista' jkun hemm xi tibdil imdaħħal fl-oriġinal mill-awtorità nazzjonali kompetenti li jkun għadu ma jidhirx fit-traduzzjonijiet. Il-Kummissjoni Ewropea ma taċċettax responsabbilta jew kwalunkwe tip ta' tort fir-rigward ta' kull informazzjoni jew dejta li tinsab jew li hemm referenza għaliha f'dan id-dokument. Jekk jogħġbok irreferi għall-avviż legali sabiex tiċċekkja r-regoli dwar id-drittijiet tal-awtur għall-Istati Membri responsabbli minn din il-paġna.